ເຂົ້າໃນການພັດທະນາ ແຂວງໄຊສົມບູນ (ຄາດໜາຍປີ 2024) ໃຫ້ໄດ້ປະມານເທົ່າກັບ 749,28 ຕື້ກີບຫຼື 29,46% ຂອງ GDP.
ໃນບົດສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ 2024 ແລະ ທິດທາງແຜນ 6 ເດືອນ ທ້າຍປີ 2024 ຂອງແຂວງໄຊສົມບູນຊີ້ໃຫ້ເຫັນວ່າ: ໃນເປົ້າໝາຍທີ 1 ວຽກງານຈຸດສຸມແຜນພັດທະນາເສດຖະກິດ-ສັງຄົມ 6 ເດືອນທ້າຍ ປີ 2024ແຂວງໄຊສົມບູນຈະເຮັດໃຫ້ເສດຖະກິດເຕີບໂຕຢ່າງຕໍ່ເນື່ອງ, ມີຄຸນນະພາບ ແລະ ໝັ້ນທ່ຽງ ໂດຍຈະສຸມໃສ່ປະຕິບັດ 4 ແຜນງານຈຸດສຸມ ຊຶ່ງໃນແຜນງານທີ 1 ເຮັດໃຫ້ເສດຖະກິດມະຫາພາກມີຄວາມເຂັ້ມແຂງແລະໝັ້ນທ່ຽງ.ໂດຍຈະສູ້ຊົນໃຫ້ເສດຖະກິດຂະຫຍາຍຕົວຢ່າງຕໍ່ເນື່ອງ ແລະ ມີຄຸນນະພາບ, ອັດຕາການຂະຫຍາຍຕົວຂອງເສດຖະກິດບໍ່ໃຫ້ຫຼຸດ 7% ຕໍ່ປີ; ຮອດປີ 2024 ລວມຍອດຜະລິດຕະພັນພາຍໃນ (GDP) ໃຫ້ບັນລຸ 2.542,84ຕື້ກີບ,ສະເລ່ຍຕໍ່ຫົວຄົນໃຫ້ບັນລຸ 24,90 ລ້ານກີບຫຼື ເທົ່າກັບ 1.206 ໂດລາ.ສ້າງພື້ນຖານດ້ານການເງິນໃຫ້ມີຄວາມເຂັ້ມແຂງ, ໂປ່ງໃສ, ທັນສະໄໝແລະຍຸຕິທຳ, ສູ້ຊົນປະຕິບັດລາຍຮັບງົບປະມານໃຫ້ໄດ້118,49ຕື້ກີບ ແລະ ຄາດຄະເນໜົດປີ 2024 ໃຫ້ໄດ້: 1,005.79 ຕື້ກີບ, ເທົ່າກັບ 159,70% ຂອງແຜນການ 6 ເດືອນຕົ້ນປີ ແລະ ເທົ່າກັບ 79,89% ຂອງແຜນການປີ, ໃນນັ້ນ: ລາຍຮັບສ່ວຍສາອາກອນ ໃຫ້ໄດ້ 81,00 ຕື້ກີບ ແລະ ຄາດຄະເນປະຕິບັດ 6 ເດືອນຕົ້ນປີ ໃຫ້ໄດ້: 269,40 ຕື້ກີບ, ເທົ່າກັບ 83,14% ຂອງແຜນການປີ ແລະ ລາຍຮັບຄຸ້ມຄອງຊັບສິນແຫ່ງລັດ ໃຫ້ໄດ້ 114,10 ຕື້ກີບ ແລະ ຄາດຄະເນປະຕິບັດ 6 ເດືອນຕົ້ນປີ ໃຫ້ໄດ້ 293,08 ຕື້ກີບ, ເທົ່າກັບ 77,13% ຂອງແຜນການປີ.
