ຂ່າວສານຊີອາໄອລາຍງານໃນວັນທີ 25 ກຸມພາ ຜ່ານມາວ່າ: ຕີມໍແລັດສະເຕ ເລີ່ມກະກຽມຢ່າງເປັນທາງການສຳລັບການເປັນປະເທດປະທານໝູນວຽນອາຊຽນປີ 2029. ທ່ານ ຊານານາ ກູສມາວ ນາຍົກລັດຖະມົນຕີຕີມໍແລັດສະເຕໄດ້ຮັບການແຕ່ງຕັ້ງເປັນປະທານຄະນະກຳມະການອົງການປະເທດປະທານໝູນວຽນອາຊຽນ ຫຼື ACNOC ແລະ ເປັນປະທານພິທີສ້າງຕັ້ງ ACNOC ແລະ ກອງປະຊຸມຄັ້ງປະຖົມມະລືກຂອງອົງການດັ່ງກ່າວໃນວັນທີ 23 ກຸມພາຜ່ານມາ.
ທ່ານ ຊານານາ ກ່າວວ່າ: ການເປັນປະເທດປະທານໝູນວຽນອາຊຽນເປັນຂີດໝາຍຄັ້ງປະຫວັດສາດສຳລັບຕີມໍ ແລັດສະເຕ. ຮອດເວລານັ້ນ, ຕີມໍແລັດສະເຕຈະຕ້ອນຮັບຜູ້ນຳຈາກພາກພື້ນ ກໍຄືຜູ້ນຳຈາກບັນດາປະເທດໃນໂລກ. ວຽກງານກະກຽມຕ້ອງເລີ່ມຕົ້ນໃນທັນທີ ແລະ ຕ້ອງສຳເລັດການປະເມີນຜົນເບື້ອງຕົ້ນກ່ອນທ້າຍປີ 2026.
ຕີມໍແລັດສະເຕ ໄດ້ສະໝັກເຂົ້າເປັນສະມາຊິກອາຊຽນໃນປີ 2011 ແລະ ກາຍເປັນປະເທດສະມາຊິກຢ່າງເປັນທາງການໃນກອງປະຊຸມສຸດຍອດອາຊຽນທີ່ຈັດຂຶ້ນຢູ່ມາເລເຊຍໃນປີ 2025.
ຄໍາເຫັນ