 |
ທ່ານ ນາງ ດາລາວັນ ເຄນນາວົງ ຜູ້ບໍລິຫານ Tree Koff ກ່າວວ່າ: Tree Koff ແມ່ນຊື່ໜຶ່ງທີ່ເປັນສັນຍາລັກຂອງບໍລິສັດ ຫຼື ຮ້ານກາເຟ ທີ່ເປັນຍີ່ຫໍ້ (Brand)ຂອງຄົນລາວ 100%, ໄດ້ສ້າງຕັ້ງຂຶ້ນໃນປີ 2021, ມາຮອດປັດຈຸບັນ ໄດ້ມີຫຼາຍກວ່າ 50 ສາຂາ ກະຈາຍຢູ່ທົ່ວນະຄອນຫຼວງວຽງຈັນ ແລະ ຂະຫຍາຍໄປຕ່າງແຂວງເຊັ່ນ: ຫຼວງພະບາງ, ແຂວງວຽງຈັນ, ຄໍາມ່ວນ ແລະ ຈະຂະຫຍາຍໄປແຂວງສະຫວັນນະເຂດໃນເດືອນຕຸລາທີ່ຈະເຖິງນີ້. Tree Koff ເຊື່ອໝັ້ນໃນຄຸນນະພາບ, ມີເອກະລັກສະເພາະ, ມີຄຸນຄ່າ ແລະ ສາມາດກ້າວໄປສູ່ຕະຫຼາດໃນວົງກວ້າງໄດ້ ໂດຍສະເພາະແມ່ນກາເຟຈາກປາກຊ່ອງ ທີ່ມີຊື່ສຽງດ້ານຄຸນນະພາບ ແລະ ລົດຊາດ.
ມື້ນີ້ Tree Koff ໄດ້ມາຮອດແຂວງຄໍາມ່ວນແລ້ວ, ຂ້າພະເຈົ້າໃນນາມລູກຫຼານຊາວແຂວງຄໍາມ່ວນ ມີຄວາມດີໃຈ ແລະ ພາກພູມໃຈທີ່ສຸດ, ທີ່ໄດ້ນໍາເອົາຮ້ານກາເຟ Tree Koff ທີ່ກໍາລັງໄດ້ຮັບຄວາມນິຍົມຢູ່ນະຄອນຫຼວງວຽງຈັນ ມາເປີດບໍລິການໃຫ້ພີ່ນ້ອງຊາວແຂວງຄໍາມ່ວນ ໄດ້ສໍາພັດກັບລົດຊາດທີ່ຫອມຫວານແບບໃໝ່ຂອງກາເຟ, ເຄື່ອງດື່ມທີ່ມີຄຸນນະພາບ ແລະ ລາຄາທີ່ເໝາະສົມ, ຫວັງຢ່າງຍິ່ງວ່າ Tree Koff ຮ້ານກາເຟຂອງຄົນລາວ ຈະໄດ້ຮັບການສະໜັບສະໜູນຈາກທຸກທ່ານຕະຫຼອດໄປ ແລະ ໃນເວລານີ້ Tree Koff ໄດ້ນໍາເອົາເຄື່ອງດື່ມ, ເຂົ້າໜົມທີ່ມີຄຸນນະພາບ, ລົດຊາດດີ, ສະຖານທີ່ມີການຕົກແຕ່ງຮ້ານຢ່າງສວຍງາມ ມາສູ່ຊາວແຂວງຄໍາມ່ວນ.
 |
ທ່ານ ເດດສັກດາ ມະນີຄໍາ ໄດ້ມີຄໍາເຫັນວ່າ: ການເປີດຮ້ານTree Koff ສາຂາແຂວງຄໍາມ່ວນ ຖືວ່າເປັນຮ້ານທີ່ຕັ້ງຢູ່ໃນຈຸດທີ່ສຳຄັນ, ເປັນຈຸດປະຫວັດສາດ ຂອງຊາວແຂວງຄຳມ່ວນ ກໍຄືສະຖານທີ່ປະຫວັດສາດ ຫໍຈາລຶກ 21 ມີນາ, ສະຖານທີ່ດັ່ງກ່າວນີ້ ເປັນຈຸດໝາຍທີ່ດີ ແລະ ເປັນຈຸດໃຈກາງ ຂອງເມືອງທ່າແຂກ, ບັນດານັກທ່ອງທ່ຽວ ຈາກທົ່ວໂລກ ເວົ້າລວມ, ເວົ້າສະເພາະ ພາຍໃນ ສປປ ລາວ ໃຜມາກໍຕ້ອງໄດ້ມາແວ່ ສັກກາລະບູຊາ ແລະ ເປັນຈຸດເຊັກອິນຂອງແຂວງຄໍາມ່ວນຊຶ່ງການເປີດສາຂາ Tree Koff ເປັນນິມິດໝາຍທີ່ດີ ໃນການພັດທະນາເສດຖະກິດ-ສັງຄົມ ແລະ ການສ້າງພື້ນຖານທີ່ດີ ໃນການຮອງຮັບນັກທ່ອງທ່ຽວ ກ້າວໄປສູ່ການພັດທະນາ ແລະ ສົ່ງເສີມການທ່ອງທ່ຽວ ແບບຍືນຍົງ ໃນອະນາຄົດ.
ຂ່າວ: ກອງຄໍາ
ຄໍາເຫັນ