ໃນຂະນະດຽວກັນແຜນງານທີ2 ຍົກສູງປະສິດທິພາບການລົງທຶນໃຫ້ມີຄຸນນະພາບແລະມີປະສິດທິຜົນສູງໂດຍຈະສູ້ຊົນຄົ້ນຄວ້າແຫຼ່ງທຶນເຂົ້າໃນການພັດທະນາ ແຂວງໄຊສົມບູນ (ຄາດໜາຍປີ 2024) ໃຫ້ໄດ້ປະມານ749,28 ຕື້ກີບຫຼື 29,46% ຂອງ GDPໃນນັ້ນ:ການລົງທຶນຈາກງົບປະມານລັດ ໃຫ້ໄດ້ 150 ຕື້ກີບ ກວມເອົາ 20,02% ຂອງການລົງທຶນ,ທຶນເອກະຊົນພາຍໃນ ແລະ ຕ່າງປະເທດ ໃຫ້ໄດ້ 463,84 ຕື້ກີບ ກວມເອົາ 61,90% ຂອງການລົງທຶນ,ທຶນຊ່ວຍເຫຼືອທາງການເພື່ອການພັດທະນາ ໃຫ້ໄດ້ 28 ຕື້ກີບ ກວມເອົາ 3,74% ຂອງການລົງທຶນ.ການລົງທຶນຈາກລະບົບການເງິນ-ເງິນຕາ (ສິນເຊື່ອທະນາຄານ) ໃຫ້ໄດ້ 37,44 ຕື້ກີບ ກວມເອົາ 5% ຂອງການລົງທຶນ.ກອງທຶນພັດທະນາແຂວງໄຊສົມບູນ ໃຫ້ໄດ້ 70 ຕື້ກີບ ກວມເອົາ 9,34% ຂອງການລົງທຶນ.
ໃນນັ້ນການລົງທຶນຂອງເອກະຊົນພາຍໃນແລະຕ່າງປະເທດ,ສ້າງສິ່ງແວດລ້ອມທີ່ເອື້ອອໍານວຍໃນການສ້າງແລະດໍາເນີນທຸລະກິດໃຫ້ມີຄວາມໂປ່ງໃສແລະ ວ່ອງໄວ, ສຸມໃສ່ປັບປຸງລະບົບບໍລິການການລົງທຶນປະຕູດຽວແລະການດໍາເນີນທຸລະກິດໃຫ້ມີຄວາມວ່ອງໄວ,ໂປ່ງໃສແລະເປັນເອກະພາບກັນໃນການສົ່ງເສີມ,ການຄຸ້ມຄອງການລົງທຶນແລະການອໍານວຍຄວາມສະດວກໃນການດໍາເນີນທຸລະກິດຂອງເອກະຊົນພາຍໃນ, ຕ່າງປະເທດແລະສ້າງໜ່ວຍປະສານງານການບໍລິການການລົງທຶນປະຕູດຽວ,ການອະນຸມັດການລົງທຶນໃນກໍລະນີທີ່ເປັນໂຄງການຍຸດທະສາດແມ່ນຕ້ອງຂໍຄໍາເຫັນຈາກລັດຖະບານ, ຈາກຜູ້ຊີ້ນໍາແຂວງໄຊສົມບູນສໍາລັບການຄົ້ນຄວ້າການລົງທຶນກິດຈະການໄຟຟ້າ, ບໍ່ແຮ່ແລະທີ່ດິນທີ່ມີເນື້ອທີ່ເປັນວົງກວ້າງຄະນະຄຸ້ມຄອງແລະສົ່ງເສີມການລົງທຶນຂັ້ນແຂວງຄົ້ນຄວ້າມີຄໍາເຫັນໃນການຄົ້ນຄວ້າເຊັນບົດບັນທຶກຄວາມເຂົ້າໃຈໃນການສຶກສາສໍາຫຼວດແຈ້ງຕອບໃຫ້ພາກທຸລະກິດພາຍໃນ21ວັນລັດຖະການ ຕາມລະບຽບການ,ສຸມໃສ່ຊຸກຍູ້ສົ່ງເສີມການລົງທຶນ 4ຂະແໜງທີ່ເປັນທ່າແຮງ,ເປັນຍຸດທະສາດທີ່ຈະຕ້ອງສູ້ຊົນໃຫ້ບັນລຸຢ່າງເປັນລະບົບຕໍ່ເນື່ອງ,ໂດຍອີງໃສ່ຕະຫຼາດ,ທຶນຮອນ,ເຕັກນິກ,ເຕັກໂນໂລຊີຂອງປະເທດເພື່ອນມິດຍຸດທະສາບົນເສັ້ນທາງການສ້າງຄູ່ຮ່ວມຊາຕາກໍາສັງຄົມນິຍົມ,ສືບຕໍ່ອະນຸມັດການລົງທຶນຕາມທ່າແຮງຂອງແຂວງ (ແຜນປີ 2024) ໃຫ້ໄດ້ 13 ໂຄງການ ແລະ ສືບຕໍ່ຄຸ້ມຄອງ, ກວດກາໂຄງການລົງທຶນທົ່ວແຂວງໃຫ້ໄດ້ 108 ໂຄງການ ຂັ້ນສູນກາງຄຸ້ມຄອງ ແລະ ຂັ້ນແຂວງຄຸ້ມຄອງ.
ຄໍາເຫັນ