ແລະ ການສື່ສານ (ກຕສ) ໃນລະຫວ່າງວັນທີ 5 – 9 ສິງຫາ 2024.
ທ່ານນາຍົກລັດຖະມົນຕີ ໄດ້ສະແດງຄວາມຍິນດີຕ້ອນຮັບ ທ່ານ ເຈົາ ວັນ ມິງພ້ອມດ້ວຍຄະນະຊຶ່ງການມາຢ້ຽມຢາມເຮັດວຽກຂອງສະຫາຍ ແລະ ຄະນະໃນຄັ້ງນີ້ ແມ່ນຢູ່ໃນທ່າມກາງບັນຍາກາດ ທີ່ທົ່ວພັກ, ທົ່ວລັດ ແລະ ທົ່ວປວງຊົນລາວ ແລະ ຫວຽດນາມ ທົ່ວປະເທດ ຍັງຄົງຮູ້ສຶກໂສກເສົ້າເສຍໃຈ ແລະ ອາໄລອາວອນເປັນຢ່າງຍິ່ງ ຕໍ່ການຈາກໄປຂອງ ສະຫາຍ ຫງວຽນຟູຈ້ອງ ຜູ້ນຳທີ່ເຄົາລົບຮັກ ຂອງພັກ, ລັດ ແລະ ປະຊາຊົນຫວຽດນາມອ້າຍນ້ອງ ແລະ ເປັນການສູນເສຍເພື່ອນສະຫາຍທີ່ຮັກແພງ, ໃກ້ຊິດສະໜິດສະໜົມຂອງພັກ, ລັດ ແລະ ປະຊາຊົນລາວ.
ໃນໄລຍະຜ່ານມາ,ເຫັນໄດ້ວ່າສະພາບັນດິດວິທະຍາສາດເຕັກໂນໂລຊີສສ ຫວຽດນາມໄດ້ມີການເຕີບໃຫຍ່ຂະຫຍາຍຕົວ ແລະ ມີຜົນສຳເລັດອັນໃຫຍ່ຫຼວງ, ໄດ້ກາຍເປັນອົງການຈັດຕັ້ງທີ່ນຳໜ້າ ໃນການສ້າງນັກຄົ້ນຄວ້າ, ນັກວິທະຍາສາດ, ໄດ້ຮັບຜົນສຳເລັດໃໝ່ໃນການຄົ້ນຄວ້າວິທະຍາສາດ ແລະ ເຕັກໂນໂລຊີ ແລະ ສືບຕໍ່ປະກອບສ່ວນນັບມື້ນັບຫຼາຍຂຶ້ນ ເຂົ້າໃນຂະບວນການຫັນເປັນອຸດສາຫະກຳ ແລະ ທັນສະໄໝ ຂອງ ສສ ຫວຽດນາມ.ສະນັ້ນ, ການສ້າງສູນລະດັບຊາດ ເພື່ອເກັບຮັກສາຂໍ້ມູນ, ບໍລິຫານຂໍ້ມູນ ແລະ ເຜີຍແຜ່ຂໍ້ມູນ,ສູນແຈ້ງເຕືອນເຫດສຸກເສີນ ແລະ ໄພພິບັດຕ່າງໆ ຂອງ ສປປ ລາວ ໂດຍການດັດສົມນຳໃຊ້ເຕັກໂນໂລຊີໃໝ່ໆໃຫ້ເໝາະສົມ ເປັນຕົ້ນການນຳໃຊ້ເຕັກໂນໂລຊີກຸ່ມຂໍ້ມູນຜູກພັນ (Blockchain),ຖານຂໍ້ມູນຂະໜາດໃຫຍ່(BigData),ເຕັກໂນໂລຊີອັດສະລິຍະແລະ ອື່ນໆ ຈຶ່ງມີຄວາມສຳຄັນທີ່ສຸດ.ຄຽງຄູ່ກັນນັ້ນ,ການພັດທະນາຊັບພະຍາກອນມະນຸດແລະສ້າງຄວາມເຂັ້ມແຂງທາງດ້ານວິຊາການ ກໍມີຄວາມສຳຄັນທີ່ສຸດເຊັ່ນກັນ ໂດຍສະເພາະບຸກຄະລາກອນທາງດ້ານເຕັກໂນໂລຊີ ແລະ ການສື່ສານ ສຳລັບພະນັກງານລັດ ທັງສູນກາງ ແລະ ທ້ອງຖິ່ນ. ການເດີນທາງມາຢ້ຽມຢາມເຮັດວຽກ ຢູ່ ສປປ ລາວ ຂອງສະຫາຍ ແລະ ຄະນະໃນຄັ້ງນີ້ ກໍແມ່ນໂອກາດດີໜຶ່ງ ໃນການສືືບຕໍ່ແລກປ່ຽນບົດຮຽນ ຂອງສອງປະເທດເພື່ອສືບຕໍ່ຮັດແໜ້ນການຮ່ວມມືແລະຊ່ວຍກັນພັດທະນາດ້ານບຸກຄະລາກອນກໍຄືເຕັກໂນໂລຊີແລະ ນະວັດຕະກຳຂອງສອງປະເທດ.
ສປປ ລາວແລະສສຫວຽດນາມເປັນປະເທດອ້າຍນ້ອງທີ່ມີມູນເຊື້ອສາມັກຄີພິເສດ, ມິດຕະພາບອັນຍິ່ງໃຫຍ່ ແລະ ການຮ່ວມມືຮອບດ້ານມາແຕ່ດົນນານ. ໃນຊຸມປີຕໍ່ໜ້ານີ້, ລັດຖະບານໄດ້ເອົາໃຈໃສ່ໃນການພັດທະນາເສດຖະກິດດີຈີຕອນ.ສະນັ້ນ,ບັນດາກະຊວງຂະແໜງການຂອງລາວແລະຫວຽດນາມຮ່ວມມືກ່ຽວກັບເຕັກໂນໂລຊີແລະນະວັດຕະກໍາ,ຫັນຮູບການຮ່ວມມືໃຫ້ມີຄວາມຫຼາກ
ຫຼາຍຕອບສະໜອງຕາມຍຸດທະສາດພັດທະນາແບບຍືນຍົງຂອງແຕ່ລະປະເທດແລະສະພາບແວດລ້ອມເສດຖະກິດໃໝ່,ສອດຄ່ອງກັບການປະຕິວັດອຸດສາຫະກໍາຄັ້ງທີ4 ແລະ ທ່າອ່ຽງການພັດທະນາໂລກໃນປັດຈຸບັນ.
ຕອນທ້າຍ, ທ່ານ ເຈົາ ວັນ ມິງ ໄດ້ກ່າວສະແດງຄວາມຂອບໃຈຕໍ່ທ່ານ ສອນ ໄຊ ສີພັນດອນທີ່ໄດ້ເສຍສະຫຼະຕ້ອນຮັບໃນຄັ້ງນີ້ຢ່າງອົບອຸ່ນແລະເປັນກັນເອງ.ພ້ອມທັງກ່າວວ່າຕົນຈະເສີມຂະຫຍາຍສາຍພົວພັນກັນຮ່ວມມືລະຫວ່າງສອງປະເທດໃຫ້ມີການເຕີບໃຫຍ່ຂະຫຍາຍຕົວແລະແຕກດອກອອກ
ຜົນຍິ່ງໆຂຶ້ນໄປ.
(ຂ່າວ:ກຕສ,ພາບ:ສຸກສະຫວັນ)
ຄໍາເຫັນ