ຫວ່າງບໍ່ດົນມານີ້ທີ່ ກະຊວງການຕ່າງປະເທດ, ສະຫາຍ ສະເຫຼີມໄຊ ກົມມະສິດລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າພົບປະຂອງ ສະຫາຍ Algernon YAU ລັດຖະມົນຕີ ເສດຖະກິດ-ການຄ້າ ແລະ ສະຫາຍ Christopher HUI ລັດຖະມົນຕີການເງິນ ຂອງເຂດປົກຄອງພິເສດຮົງກົງສປ ຈີນ ພ້ອມດ້ວຍຄະນະໃນໂອກາດທີ່ເດີນທາງມາຢ້ຽມຢາມເຮັດວຽກຢູ່ ສປປ ລາວ.
ໃນໂອກາດນີ້, ສະຫາຍ ສະເຫຼີມໄຊ ກົມມະສິດ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ການຢ້ຽມຢາມ ສປປ ລາວ ໃນຄັ້ງນີ້ ຊຶ່ງເປັນການປະກອບສ່ວນອັນສໍາຄັນເຂົ້າໃນການເສີມຂະຫຍາຍສາຍພົວພັນ ແລະ ການຮ່ວມມື ລະຫວ່າງ ສປປ ລາວ ແລະ ຮົງກົງ, ພ້ອມທັງຕີລາຄາສູງຕໍ່ສາຍພົວພັນມິດຕະພາບອັນເປັນມູນເຊື້ອ, ການເປັນຄູ່ຮ່ວມຍຸດທະສາດຮອບດ້ານໝັ້ນຄົງຍາວນານຕາມທິດ 4 ດີແລະການເປັນຄູ່ຮ່ວມຊາຕາກໍາລາວ-ຈີນ, ຈີນ-ລາວລະຫວ່າງສອງພັກ, ສອງລັດແລະປະຊາຊົນສອງຊາດລາວ-ຈີນ ຊຶ່ງການພົວພັນຮ່ວມມືລາວ-ຈີນສືບຕໍ່ໄດ້ຮັບການເສີມຂະຫຍາຍຂຶ້ນຢ່າງຕໍ່ເນື່ອງແລະມີຜົນສຳເລັດຕົວຈິງ. ໃນຂະນະດຽວກັນ, ສະຫາຍ Algernon YAU ກໍໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ແລະ ໄດ້ແຈ້ງໃຫ້ຊາບເຖິງຈຸດປະສົງຂອງການຢ້ຽມຢາມ ສປປ ລາວ ໃນຄັ້ງນີ້.
ສອງຝ່າຍໄດ້ຕີລາຄາສູງຕໍ່ການພົວພັນຮ່ວມມືທາງດ້ານເສດຖະກິດ-ການຄ້າ ລະຫວ່າງ ສປປ ລາວ ແລະ ຮົງກົງ, ໂດຍສະເພາະແມ່ນການພົວພັນຮ່ວມມື ໃນຂອບ “ໜຶ່ງແລວໜຶ່ງເສັ້ນທາງ”, ຂອບການຄ້າເສລີອາຊຽນ-ຮົງກົງ ແລະ ຂອບການຮ່ວມມືເສດຖະກິດແບບຮອບດ້ານລະດັບພາກພື້ນ (RCEP) ຊຶ່ງໃນໄລຍະຫຼາຍປີທີ່ຜ່ານມາ, ການພົວພັນຮ່ວມມືສອງຝ່າຍໃນຂົງເຂດດັ່ງກ່າວ ແມ່ນມີທ່າທີ່ກ້າວຂະຫຍາຍຕົວຢ່າງຕໍ່ເນື່ອງ, ພ້ອມຍັງໄດ້ຍາດແຍ່ງເອົາໝາກຜົນອັນໂດດເດັ່ນ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ ແລະ ຮົງກົງ.
