ປະຕິບັດແຜນພັດທະນາເສດຖະກິດ-ສັງຄົມ 5 ປີ

ທ່ານເຈົ້າແຂວງ ໄຊຍະບູລີ ຊຸກຍູ້ວຽກງານຮອບດ້ານຢູ່ເມືອງທົ່ງມີໄຊ

14:56 02/09/2024

ໃນວັນທີ 2 ກັນຍາ ນີ້, ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ພ້ອມຄະນະ ໄດ້ລົງຊຸກຍູ້ວຽກງານຮອບດ້ານຢູ່ເມືອງ ທົ່ງມີໄຊ, ໃຫ້ການຕ້ອນຮັບມີທ່ານ ກາວີ ເກດດົມລິ ເຈົ້າເມືອງ ທົ່ງມີໄຊ ພ້ອມທັງໄດ້ລາຍງານວຽກງານທີ່ຈັດຕັ້ງປະຕິບັດໃນໄລຍະຜ່ານມາ

ໂດຍສະເພາະວຽກງານເສດຖະກິດຄື: ຜ່ານມາໄດ້ສຸມໃສ່ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີຄັ້ງທີ IV ຂອງເມືອງ, ການຈັດຕັ້ງປະຕິບັດບັນດາຄາດໝາຍຕ່າງໆທີ່ກອງປະຊຸມໃຫຍ່ຄັ້ງທີ IV ຂອງເມືອງວາງອອກ ແລະ ມີຜົນສຳເລັດໃນຫຼາຍດ້ານເປັນຕົ້ນແມ່ນ: ຊຸກຍູ້ການຈັດເກັບລາຍຮັບມອບເຂົ້າງົບປະມານໄດ້ຕາມແຜນການທີ່ວາງໄວ້, ຊຸກຍູ້, ຕິດຕາມການປັກດຳນາປີ ໃນເນື້ອທີ່ 2.031,28 ເຮັກຕາ ສຳເລັດ 100%, ລົງຕິດຕາມການປູກ ແລະ ບົວບັດບັດພືດລະດູຝົນເຊັ່ນ: ມັນຕົ້ນ, ຖົ່ວດິນ, ຖົ່ວແດງ, ສາລີແຂງ ແລະ ອື່ນໆ, ສ່ວນການກະກຽມໃຫ້ແກ່ການໄຂສົກຮຽນໃໝ່ແມ່ນໄດ້ເປີດຝຶກອົບຮົມຄູກ່ຽວກັບການນຳໃຊ້ປື້ມແບບຮຽນ ແລະ ຄູ່ມືຄູໃນໂຄງການຝຶກເວົ້າພາສາລາວ, ຄູ່ມືຄູພາສາລາວຊັ້ນປະຖົມປີທີ 1 ສະບັບປັບປຸງ ໃໝ່ໃຫ້ແກ່ຄູສອນ ໃນທົ່ວເມືອງ, ປັດຈຸບັນແມ່ນສໍາເລັດໃນການກະກຽມອານາໄມ ແລະ ປົວແປງອາຄານຮຽນ, ໂຕະ, ຕັ່ງ ທີ່ຊຸດໂຊມ ແມ່ນມີຄວາມພ້ອມຮອບດ້ານ ແລະ ໄດ້ເປີດການຮຽນ-ການສອນ ສົກຮຽນ ໃໝ່ 2024-2025 ໃນວັນທີ 2 ກັນຍາ 2024 ນີ້.

