ອີງຕາມຂໍ້ມູນຈາກບໍລິສັດ China State Railway Group Co., Ltd. (China Railway) ໃຫ້ຮູ້ວ່າ, ໃນໄລຍະແຕ່ວັນທີ 1 ກໍລະກົດ ຫາ 31 ສິງຫາ, ເຄືອຂ່າຍທາງລົດໄຟແຫ່ງຊາດໄດ້ຂົນສົ່ງສິນຄ້າ 680 ລ້ານໂຕນ.
ຜູ້ບໍລິຫານຂອງບໍລິສັດກ່າວວ່າ: ຜູ້ປະກອບການທາງລົດໄຟໄດ້ເພີ່ມຄວາມສາມາດໃນການຂົນສົ່ງ ໂດຍນຳໃຊ້ຕາຕະລາງການແລ່ນລົດໄຟສຳລັບລະດູຮ້ອນ ຄວບຄູ່ໄປກັບຕາຕະລາງການແລ່ນລົດໄຟໃນໄຕມາດທີ 3 ແລະ ນຳໃຊ້ເສັ້ນທາງທີ່ເປີດຕົວໃໝ່ຢ່າງເຕັມຮູບແບບ.
ໃນໄລຍະລະດູຮ້ອນປີ 2026, ເຄືອຂ່າຍທາງລົດໄຟໄດ້ໃຫ້ບໍລິການລົດໄຟໂດຍສານໂດຍສະເລ່ຍ 11,623 ຖ້ຽວຕໍ່ວັນ.
ເພື່ອຕອບສະໜອງຄວາມຕ້ອງການດ້ານການທ່ອງທ່ຽວໃນໄລຍະລະດູຮ້ອນ ສຳລັບການເດີນທາງກັບຄອບຄົວ, ທັດສະນະສຶກສາ, ການທ່ອງທ່ຽວສີແດງ ແລະ ການທ່ອງທ່ຽວເພື່ອສຸຂະພາບ, ທາງລົດໄຟຈີນໄດ້ຈັດໃຫ້ມີລົດໄຟທ່ອງທ່ຽວ 699 ຖ້ຽວ, ໃນນັ້ນລວມມີລົດໄຟສຳລັບຄະນະທ່ອງທ່ຽວ ໂດຍສະເພາະ 415 ຖ້ຽວ.
ນອກຈາກນີ້, ບໍລິສັດ China Railway ຍັງໄດ້ໃຫ້ບໍລິການລົດໄຟແບບກຳນົດສະເພາະ 351 ຖ້ຽວ ເພື່ອຮອງຮັບງານຕ່າງໆ ລວມເຖິງງານວາງສະແດງ ແລະ ການສະແດງ ເຊັ່ນ: ລົດໄຟສຳລັບແຟນເພງ ແລະ ແຟນກິລາ, ເພື່ອຊ່ວຍກະຕຸ້ນການບໍລິໂພກດ້ານວັດທະນະທຳ ແລະ ການທ່ອງທ່ຽວຕາມເສັ້ນທາງຕ່າງໆ.
ບັນນາທິການ: Yang Linlin
ຄໍາເຫັນ