ໃນຄໍ່າຄືນວັນທີ 18 ກັນຍາ ຜ່ານມາ TPLUS DIGITAL SOLE CO., LTDນຳໂດຍ ທ່ານ ທອນແກ້ວ ສີຫາວົງ ຜູ້ອຳນວຍການບໍລີສັດທີພັດສດີຈີຕອນຈຳກັດ,ທ່ານ ນາງ ອະລຸນີ ພັນພິພັດ ຮອງຜູ້ອຳນວຍການຂະແໜງການເງິນ ແລະ ທ່ານ ພະນາວຸດ ພົງສຳພັນ ຮອງຜູ້ອຳນວຍການຂະແໜງບໍລິຫານ ພ້ອມກັບຄະນະຜູ້ບໍລິຫານໄດ້ເຂົ້າຮ່ວມຮັບລາງວັນຈາກການປະກວດຜົນງານ Technology ທີ່ສຸດຍອດແຫ່ງເອເຊຍ, ພາຍໃຕ້ຊື່ງານ The Asian Technology Excellence Awards ປະຈຳປີ 2025ຈັດໂດຍ The Asian Business Review ທີ່ ບາງກອກ ປະເທດໄທ ຊຶ່ງເປັນໂຄງການປະກວດລະດັບພູມມິພາກເອເຊຍ ຄັດເລືອກບໍລິສັດທີ່ມີນະວັດຕະກຳ ແລະ ເຕັກໂນໂລຊີທີ່ໂດດເດັ່ນ ໄດ້ມາດຕະຖານ ແລະ ເປັນຜູ້ນຳໃນການພັດທະນາເທັກໂນໂລຊີ ມາໃຊ້ໃນການປ່ຽນແປງຂະບວນການທຸລະກິດໃຫ້ເກີດມີປະສິດທິພາບເຂົ້າຮ່ວມການແຂ່ງຂັນໂດຍບໍລິສັດຊັ້ນນຳທົ່ວພູມມິພາກເອເຊຍ.
ສຳລັບລາງວັນແຫ່ງຄວາມພາກພູມໃຈທີ່ບໍລິສັດ TPLUS DIGITAL SOLE CO., LTDໄດ້ຮັບນັ້ນກໍຄືDIGITAL - TELECOMMUNICATIONປະຈຳປີ 2025.ໂຄງການດັ່ງກ່າວໄດ້ສຸມໃສ່ການນໍາເອົາຄວາມບັນເທີງລະຫວ່າງປະເທດມາສູ່ຕະຫຼາດທ້ອງຖິ່ນໂດຍຜ່ານການຮ່ວມມື ຄູ່ຮ່ວມທຸລະກິດ ແລະ franchise ທົ່ວໂລກ. ຄູ່ຮ່ວມງານທີ່ສໍາຄັນປະກອບມີສະໂມສອນບານເຕະ Borussia Dortmundຈາກເຢຍລະມັນ, Universal Studio ຈາກສະຫະລັດອາເມຣິກາ ໃນເລື່ອງ Minions The Rise of Gruແລະເຈົ້າຂອງMobile Legends Bang BangMoontonຂອງ ສປ ຈີນ. ໃນປະເທດລາວ, ໃນນາມບໍລິສັດໃນເຄື່ອຂອງ ກຸ່ມ ບໍລິສັດ ລາວໂທລະຄົມ ໄດ້ຮ່ວມມືກັບ JAS ແລະ MONOMAX ເພື່ອຖ່າຍທອດເນື້ອໃນ English Premier League ໃນປີ2025, ເຮັດໃຫ້ຄວາມບັນເທີງລະດັບໂລກເຂົ້າເຖິງຜູ້ຊົມລາວຫຼາຍຂຶ້ນ, ເພື່ອເສີມສ້າງຊຸມຊົນໃນຖານ Digital ໃຫ້ກວ້າງຂວາງຂຶ້ນ. ທ່ານ ທອນແກ້ວ ສີຫາວົງ ຜູ້ອຳນວຍການບໍລິສັດທີພັດສດີຈີຕ້ອນຈຳກັດ, ໄດ້ສະແດງຄວາມຂອບໃຈມາຍັງລູກຄ້າ TPLUS ຫຼັກ 7 ທີ່ໃຫ້ການສະໜັບສະໜູນ ແລະ ເຊື່ອໝັ້ນ, ຂອບໃຈມາຍັງທີມງານທີ່ມຸ່ງໝັ້ນສ້າງຜົນງານໃຫ້ແດ່ອົງກອນ, ແລະ ພວກເຮົາຈະຮັກສາມາດຕະຖານ ແລະ ພັດທະນາກ້າວຂຶ້ນໄປອີກ.
ໂດຍລາງວັນAsian Technology Excellence Awards ເປັນການສະເຫຼີມສະຫຼອງການປະດິດສ້າງ ແລະ ຜົນສຳເລັດທາງດ້ານເທັກໂນໂລຊີທີ່ໂດດເດັ່ນທີ່ສຸດຂອງອາຊີ, ເປັນການໃຫ້ກຽດແກ່ບັນດາອົງການຈັດຕັ້ງທີ່ນຳໃຊ້ເຕັກໂນໂລຊີໃໝ່ເພື່ອສ້າງມູນຄ່າທຸລະກິດ, ເສີມຂະຫຍາຍປະສົບການຂອງລູກຄ້າ ແລະ ລົບກວນອຸດສາຫະກຳ.
ຄໍາເຫັນ