ໂອກາດດັ່ງກ່າວ, ທ່ານ ເຈົ້າແຂວງໄຊຍະບູລີ ກໍໄດ້ເນັ້ນໜັກໃຫ້ການນໍາຂອງເມືອງເອົາໃຈໃສ່ການດໍາເນີນກອງປະຊຸມ 3 ຂັ້ນໃຫ້ສໍາເລັດຕາມແຜນການ, ເອົາໃຈໃສ່ຮັກສາຄວາມສະຫງົບຮອບດ້ານ, ຮັບປະກັນບໍ່ໃຫ້ມີບັນຫາຫຍັງເກີດຂຶ້ນໃນຊ່ວງໄລຍະດໍາເນີນກອງປະຊຸມສຸດຍອດອາຊຽນຊຶ່ງ ສປປ ລາວໄດ້ຮັບກຽດເປັນເຈົ້າພາບ, ເພີ່ມທະວີສຶກສາອົບຮົມການເມືອງແນວຄິດໃຫ້ພະນັກງານ ແລະ ປະຊາຊົນບັນດາເຜົ່າໃຫ້ມີສະຕິໃນການເຄົາລົບ ແລະ ປະຕິບັດລະບຽບກົດໝາຍ, ເອົາໃຈໃສ່ສະກັດກັ້ນ ແລະ ແກ້ໄຂບັນຫາປະກົດການຫຍໍ້ທໍ້ຕ່າງໆ, ກໍາໃຫ້ໄດ້ເປົ້າໝາຍກຸ່ມຄົນບໍ່ດີທີ່ເຂົ້າມາປັ່ນປ່ວນ ແລະ ຫວັງມ້າງເພຄວາມສາມັກຄີ, ເອົາໃຈໃສ່ຕິດຕາມການຮຽນ-ການສອນຂອງຄູ-ອາຈານ ແລະ ນ້ອງນັກຮຽນໃຫ້ເປັນປົກກະຕິ. ຈາກນັ້ນ, ທ່ານເຈົ້າແຂວງ ພ້ອມຄະນະກໍໄດ້ລົງເບິ່ງໂຄງການກໍ່ສ້າງອ່າງນໍ້າປະປາຢູ່ບ້ານ ດ່ານ,

(ຂ່າວ-ພາບ: ອຸ່ນເຮືອນ ໂພທິລັກ)

ຄໍາເຫັນ

ຂ່າວວັດທະນະທຳ-ສັງຄົມ

6 ເດືອນຕົ້ນປີ ອຄ ເຊກອງ ສາມາດສົ່ງອອກສິນຄ້າ 121,16 ລ້ານໂດລາ

28/08/2025 15:33

ທ່ານ ນາງ ວິລະຄອນ ບັນທະເວີ ຮອງຫົວໜ້າພະແນກອຸດສາຫະກໍາ ແລະ ການຄ້າ (ອຄ) ຜູ້ຊີ້ນໍາວຽກງານການຄ້າພາຍໃນ ແລະ ສົ່ງເສີມການຜະລິດເປັນສິນຄ້າແຂວງເຊກອງ ໄດ້ໃຫ້ສຳພາດຕໍ່ສື່ມວນຊົນໃນວັນທີ 27 ສິງຫາຜ່ານມາ ທີ່ພະແນກ ອຄ ແຂວງວ່າ: ໃນ 6 ເດືອນຕົ້ນປີຜ່ານມາ, ສາມາດຈັດຕັ້ງປະຕິບັດການນຳເຂົ້າສິນ ຄ້າ 4,17 ລ້ານກວ່າໂດລາ, ໃນນັ້ນຜະລິດຕະພັນທີ່ນໍາເຂົ້າສ່ວນໃຫຍ່ແມ່ນປະເພດກົນຈັກ, ປຸ໋ຍ, ອຸປະກອນນໍາໃຊ້ເຂົ້າໃນການຜະລິດເປັນສິນຄ້າຂອງບັນດາໂຄງການຕ່າງໆ ທີ່ມາລົງທຶນພາຍໃນແຂວງ.

ສສຊ ແລະ ສສ ນວ ລົງພົບປະຜູ້ມີສິດເລືອກຕັ້ງ ຢູ່ ກະຊວງ ອຄ

28/08/2025 15:27

ສະມາຊິກສະພາແຫ່ງຊາດ (ສສຊ) ແລະ ສະມາຊິກສະພາປະຊາຊົນ ນະຄອນຫຼວງວຽງຈັນ (ສສ ນວ), ນຳໂດຍ ທ່ານ ວຽງວິໄລ ທ່ຽງຈັນໄຊ ສະມາຊິກສະພາແຫ່ງຊາດ ຊຸດທີ IX ປະຈຳເຂດເລືອກຕັ້ງທີ 1 ນະຄອນຫຼວວຽງຈັນ ຮອງປະທານຄະນະກຳມາທິການຍຸຕິທຳ ສະພາແຫ່ງຊາດ, ທ່ານ ນາງ ວິໄຊ ສຣິດທິລາດ ສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ ຮອງປະທານກຳມາທິການແຜນການ, ການເງິນ ແລະ ການກວດສອບ ສະພາແຫ່ງຊາດ, ທ່ານ ນາງ ສົມພຽນ ວົງໄຊ ສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ, ຄະນະປະຈຳ ສະພາປະຊາຊົນ ນວ ປະທານ ຄະນະກຳມະການຍຸຕິທຳ ແລະ ປ້ອງກັນຊາດ-ປ້ອງກັນຄວາມສະຫງົບ ໄດ້ລົງພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນ ນະຄອນຫຼວງວຽງຈັນ ຊຸດທີ IV ທີ່ ກະຊວງອຸດສາຫະກຳ ແລະ ການຄ້າ (ອຄ), ໃນວັນທີ 28 ສິງຫານີ້, ໂດຍມີ ທ່ານ ມະໂນທອງ ວົງໄຊ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ແລະ ພະນັກງານ-ລັດຖະກອນ ເຂົ້າຮ່ວມ.

