Toyota, ບໍລິສັດຜະລິດລົດທີ່ໃຫຍ່ທີ່ສຸດໃນໂລກ ເປີດເຜີຍວ່າ: ການເຕີບໂຕດັ່ງກ່າວແມ່ນຍ້ອນຄວາມຕ້ອງການລົດໄຮບຣິດທີ່ເພີ່ມຂຶ້ນໃນອາເມລິກາເໜືອ ແລະ ຈີນ. ໂດຍຍອດຂາຍລົດໃນສະຫະລັດ ອາເມຣິກາ ເພີ່ມຂຶ້ນ 11.3%ເປັນ 1,295,606 ຄັນ, ເນື່ອງຈາກຄວາມຕ້ອງການລົດໄຮບຣິດສູງ. ສ່ວນຍອດຂາຍຂອງ Toyota ໃນປະເທດຈີນເພີ່ມຂຶ້ນ 5.5% ເປັນ 914,342 ຄັນ, ໂດຍມີແຮງຂັບເຄື່ອນຈາກການແນະນຳລົດໄຟຟ້າລຸ້ນໃໝ່.
ຢ່າງໃດກໍຕາມ, ຍອດຂາຍລົດພາຍໃນປະເທດຍີ່ປຸ່ນ ຂອງ Toyota ຫຼຸດລົງ 0.4% ເປັນ 713,967 ຄັນ, ທ່າມກາງການຟື້ນຕົວຢ່າງຕໍ່ເນື່ອງຈາກການຫຼຸດລົງທີ່ເກີດຈາກການເອີ້ນຄືນລົດ Prius ລຸ້ນໄຮບຣິດທີ່ໄດ້ຮັບຄວາມນິຍົມ.
ໃນຂະນະດຽວກັນ, ການຜະລິດລົດທົ່ວໂລກໃນໄລຍະຫົກເດືອນທຳອິດຂອງປີງົບປະມານ ເພີ່ມຂຶ້ນ 6.0% ເປັນ 4,985,122 ຄັນ, ໃນຂະນະທີ່ການຜະລິດລົດພາຍໃນປະເທດເພີ່ມຂຶ້ນ 3.4% ເປັນ 1,585,622 ຄັນ.
ທັງນີ້, ສະເພາະເດືອນກັນຍາພຽງເດືອນພຽວ, ຍອດຂາຍລົດທົ່ວໂລກຂອງ Toyota ໄດ້ເພີ່ມຂຶ້ນ 3.1% ເມື່ອທຽບໃສ່ປີກ່ອນ ເປັນ 879,314 ຄັນ ຊຶ່ງເປັນການເພີ່ມຂຶ້ນເປັນເດືອນທີເກົ້າຕິດຕໍ່ກັນ. ຂະນະທີ່ການຜະລິດເພີ່ມຂຶ້ນ 11.1% ເປັນ 918,146 ຄັນ ຊຶ່ງເປັນສະຖິຕິສູງສຸດສຳລັບເດືອນກັນຍາ.
ຄໍາເຫັນ