ທ່ານຄຳພັນ ພົມມະທັດຕ້ອນຮັບຫົວໜ້າໄອຍະການສູງສຸດ ສສິງກະໂປ

ໃນວັນທີ22ມັງກອນນີ້, ທ່ານ ຄໍາພັນ ພົມມະທັດ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກປະທານຄະນະກວດກາສູນກາງພັກປະທານອົງການກວດກາແຫ່ງລັດ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ໄດ້ຕ້ອນຮັບທ່ານ ລູ ເຊີນ ວອງຫົວໜ້າໄອຍະການສູງສຸດແຫ່ງ ສສິງກະໂປ ພ້ອມຄະນະໃນໂອກາດເດີນທາງມາຢ້ຽມຢາມແລະເຮັດວຽກກັບອົງການໄອຍະການປະຊາຊົນສູງສຸດແຫ່ງ ສປປລາວ.
ການມາຢ້ຽມຢາມ ຂອງອົງການໄອຍະການສູງສຸດ ແຫ່ງ ສາທາລະະລັດ ສິງກະໂປໃນຄັ້ງນີ້ ແມ່ນມີຄວາມສໍາຄັນ ລະຫວ່າງ ສອງອົງການທັງເປັນການປະກອບສ່ວນສໍາຄັນເຂົ້າໃນການເສີມຂະຫຍາຍການພົວພັນຮ່ວມມື ລະຫວ່າງສອງປະເທດລາວ-ສິງກະໂປ ທີ່ມີມາແຕ່ດົນນານໃຫ້ແໜ້ນແຟ້ນຂຶ້ນ, ໂດຍສະເພາະແມ່ນອົງການກວດກາແຫ່ງລັດ ຕ້ານການສໍ້ລາດບັງຫຼວງ ກັບບັນດາຂະແໜງການທີ່ກ່ຽວຂ້ອງວຽກງານດັ່ງກ່າວຂອງທ່ານ,ອົງການກວດກາແຫ່ງລັດ ແລະ ຕ້ານການສໍ້ລາດບັງຫຼວງ ຂັ້ນສູນກາງ ສະແດງຄວາມຂອບໃຈ ແລະ ຍິນດີຈະມີໂອກາດໄດ້ຮ່ຳຮຽນເອົາບົດຮຽນທີ່ດີ, ມີຄຸນນະພາບຈາກປະເທດສິງກະໂປ ຊຶ່ງເປັນທີ່ຍອມຮັບຈາກຫຼາຍປະເທດ.
ໃນນາມຕາງໜ້າຄະນະນໍາອົງການຕ້ານການສໍ້ລາດບັງຫຼວງ ແຫ່ງ ສປປ ລາວ, ຂໍອວຍພອນ ທ່ານ ລູ ເຊີນ ວອງພ້ອມດ້ວຍຄະນະ, ຈົ່ງປະສົບຜົນສໍາເລັດໃນການເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ແລະ ອວຍພອນໃຫ້ມີສຸຂະພາບເຂັ້ມແຂງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ.
ອວຍພອນໃຫ້ສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງລັດ ແລະປະຊາຊົນ ສອງຊາດ ລາວ-ສິງກະໂປ, ສິງກະໂປ-ລາວ ເວົ້າລວມ, ເວົ້າສະເພາະ, ແມ່ນການພົວພັນຮ່ວມມືຂົງເຂດວຽກງານໄອຍະການ ແລະ ຂົງເຂດວຽກງານຕ້ານການສໍ້ລາດບັງຫຼວງ ຈົ່ງໄດ້ຮັບການເສີມຂະຫຍາຍນັບມື້ແໜ້ນແຟ້ນ ຢ່າງບໍ່ຢຸດຢັ້ງ.
ຂ່າວ-ພາບ:ພູວຽງຄຳ