ສອງຝ່າຍໄດ້ຕີລາຄາສູງຕໍ່ການພົວພັນຮ່ວມມືທາງດ້ານເສດຖະກິດ-ການຄ້າ ລະຫວ່າງ ສປປ ລາວ ແລະ ຮົງກົງ, ໂດຍສະເພາະແມ່ນການພົວພັນຮ່ວມມື ໃນຂອບ “ໜຶ່ງແລວໜຶ່ງເສັ້ນທາງ”, ຂອບການຄ້າເສລີອາຊຽນ-ຮົງກົງ ແລະ ຂອບການຮ່ວມມືເສດຖະກິດແບບຮອບດ້ານລະດັບພາກພື້ນ (RCEP) ຊຶ່ງໃນໄລຍະຫຼາຍປີທີ່ຜ່ານມາ, ການພົວພັນຮ່ວມມືສອງຝ່າຍໃນຂົງເຂດດັ່ງກ່າວ ແມ່ນມີທ່າທີ່ກ້າວຂະຫຍາຍຕົວຢ່າງຕໍ່ເນື່ອງ, ພ້ອມຍັງໄດ້ຍາດແຍ່ງເອົາໝາກຜົນອັນໂດດເດັ່ນ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ ແລະ ຮົງກົງ.
ທັງສອງຝ່າຍຍັງໄດ້ສືບຕໍ່ແລກປ່ຽນຄໍາຄິດເຫັນ ຕໍ່ກັບການຜັນຂະຫຍາຍການພົວພັນຮ່ວມມືໃນຂະແໜງການຕ່າງໆທີ່ທັງສອງຝ່າຍມີທ່າແຮງຮ່ວມກັນ ເປັນຕົ້ນແມ່ນດ້ານການພັດທະນາພະລັງງານໝູນວຽນ ແລະ ພະລັງງານສະອາດ, ການເຊື່ອມໂຍງ ແລະ ເຊື່ອມຈອດທາງດ້ານຄົມມະນາຄົມຂົນສົ່ງ, ການພັດທະນາຊັບພະຍາກອນມະນຸດ ແລະ ການທ່ອງທ່ຽວ. ພ້ອມນີ້, ຝ່າຍລາວ ໄດ້ແຈ້ງໃຫ້ຊາບ ກ່ຽວກັບ ການກະກຽມຄວາມພ້ອມໃນການເປັນປະທານອາຊຽນ ແລະ ການເປີດປີທ່ອງທ່ຽວ ຂອງ ສປປ ລາວ ໃນປີ 2024 ນີ້ ແລະ ຖືໂອກາດນີ້ ເຊື້ອເຊີນບັນດານັກທຸລະກິດ ແລະ ນັກທ່ອງທ່ຽວຮົງກົງໃຫ້ເຂົ້າມາ ສປປ ລາວ ຫຼາຍຂຶ້ນ.
ໃນໂອກາດດຽວກັນນີ້, ສະຫາຍ Algernon YAU ໄດ້ຕາງໜ້າໃຫ້ຄະນະ ສະແດງຄວາມຂອບໃຈອີກຄັ້ງ, ພ້ອມທັງສະແດງຄວາມຍິນດີຈະສືບຕໍ່ຊຸກຍູ້ເພີ່ມທະວີການຮ່ວມມືໃນຂະແໜງການຕ່າງໆທີ່ສອງຝ່າຍມີທ່າແຮງຮ່ວມກັນ, ຈະຊ່ວຍຊຸກຍູ້ໃຫ້ການສະໜັບສະໜູນ ສປປ ລາວ ໃນການເປັນປະທານອາຊຽນ ໃນປີ 2024 ທີ່ຈະມາເຖິງ, ຈະສືບຕໍ່ຊຸກຍູ້ເພີ່ມທະວີການຮ່ວມມືດ້ານທ່ອງທ່ຽວ, ການຄ້າ-ການລົງທຶນ ແລະ ການຂົນສົ່ງທາງອາກາດ ລະຫວ່າງ ຮົງກົງ ກັບ ອາຊຽນ ລວມທັງ ສປປ ລາວ.
ຂ່າວ-ພາບ: ກະຊວງການຕ່າງປະເທດ
ຂ່າວ-ພາບ: ກະຊວງການຕ່າງປະເທດ
ຄໍາເຫັນ