ຂ່າວສານຫວຽດນາມລາຍງານວ່າ: ໃນວັນທີ 26 ເມສາຜ່ານມາຢູ່ສຳນັກງານສູນກາງພັກ ທີ່ ຮ່າໂນ້ຍ, ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ XIII ໄດ້ຈັດກອງປະຊຸມພິຈາລະນາ, ປະກອບຄຳເຫັນກ່ຽວກັບການລາອອກຂອງທ່ານ ເວືອງດິ່ງເຫວ້ກຳມະການກົມການເມືອງປະທານສະພາແຫ່ງຊາດ ຫວຽດນາມ ຊຸດທີ XV.
ຂ່າວລາຍງານວ່າ: ໂດຍເຫັນໄດ້ເຖິງໜ້າທີ່ຄວາມຮັບຜິດຊອບຕໍ່ພັກ, ລັດ ແລະ ປະຊາຊົນທ່ານ ເວືອງດິ່ງເຫວ້ໄດ້ຍື່ນໃບຂໍອະນຸຍາດລາອອກຈາກຕຳແໜ່ງທີ່ພວມປະຕິບັດ ແລະ ຢຸດຕິການປະຕິບັດງານ.ອີງຕາມຂໍ້ກໍານົດທີ່ປະກາດໃຊ້ໃນປັດຈຸບັນ ຂອງພັກ, ລັດ ແລະ ພິຈາລະນາຕາມຄວາມມຸ່ງຫວັງຂອງ ທ່ານ ເວືອງດິ່ງເຫວ້, ຄະນະບໍລິຫານງານສູນກາງພັກ ຫວຽດນາມ ໄດ້ເຫັນດີຕາມຄຳສະເໜີໃຫ້ທ່ານ ເວືອງດິ່ງເຫວ້ ລາອອກຈາກບັນດາຕຳແໜ່ງຄື: ກຳມະການກົມການເມືອງ, ກຳມະການຄະນະບໍລິຫານງານສູນກາງພັກຊຸດທີ XIII, ປະທານສະພາແຫ່ງຊາດ ສສຫວຽດນາມ ຊຸດທີ XV ອາຍຸການ 2021 – 2026.
ອົງການເພື່ອການຮ່ວມມືດ້ານເສດຖະກິດ ແລະ ພັດທະນາ ປັບການຄາດຄະເນການເຕີບໂຕເສດຖະກິດໂລກຂຶ້ນເປັນ 2.9%
ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 23 ກັນຍາ ຜ່ານມາ, ອົງການເພື່ອການຮ່ວມມືດ້ານເສດຖະກິດ ແລະ ພັດທະນາ(OECD) ໄດ້ເຜີຍແຜ່ບົດລາຍງານສະພາບທ່າອຽງການພັດທະນາເສດຖະກິດສະບັບຫຼ້າສຸດ ໂດຍໄດ້ປັບການຄາດຄະເນຈັງຫວະການເຕີບໂຕຂອງເສດຖະກິດໂລກໃນປີ2026ຈາກ2.8%ຂຶ້ນເປັນ 2.9%. ບົດລາຍງານລະບຸວ່າ: ເຖິງວ່າໄດ້ຮັບຜົນກະທົບຈາກສະຖານະການຢູ່ເຂດຕາເວັນອອກກາງກໍຕາມ, ແຕ່ເສດຖະກິດຂອງຫຼາຍປະເທດຍັງຄົງສະແດງໃຫ້ເຫັນຄວາມເຂັ້ມແຂງ ແລະ ທົນທານ, ມີຄັງສຳຮອງນ້ຳມັນເຊື້ອໄຟ ແລະ ການສະໜອງພະລັງງານເພີ່ມໃໝ່ຢ່າງພຽງພໍແລະ ມາດຕະການສະໜັບສະໜູນຂອງບາງປະເທດໄດ້ຊ່ວຍຜ່ອນຄາຍຜົນກະທົບດັ່ງກ່າວ, ການພັດທະນາຢ່າງຄຶກຄື້ນຂອງຂົງເຂດປັນຍາປະດິດໄດ້ຊຸກຍູ້ໃຫ້ການລົງທຶນແລະການຄ້າຂະຫຍາຍຕົວເຊັ່ນກັນ.
ຄໍາເຫັນ