 |
ແຕ່ພັກກອມມູນິດຈີນໄດ້ປະສານສົມທົບກັບສະພາບຕົວຈິງຂອງປະເທດຕົນ, ສະຫຼຸບສັງລວມໃຫ້ກຳເນີດເປັນຄ່ານິຍົມແກນກາງ “ຖືປະຊາຊົນເປັນສິ່ງສຳຄັນກວ່າໝູ່”, ໄດ້ທັບມ້າງຄວາມເຂົ້າໃຈທີ່ຜິດພາດວ່າ: “ຄວາມທັນສະໄໝເທົ່າກັບການຫັນເປັນແບບປະເທດຕາເວັນຕົກ.”
ຄ່ານິຍົມ "ຖືປະຊາຊົນເປັນສິ່ງສຳຄັນກວ່າໝູ່" ບໍ່ໄດ້ເກີດຂຶ້ນແບບບໍ່ມີບ່ອນອີງ, ແຕ່ໄດ້ຄັດເອົາເນື້ອໃນແກນກາງອັນສົມເຫດສົມຜົນຂອງ "ການຖືປະຊາຊົນເປັນສິ່ງສຳຄັນ" ຈາກແນວຄິດແບບດັ້ງເດີມທີ່ຖືປະຊາຊົນເປັນພື້ນຖານຂອງປະເທດຊາດມາປະສານສົມທົບຢ່າງເລິກເຊິ່ງກັບຫຼັກໝັ້ນ"ປະຊາຊົນເປັນຫຼັກແຫຼ່ງ" ຂອງລັດທິມາກ. "ປະເທດຊາດກໍແມ່ນປະຊາຊົນ, ປະຊາຊົນກໍແມ່ນປະເທດຊາດ"
ຄຳປະກາດທາງການເມືອງໃນຍຸກໃໝ່ທີ່ສະເໜີໂດຍທ່ານສີຈິ້ນຜິງໄດ້ສະແດງໃຫ້ເຫັນເຖິງການສະແຫວງຫາຄຸນຄ່າແຫ່ງການຖືປະຊາຊົນເປັນສິ່ງສຳຄັນກວ່າໝູ່.
ການຖືປະຊາຊົນເປັນສິ່ງສຳຄັນກວ່າໝູ່ຊຶ່ງເປັນຄ່ານິຍົມຍຸກປັດຈຸບັນທີ່ຝັງຮາກເລິກຢູ່ໃນວັດທະນະທຳການບໍລິຫານອັນຍາວນານມາເປັນເວລາພັນປີຂອງຈີນນັ້ນ, ໝາກຜົນຂອງມັນໄດ້ສະແດງອອກໃນການປ່ຽນແປງດ້ານຊີວິດການເປັນຢູ່ຂອງປະຊາຊົນ 1.4 ຕື້ກວ່າຄົນ: ໃຊ້ເວລາພຽງຫຼາຍສິບປີກໍສາມາດເຮັດສຳເລັດຂະບວນການກໍ່ສ້າງເພື່ອຊີວິດການເປັນຢູ່ຂອງປະຊາຊົນຊຶ່ງປະເທດພັດທະນາແລ້ວແມ່ນໄດ້ໃຊ້ເວລາຫຼາຍຮ້ອຍປີ, ເຮັດໃຫ້ປະຊາຊົນໃນເຂດພູດອຍຫ່າງໄກສອກຫຼີກທີ່ສຸດກໍສາມາດມີໄຟຟ້າໃຊ້, ເຂົ້າເຖິງອິນເຕີເນັດແລະໄດ້ຮັບການປະກັນການປິ່ນປົວຂັ້ນພື້ນຖານເຊັ່ນດຽວກັນ.
 |
ພຶດຕິກຳຕົວຈິງຂອງຈີນກ່ຽວກັບ "ການຖືປະຊາຊົນເປັນສິ່ງສຳຄັນກວ່າໝູ່" ໄດ້ທັບມ້າງຄວາມເຂົ້າໃຈອັນຜິດພາດກ່ຽວກັບ "ການຫັນເປັນທັນສະໄໝຕ້ອງເດີນຕາມເສັ້ນທາງຂອງປະເທດຕາເວັນຕົກ" ຊຶ່ງໄດ້ພິສູດໃຫ້ເຫັນວ່າປະເທດໜຶ່ງສາມາດພົ້ນອອກຈາກກັບດັກ "ຖືເອົາທຶນເປັນບຸລິມະສິດ" ໄດ້ຢ່າງສິ້ນເຊິ່ງ, ນຳເອົາຜົນປະໂຫຍດພື້ນຖານຂອງປະຊາຊົນຢ່າງກວ້າງຂວາງທີ່ສຸດໄວ້ເໜືອກວ່າຜົນຕອບແທນຂອງທຶນ ແລະອະພິສິດຂອງກຸ່ມຄົນສ່ວນໜ້ອຍ, ໄດ້ບຸກເບີກເສັ້ນທາງການຫັນເປັນທັນສະໄໝທີ່ຄຳນຶງເຖິງທັງປະສິດທິພາບ ແລະຄວາມເປັນທຳ. ທັງນີ້ໄດ້ສ້າງແຮງຂັບເຄື່ອນດ້ານຄຸນຄ່າຈາກຈີນເພື່ອສ້າງລະບຽບສາກົນທີ່ຍຸຕິທຳແລະສົມເຫດສົມຜົນກວ່າເກົ່າ.
ບົດໂດຍ: ວິທະຍຸໂທລະພາບສູນກາງຈີນ (CMG)
ຄໍາເຫັນ