 |
ທ່ານ ລໍລິແກນ ໄດ້ກ່າວວ່າ: ຈຸດປະສົງຂອງໂຄງການ ແມ່ນເພື່ອສົ່ງເສີມການສຶກສາ, ການມີສ່ວນຮ່ວມ ແລະ ຍົກລະດັບຄຸນນະພາບຊີວິດຂອງນັກຮຽນຜູ້ພິການທາງການໄດ້ຍິນ,ຊຶ່ງທາງທະນາຄານພາບລິກ ລາວຈຳກັດ, ສາຂາ ນະຄອນຫລວງ ວຽງຈັນ ໄດ້ມອບເຄື່ອງ ອຸປະໂພກ ແລະ ບໍລິໂພກທີ່ຈຳເປັນເຊັ່ນ:ອາຫານ, ອຸປະກອນການຮຽນການສອນ ແລະ ຂອງໃຊ້ປະຈຳວັນ ເພື່ອຊ່ວຍເຫຼືອໃນການດຳເນີນງານຂອງສູນ. ແລະ ໃນກິດຈະກໍາໃນຄັ້ງນີ້ ປະກອບມີ: , ການມອບເຄື່ອງບໍລິຈາກໃຫ້ນັກຮຽນ, ການເຂົ້າຢ້ຽມຢາມຫ້ອງຮຽນ, ການຖ່າຍຮູບຮ່ວມ ແລະ ການແລກປ່ຽນກິດຈະກຳພາສາມືຮ່ວມກັບນັກຮຽນ. ທະນາຄານ ພາບລິກ ລາວ ຈຳກັດ ຂໍຂອບໃຈຢ່າງສູງສຸດຕໍ່ສູນ Hand of Hope ທີ່ໃຫ້ໂອກາດໃນການມີສ່ວນຮ່ວມ ແລະ ຢືນຢັນຄວາມມຸ່ງມາດຂອງທະນາຄານໃນການຊ່ວຍເຫຼືອຊຸມຊົນ ແລະ ສົ່ງເສີມການມີສ່ວນຮ່ວມທາງສັງຄົມ.
 |
ທ່ານ ນາງ ໂສພາພອນ ເຮືອງລິດ ໄດ້ກ່າວວ່າ: ສະແດງຄວາມຂອບໃຈ ແລະ ຮູ້ບຸນຄຸນ ຕໍ່ທະນາຄານພາບລິກ ລາວ ຈຳກັດ (PBLL) ສາຂານະຄອນຫຼວງ ທີ່ໄດ້ນຳເອົາເຄື່ອງມາມອບໃຫ້ໃນຄັ້ງນີ້ ຊຶ່ງຈະນຳໃຊ້ເຄື່ອງດັ່ງກ່າວ ໃຫ້ເກີດປະໂຫຍດສູງສຸດ; ພ້ອມນີ້ ທ່ານ ນາງ ໂສພາພອນ ເຮືອງລິດ ຍັງໄດ້ມອບໃບກຽດຕິຄຸນໃຫ້ກັບ ທະນາຄານພາບລິກລາວຈຳກັດ ອິກດ້ວຍ.
ຂ່າວ: ບຸນຕອມ
ຄໍາເຫັນ