ທ່ານ ໂຕເລິມ ເລຂາທິການໃຫຍ່ ຄະນະບໍລິຫານງານສູນກາງພັກ ກອມມູນິດ ຫວຽດນາມ ກ່າວຄຳເຫັນວ່າ: ອົງຄະນະພັກນະຄອນ ຕ້ອງສ້າງອົງຄະນະພັກໃຫ້ກາຍເປັນສູນພູມປັນຍາ, ສາມັກຄີ ແລະ ປ່ຽນແປງໃໝ່, ມີຄຸນທາດການເມືອງຢ່າງພຽງພໍ, ມີກຳລັງຄວາມສາມາດບໍລິຫານ ແລະ ວິໄສທັດ, ມີກຳລັງຢ່າງພຽງພໍເພື່ອນຳພານະຄອນນຳໜ້າໃນການພັດທະນາ ແລະ ເຊື່ອມໂຍງ, ສົມກັບຄວາມເປັນກຽດເປັນນະຄອນໃສ່ຊື່ປະທານ ໂຮ່ຈິມິນ.
ທ່ານ ໂຕເລິມ ເນັ້ນໜັກຕື່ມອີກວ່າ: ທາງນະຄອນ ຕ້ອງຍູ້ໄວການສ້າງໂຄງປະກອບພື້ນຖານເສດຖະກິດຄືນໃໝ່, ຖືວິທະຍາສາດເຕັກໂນໂລຊີ ແລະ ນະວັດຕະກຳເປັນກຳລັງໜູນຕົ້ນຕໍ; ຍູ້ແຮງການຫັນເປັນດີຈີຕອນ, ຫັນເປັນສີຂຽວຢ່າງແທດຈິງ, ມີປະສິດທິຜົນ, ຍົກສູງສະມັດຖະພາບການອອກແຮງງານ, ຕັດສິນໃຈບັນລຸລະດັບການເຕີບໂຕ GRDP ສູງ ໃນໄລຍະ 2025 – 2030. ພິເສດຕ້ອງສ້າງຮູບແບບການບໍລິຫານຕົວເມືອງທັນສະໄໝ, ໝູນໃຊ້ເຕັກໂນໂລຊີດີຈີຕອນໃນການຄຸ້ມຄອງ, ບໍລິຫານ ແລະ ການບໍລິການສາທາລະນະ, ມຸ່ງໄປເຖິງການປົກຄອງດີຈີຕອນສ້າງສາ, ໂປ່ງໃສ, ມີປະສິດທິຜົນ, ເປັນພື້ນຖານໃຫ້ແກ່ນະຄອນອັດສະລິຍະ.
ຄໍາເຫັນ