 |
ທ່ານ ນາງ ແກ້ວ ຈັນທະວິໄຊ ໄດ້ຍົກໃຫ້ເຫັນຂໍ້ຈຳກັດໃນປັດຈຸບັນ: ຂໍ້ມູນຄົນພິການທີ່ຜ່ານມາແມ່ນອີງໃສ່ພຽງໂຕເລກສະຖິຕິພື້ນຖານຈາກການສຳຫຼວດພົນລະເມືອງ ແລະ ໂຄງການຍ່ອຍຕ່າງໆ ຊຶ່ງຍັງຂາດການເຊື່ອມໂຍງກັນຢ່າງເປັນລະບົບ ແລະ ວິໄສທັດໃໝ່ຂອງກະຊວງ ຮສສ ຈຶ່ງໄດ້ເປັນເຈົ້າການສ້າງແຜນແມ່ບົດ DMIS ເພື່ອພັດທະນາຖານຂໍ້ມູນໃຫ້ມີຄວາມຄົບຖ້ວນ, ຊັດເຈນ ແລະ ເປັນມາດຕະຖານແຫ່ງຊາດໃນຮູບແບບດີຈີຕອນ.
ການເຊື່ອມໂຍງລະບົບນີ້, ຈະກຳນົດຄວາມຮັບຜິດຊອບຂອງແຕ່ລະຂະແໜງການໃນການປ້ອນຂໍ້ມູນຢ່າງເປັນປົກກະຕິ ເພື່ອໃຫ້ສາມາດເຊື່ອມໂຍງກັບຖານຂໍ້ມູນອື່ນໆ ໄດ້ຢ່າງມີປະສິດທິພາບ.
"ລະບົບ DMIS ບໍ່ແມ່ນພຽງແຕ່ການສ້າງຖານຂໍ້ມູນທາງເຕັກນິກເທົ່ານັ້ນ, ແຕ່ມັນແມ່ນ 'ຫົວໃຈ' ຂອງການວາງແຜນນະໂຍບາຍ. ຖ້າພວກເຮົາບໍ່ມີຂໍ້ມູນທີ່ຊັດເຈນ, ການຊ່ວຍເຫຼືອ ແລະ ການພັດທະນາຄຸນນະພາບຊີວິດຂອງຄົນພິການ ກໍຈະບໍ່ສາມາດບັນລຸເປົ້າໝາຍໄດ້ຢ່າງເຕັມສ່ວນ."
ທ່ານ ນາງ ແກ້ວ ຈັນທະວິໄຊ ກ່າວເນັ້ນຢໍ້າເຖິງຄາດໝາຍໃນອະນາຄົດການສ້າງລະບົບ DMIS ຈະເປັນບາດກ້າວຫັນປ່ຽນທີ່ສຳຄັນ ໃນການຈັດຕັ້ງປະຕິບັດນະໂຍບາຍໃຫ້ສອດຄ່ອງກັບກົດໝາຍວ່າດ້ວຍຄົນພິການ ແລະ ຍຸດທະສາດປົກປ້ອງສັງຄົມແຫ່ງຊາດ ເພື່ອຮັບປະກັນວ່າຄົນພິການທຸກຄົນຈະໄດ້ຮັບການເບິ່ງແຍງ ແລະ ເຂົ້າເຖິງສິດຜົນປະໂຫຍດຢ່າງທົ່ວເຖິງ.
(ຂ່າວສານ ຮສສ)
ຄໍາເຫັນ