ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 22 ກັນຍາ ຜ່ານມາ (ຕາມເວລາທ້ອງຖິ່ນ), ຢູ່ນະຄອນນິວຢອກ, ທ່ານ ໂຕເລິມ ເລຂາທິການໃຫຍ່ປະທານປະເທດໄດ້ພົບປະກັບການນຳບັນດາ ປະເທດ ແລະ ອົງການຈັດຕັ້ງສາກົນ.
ໃນການພົບປະກັບ ທ່ານໂຕເລິມ ເລຂາທິການໃຫຍ່ປະທານປະເທດຫວຽດນາມ, ທ່ານ ຈອນ ມາຮາມາປະທານາທິບໍດີການາ ປາຖະໜາຢາກໃຫ້ ຫວຽດນາມ ຊ່ວຍເຫຼືອການາໃນຂົງເຂດກະສິກຳ, ພິເສດແມ່ນການປູກເຂົ້າ. ສ່ວນທ່ານ ໂຕເລິມ ສະແດງຄວາມເຫັນດີຕໍ່ບັນດາຂໍ້ສະເໜີຂອງການາ ແລະ ໃຫ້ຮູ້ວ່າ ຈະຊີ້ນຳບັນດາອົງການທີ່ກ່ຽວຂ້ອງຜັນຂະຫຍາຍໂດຍໄວຕາມທິດມີປະສິດທິຜົນ ແລະ ແທດຈິງ.
ໃນການພົບປະລະຫວ່າງທ່ານ ໂຕເລິມ ເລຂາທິການໃຫຍ່ປະທານປະເທດຫວຽດນາມ ແລະ ທ່ານ ເຊຣິງ ໂທບເກນາຍົກລັດຖະມົນຕີແຫ່ງຣາຊະອານາຈັກ ບູຖານ, ສອງຝ່າຍໄດ້ເຫັນດີນຳກັນຈະເພີ່ມທະວີການຮ່ວມມືດ້ານສາທາລະນະສຸກ, ການສຶກສາ, ການແລກປ່ຽນວັດທະນະທຳ, ສິລະປະ, ຄົ້ນຄວ້າເລື່ອງເປີດສາຍການບິນໂດຍກົງລະຫວ່າງສອງປະເທດ, ຊຸກຍູ້ການແລກປ່ຽນປະຊາຊົນ.
ໃນການພົບປະກັບທ່ານ ຄາລິນູຣ ຣາມານປະທານກອງປະຊຸມສະມັດຊາໃຫຍ່ ສປຊ ຄັ້ງທີ 81, ທ່ານໂຕເລິມ ໄດ້ຢືນຢັນວ່າ ຫວຽດນາມ ພ້ອມແລ້ວທີ່ຈະສົມທົບກັນຢ່າງແໜ້ນແຟ້ນ, ປະກອບສ່ວນຢ່າງຕັ້ງໜ້າເຂົ້າໃນບັນດາບຸລິມະສິດ ແລະ ຂໍ້ລິເລີ່ມຂອງປະທານສະມັດຊາໃຫຍ່ ສປຊ ເພື່ອຫັນບັນດາເປົ້າໝາຍໃຫ້ປະກົດຜົນເປັນຈິງ.
ໃນວັນດຽວກັນ, ທ່ານ ໂຕເລິມ ແລະ ຄະນະຜູ້ແທນຂັ້ນສູງຫວຽດນາມ ກໍໄດ້ໄປຢ້ຽມຢາມ ແລະ ເຮັດວຽກກັບກຸ່ມບໍລິສັດການຢາ Pfizer.
ຄໍາເຫັນ