 |
ການສໍາມະນາໃນຄັ້ງນີ້, ໄດ້ແບ່ງອອກເປັນສອງຫົວຂໍ້: ການລົງທຶນໃນຮຸ້ນ ແລະ ພັນທະບັດໃນ ຕລຊລ; ການລົງທຶນໃນ Depository Receipt (ໃບຢັ້ງຢືນສິດ) ໂດຍວິທະຍາກອນຜູ້ຊົງຄຸນວຸດທິຈາກ ຕລຊລ ແລະ ບໍລິສັດຫຼັກຊັບ ທຄຕລ-ກທ ຈຳກັດ ຊຶ່ງໄດ້ມີການສອບຖາມ ແລະ ແລກປ່ຽນກັບທາງຜູ້ບັນຍາຍ ໃນຕະຫຼອດໄລຍະງານສຳມະນາ. ພ້ອມນັ້ນ ຍັງໄດ້ລາຍງານສະພາບການເຄື່ອນໄຫວ ຂອງໂຄງການແຂ່ງຂັນ ຊື້-ຂາຍຮຸ້ນ 2024-2025 ແລະ ປະກາດຜູ້ຊະນະ 3 ອັນດັບສູງສຸດ ລວມເງິນລາງວັນກວ່າ 50,000,000 ກີບ ໂດຍແມ່ນທ່ານ ສຽວສະຫວາດ ທິລະກຸນ ເປັນກຽດມອບ, ຊຶ່ງຜູ້ຊະນະອັນດັບທີ 1 ໄດ້ແກ່ທ່ານ ສຸລິຍາ ສຸລິສັກ ໄດ້ຮັບລາງວັນເງິນສົດ 30,000,000 ກີບ ພ້ອມດ້ວຍໂລ້ລາງວັນ ແລະ ໃບຍ້ອງຍໍຈາກ ຕລຊລ; ອັນດັບທີ 2 ທ່ານ ສຸລິຍະເດດ ວົງຄໍາໄຊ ໄດ້ຮັບເງິນລາງວັນເງິນສົດ 15,000,000 ກີບ, ພ້ອມດ້ວຍໃບຍ້ອງຍໍ ແລະ ອັນດັບທີ່ 3 ໄດ້ແກ່ ທ່ານ ບຸນເລີດ ຄູນທະວົງ ໄດ້ຮັບເງິນລາງວັນ 5,000,000 ກີບ, ພ້ອມດ້ວຍໃບຍ້ອງຍໍຈາກ ຕລຊລ; ນອກຈາກເງິນລາງວັນ ແລະ ໃບຍ້ອງຍໍແລ້ວ ຜູ້ຊະນະທັງ 3 ທ່ານ ຍັງຈະໄດ້ຮັບສິດເຂົ້າຮ່ວມງານສໍາມະນາ ຫຼື ຝຶກອົບຮົມ ທີ່ຈັດໂດຍ ຕລຊລ ບໍ່ເສຍຄ່າ 1 ຄັ້ງ.
 |
(ຂ່າວ: ຣັດສະໝີ ດວງສັດຈະ)
ຄໍາເຫັນ