ການລ້ຽງສັດເປັນຟາມ ໜຶ່ງໃນທ່າແຮງຫຼັກຂອງແຂວງເຊກອງ

28/08/2025 14:23

ການລ້ຽງສັດເປັນຟາມຢູ່ແຂວງເຊກອງ ໜຶ່ງໃນທ່າແຮງຫຼັກ ສາມາດຕອບສະໜອງດ້ານສະບຽງອາຫານພາຍໃນ ແລະ ສົ່ງອອກຕ່າງແຂວງ ສາມາດສ້າງວຽກເຮັດງານທຳໃຫ້ປະຊາຊົນພາຍໃນທ້ອງຖິ່ນ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງເປັນຢ່າງດີ.

ຈາກອາຊີບຂາຍຜັກ ມາລ້ຽງ ແລະຊື້-ຂາຍງົວ ເຮັດໃຫ້ມີລາຍຮັບ 300 ລ້ານກີບຕໍ່ປີ

28/08/2025 13:13

ຕະຫຼອດໄລຍະຜ່ານມາ ພັກ-ລັດຖະບານ ໄດ້ມີແນວທາງປ່ຽນແປງໃໝ່ເພື່ອຊຸກຍູ້ປະຊາຊົນ ໃຫ້ຫັນມາເຮັດອາຊີບຄົງທີ່ ເພື່ອສ້າງລາຍຮັບເຂົ້າສູ່ຄອບຄົວໃຫ້ຫຼາຍຂຶ້ນ ດ້ວຍການນຳໃຊ້ທ່ແຮງທີ່ມີຂອງທ້ອງຖິ່ນ ແລະການເຂົ້າເຖິງແຫຼ່ງທຶນ ເພື່ອເຮັດໃຫ້ການດຳເນີນທຸລະກິດໄດ້ຮັບຜົນດີ.

ຫຼາຍປັດໄຈເຮັດໃຫ້ຂີ້ເຫຍື້ອຕົກຄ້າງໃນ ນວ

28/08/2025 10:01

ບັນຫາຂີ້ເຫຍື້ອຕົກຄ້າງຫຼາຍເຂດໃນນະຄອນຫຼວງວຽງຈັນ (ນວ) ປັດຈຸບັນແຕ່ລະບໍລິສັດກໍາລັງເລັ່ງດໍາເນີນການແກ້ໄຂ ໃນຂະນະທີ່ພຶດຕິກໍາການຖິ້ມຂີ້ເຫຍື້ອບໍ່ເປັນລະບຽບຂອງປະຊາຊົນຍັງເປັນອຸປະສັກໃນການເກັບມ້ຽນຂີ້ເຫຍື້ອໃນໄລຍະທີ່ຜ່ານມາ ຈຶ່ງເຮັດໃຫ້ມີກະແສສັງຄົມ, ເປັນຫາງສຽງຈົ່ມວ່າຂອງປະຊາຊົນກ່ຽວກັບບັນຫາດັ່ງກ່າວ. ດັ່ງນັ້ນ, ຫຼາຍບໍລິສັດ ຈຶ່ງໄດ້ສຸມໃສ່ການແກ້ໄຂຂີ້ເຫຍື້ອຕົກຄ້າງໃນເຂດທີ່ຕົນເອງຮັບຜິດຊອບທົ່ວ ນວ.

ງົບປະມານ ເຂົ້າໃນວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ໃນປີຜ່ານມາ

28/08/2025 09:58

ປີຜ່ານມາ, ວຽກງານພັດທະນາຊົນນະບົດ ແລະ ແກ້ໄຂຄວາມທຸກຍຸກ ທີ່ກົມພັດທະນາຊົນນະບົດໄດ້ຮັບການອະນຸມັດງົບປະມານໂຄງການທຶນຂອງລັດ ລວມ 196.8 ຕື້ກີບ, ທຶນກູ້ຢືມ 52.45 ກວ່າຕື້ກີບ ແລະ ທຶນຊ່ວຍເຫຼືອ 2.8 ລ້ານຢວນ ຊຶ່ງໄດ້ເປັນເງື່ອນໄຂຊ່ວຍໃຫ້ການຈັດຕັ້ງປະຕິບັດວຽງການດັ່ງກ່າວ ມີຫຼາຍຄາດໝາຍສູ້ຊົນທີ່ສາມາດປະຕິບັດໄດ້ລື່ນແຜນການ ກໍຄືການສ້າງຄອບຄົວພັດທະນາ, ການສ້າງບ້ານໃຫຍ່ເປັນຕົວເມືອງໃນຊົນນະບົດ ແລະ ການສ້າງເມືອງເຂັ້ມແຂງຮອບດ້ານ.

