ຂ່າວສານຊີອາໄອລາຍງານວ່າ: ໃນວັນທີ 28 ມັງກອນ ຜ່ານມາ ຕາມເວລາທ້ອງຖິ່ນ, ບົດບັນທຶກຫຼ້າສຸດຂອງກອງປະຊຸມນະໂຍບາຍເງິນຕາຂອງຄະນະກຳມະການຕະຫຼາດເປີດກວ້າງຂອງສະຫະລັດ ອາເມຣິກາ ຫຼື FOMC ສະແດງໃຫ້ເຫັນວ່າ: ທະນາຄານກາງສະຫະລັດ ອາເມຣິກາ ຫຼື FED ໄດ້ຕົກລົງຮັກສາລະດັບເປົ້າໝາຍຂອງອັດຕາດອກເບ້ຍກອງທຶນສະຫະລັດອາເມຣິກາ ໄວ້ຢູ່ລະຫວ່າງ 3.5% ຫາ 3.75%.
ລາຍລະອຽດການລົງຄະແນນສຽງສະແດງໃຫ້ເຫັນວ່າ: FED ໄດ້ຕົກລົງດ້ວຍການລົງຄະແນນສຽງເຫັນດີ 10 ສຽງ ແລະ ຄັດຄ້ານ 2 ສຽງ.
ກ່ອນການປະກາດນະໂຍບາຍອັດຕາດອກເບ້ຍດັ່ງກ່າວ, ຕະຫຼາດຄາດຄະເນໂດຍທົ່ວໄປວ່າ: FED ຈະຮັກສາອັດຕາດອກເບ້ຍໃຫ້ຄົງທີ່ໃນກອງປະຊຸມນະໂຍບາຍອາທິດນີ້. FED ເຄີຍປັບຫຼຸດອັດຕາດອກເບ້ຍມາແລ້ວ 3 ຄັ້ງຕິດຕໍ່ກັນໃນ 6 ເດືອນທ້າຍປີ 2025.
ຄໍາເຫັນ