ທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ (ຄອສພ) ຫົວໜ້າບັນນາທິການໃຫຍ່ໜັງສືພິມ ປະຊາຊົນ ພ້ອມຄະນະ ໄດ້ໃຫ້ການຕ້ອນຮັບການ ເຂົ້າຢ້ຽມຢາມພົບປະຂອງທ່ານ ນາງ ແອນນາ ເອເທີ ວຽນ ວາລເດສ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສ ກູບາ ປະຈຳລາວ ພ້ອມຄະນະ ໃນວັນທີ14 ພະຈິກ ນີ້ ທີ່ສຳນັກງານໜັງສືພິມ ປະຊາຊົນ ເພື່ອປຶກສາຫາລືວຽກງານໂຄສະນາ, ວຽກງານຂໍ້ມູນຂ່າວລະຫວ່າງໜັງສືພິມປະຊາຊົນ ແລະ ໜັງສືພິມແກຣນມາ (Granma) ຂອງ ສ ກູບາ.
ໃນໂອກາດດັ່ງກ່າວ ທ່ານ ວັນໄຊ ຕະວິນຍານ ໄດ້ກ່າວຕ້ອນຮັບ ແລະ ລາຍງານຫຍໍ້ກ່ຽວກັບປະຫວັດຄວາມເປັນມາຂອງ ໜັງສືພິມປະຊາຊົນ ຕະຫຼອດໄລຍະ 73 ປີຜ່ານມາ ໃຫ້ທ່ານທູດໄດ້ຮັບຊາບ ມາເຖິງປັດຈຸບັນໜັງສືພິມປະຊາຊົນໄດ້ມີສອງຜະລິດຕະພັນຄື: ໜັງສືພິມເຈ້ຍ ແລະ ໜັງສືພິມເອເລັກໂຕນິກ ພ້ອມນີ້ທ່ານຍັງໄດ້ສະເໜີໃຫ້ສືບຕໍ່ໃນການສະໜັບສະໜູນຊ່ວຍເຫຼືອໃນການຝຶກອົບຮົມດ້ານວຽກງານຂໍ້ມູນຂ່າວສານ, ວຽກງານໂຄສະນາ, ເວັບໄຊ ແລະ ການຊ່ວຍເຫຼືອດ້ານອື່ນໆໃນຕໍ່ໜ້າ.
ທ່ານທູດກໍໄດ້ກ່າວສະແດງຄວາມຂອບໃຈທີ່ໃຫ້ການຕ້ອນຮັບຢ່າງອົບອຸ່ນໃນການຢ້ຽມຢາມໃນຄັ້ງນີ້, ສຳລັບວຽກງານໂຄສະນາເປັນວຽກງານໜຶ່ງສຳຄັນໂດຍສະເພາະການຮ່ວມມືແລກປ່ຽນບົດຮຽນຮ່ວມກັນລະຫວ່າງ ໜັງສືພິມປະຊາຊົນ ແລະ ໜັງສືພິມແກຣນມາ ສ ກູບາ ໃຫ້ນັບມື້ມີການຂະຫຍາຍຕົວເລິກເຊິ່ງ ແລະກວ້າງຂວາງ. ສ ກູບາ ພ້ອມຈະໃຫ້ການສະໜັບສະໜູນຊ່ວຍເຫຼືອ, ການແລກປ່ຽນຂໍ້ມູນຂ່າວສານຂອງ ໜັງສືພິມປະຊາຊົນ-ໜັງສືພິມແກຣນມາ ໃຫ້ດີຂຶ້ນເທື່ອລະກ້າວ. (ຂ່າວ-ພາບ: ວັນເພັງ)
ໃນໂອກາດດັ່ງກ່າວ ທ່ານ ວັນໄຊ ຕະວິນຍານ ໄດ້ກ່າວຕ້ອນຮັບ ແລະ ລາຍງານຫຍໍ້ກ່ຽວກັບປະຫວັດຄວາມເປັນມາຂອງ ໜັງສືພິມປະຊາຊົນ ຕະຫຼອດໄລຍະ 73 ປີຜ່ານມາ ໃຫ້ທ່ານທູດໄດ້ຮັບຊາບ ມາເຖິງປັດຈຸບັນໜັງສືພິມປະຊາຊົນໄດ້ມີສອງຜະລິດຕະພັນຄື: ໜັງສືພິມເຈ້ຍ ແລະ ໜັງສືພິມເອເລັກໂຕນິກ ພ້ອມນີ້ທ່ານຍັງໄດ້ສະເໜີໃຫ້ສືບຕໍ່ໃນການສະໜັບສະໜູນຊ່ວຍເຫຼືອໃນການຝຶກອົບຮົມດ້ານວຽກງານຂໍ້ມູນຂ່າວສານ, ວຽກງານໂຄສະນາ, ເວັບໄຊ ແລະ ການຊ່ວຍເຫຼືອດ້ານອື່ນໆໃນຕໍ່ໜ້າ.
ທ່ານທູດກໍໄດ້ກ່າວສະແດງຄວາມຂອບໃຈທີ່ໃຫ້ການຕ້ອນຮັບຢ່າງອົບອຸ່ນໃນການຢ້ຽມຢາມໃນຄັ້ງນີ້, ສຳລັບວຽກງານໂຄສະນາເປັນວຽກງານໜຶ່ງສຳຄັນໂດຍສະເພາະການຮ່ວມມືແລກປ່ຽນບົດຮຽນຮ່ວມກັນລະຫວ່າງ ໜັງສືພິມປະຊາຊົນ ແລະ ໜັງສືພິມແກຣນມາ ສ ກູບາ ໃຫ້ນັບມື້ມີການຂະຫຍາຍຕົວເລິກເຊິ່ງ ແລະກວ້າງຂວາງ. ສ ກູບາ ພ້ອມຈະໃຫ້ການສະໜັບສະໜູນຊ່ວຍເຫຼືອ, ການແລກປ່ຽນຂໍ້ມູນຂ່າວສານຂອງ ໜັງສືພິມປະຊາຊົນ-ໜັງສືພິມແກຣນມາ ໃຫ້ດີຂຶ້ນເທື່ອລະກ້າວ. (ຂ່າວ-ພາບ: ວັນເພັງ)
ຄໍາເຫັນ