ວີແຄຣ໌ ໂສມສະກັດເພື່ອສຸຂະພາບຊ່ວຍບໍາລຸງຮ່າງກາຍ

28/08/2025 09:55

ໂສມສະກັດວີແຄຣ໌ (We care)ເປັນຜະລິດຂອງຄົນລາວ ນໍາໃຊ້ວັດຖຸດິບຈາກທຳມະຊາດ ເປັນໂສມສະກັດເພື່ອບໍາລຸງສຸຂະພາບບໍ່ມີສານເຄມີເຈືອປົນ ສະກັດຈາກໂສມທຳມະຊາດແທ້ເໝາະແກ່ການເບິ່ງແຍງສຸຂະພາບຄຶດເຫັນເຊກອງ ຕ້ອງຄຶດເຫັນໂສມດາກຈືງ ຊຶ່ງກາຍເປັນຜະລິດຕະພັນທີ່ໄດ້ຮັບຄວາມນິຍົມຂອງສັງຄົມ ແລະ ເປັນໜຶ່ງໃນທ່າແຮງຫຼັກຂອງແຂວງເຊກອງ.

ທະຫານແຂວງຜົ້ງສາລີ ເລື່ອນຊັ້ນ, ເລື່ອນທຽບຊັ້ນໃຫ້ນາຍ ແລະ ພົນທະຫານ

27/08/2025 11:16

ເມື່ອບໍ່ດົນມານີ້, ກອງບັນຊາການທະຫານແຂວງຜົ້ງສາລີ ໄດ້ຈັດພິທີປະກາດເລື່ອນຊັ້ນ, ເລື່ອນທຽບ ຊັ້ນໃຫ້ນາຍ ແລະ ພົນທະຫານທົ່ວທະຫານແຂວງ, ໂດຍການເປັນປະທານຂອງ ສະຫາຍ ພົນຈັດຕະວາ ຊຽງເພັງ ບົວລະວົງ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງຜົ້ງສາລີ.

ຄະນະຮັບຜິດຊອບ ນະໂຍບາຍສິນເຊື່ອແຂວງຄໍາມ່ວນ ລົງຕິດຕາມ ຫົວໜ່ວຍທຸລະກິດທີ່ໄດ້ຮັບແຫຼ່ງທຶນ

27/08/2025 11:07

ໃນວັນທີ 26 ສິງຫາຜ່ານມາ, ທ່ານ ສົມສະອາດ ອຸ່ນສີດາ ຮອງເຈົ້າແຂວງຄໍາມ່ວນ, ທ່ານ ສົມປະດິດ ວໍລະຈິດ ວ່າການແທນຫົວໜ້າ ທະນາຄານແຫ່ງ ສປປ ລາວ ພາກກາງແຂວງສະຫວັນນະເຂດ (ທຫລ.ສຂ) ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມ, ກວດກາ ບັນດາຫົວໜ່ວຍທຸລະກິດ ທີ່ໄດ້ຮັບແຫຼ່ງທຶນ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນ ຂອງແຂວງຄໍາມ່ວນ.

ວຽກງານ ປກຊ-ປກສ ມີຄວາມເຂັ້ມແຂງຕິດພັນກັບວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ

26/08/2025 14:12

ສະຫາຍ ພົຈວ ກົງຈັນ ໄຊປັນຍາ ກຳມະການພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງ ບໍລິຄຳໄຊ ໄດ້ຕາງໜ້າໃຫ້ແກ່ຂົງເຂດປ້ອງກັນຊາດ-ປ້ອງກັນຄວາມສະຫງົບປະກອບຄໍາເຫັນຕໍ່ກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VIII ໃນວັນທີ 25 ສິງຫານີ້ ກ່ຽວກັບ “ວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ມີຄວາມເຂັ້ມແຂງ, ຕິດພັນກັບວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ”.

ເພີ່ມເຕີມ