ພິທີເປີດງານວາງສະແດງຮູບພາບລະນຶກວັນໄຊຊະນະບັ້ນຮົບປົດປ່ອຍດຽນບຽນຝູ້ ຄົບຮອບ70 ປີ(7/5/1954-7/5/2024)ໄດ້ຈັດຂຶ້ນໃນວັນທີ 6 ພຶດສະພານີ້ ທີ່ຫໍພິພິທະພັນກອງທັບໂດຍໃຫ້ກຽດເຂົ້າຮ່ວມຂອງທ່ານນາງປານີ ຢາທໍ່ຕູ້ ຮອງປະທານປະເທດແຫ່ງ ສປປ ລາວ, ມີທ່ານ ຫງວຽນ ບ໋າ ຮຸ່ງ ເອກອັກຄະລັດຖະທູດແຫ່ງ ສສ ຫວຽດນາມປະຈຳ ສປປ ລາວ, ມີບັນດາການນໍາພັກ-ລັດ, ຄະນະນໍາກະຊວງປ້ອງກັນປະເທດເຂົ້າຮ່ວມ.
ທ່ານພົນໂທວົງຄຳ ພົມມະກອນຮອງລັດຖະມົນຕີກະຊວງປ້ອງກັນປະເທດກ່າວວ່າ:ສປປລາວຖືວ່າໄຊຊະນະດຽນບຽນຝູ້ສຸດທີ່ມີຄວາມສໍາຄັນໃນຄວາມສາມັກຄີຮ່ວມສໍາພັນສູ້ຮົບລະຫວ່າງລາວ-ຫວຽດນາມຮ່ວມຕີສັດຕູໂຕດຽວກັນປະສານສົມທົບຊ່ວຍໜູນຊຶ່ງກັນ ແລະ ກັນກາຍເປັນສັນຍາລັກອັນໂດດເດັ່ນແຫ່ງນໍ້າໃຈມິດຕະພາບອັນຍິ່ງໃຫຍ່ ຄວາມສາມັກຄີພິເສດລະຫວ່າງລາວ-ຫວຽດນາມບົນຈິດໃຈ “ ເຂົ້າເມັດຫັກ-ຜັກໃບດຽວກໍບິແບ່ງປັນກັນ”. ດ້ວຍນໍ້າໃຈສາມັກຄີອັນບໍລິສຸດຜຸດຜ່ອງຂອງປະຊາຊົນ ແລະ ກອງທັບລາວ-ຫວຽດນາມທີ່ແທ້ຈິງ, ສືບຕໍ່ເປັນມູນເຊື້ອປະກອບສ່ວນເຂົ້າໃນໄຊຊະນະອັນເປັນປະຫວັດສາດຂອງສອງຊາດລາວ-ຫວຽດນາມຄື: ບັ້ນຮົບຍຸດທະສາດ " ໂຮ່ຈິມິນ "ປົດປ່ອຍ ແລະ ທ້ອນໂຮມປະເທດຊາດເຂົ້າເປັນໜຶ່ງໃນລະດູບານໃໝ່ປີ 1975 ແລະ ສ້າງກາລະໂອກາດ ພັນປີມີຄັ້ງໜຶ່ງໃຫ້ການປະຕິວັດລາວ ແລະ ປະຊາຊົນລາວລຸກຮືຂຶ້ນຢຶດອໍານາດໄດ້ຢ່າງສົມບູນແບບ “ ບົວບໍ່ຊໍ້າ, ນ້ຳບໍ່ຂຸ່ນ" ສະຖາປະນາ ສາທາລະນາລັດ ປະຊາທິປະໄຕ ປະຊາຊົນລາວຂຶ້ນໃນປີ 1975.
ທ່ານພົນໂທ ວົງຄຳ ພົມມະກອນ ກ່າວຕື່ມວ່າ: ການເປີດວາງສະແດງຄັ້ງນີ້ ເປັນການທົບທວນຫວນຄືນຜົນງານ-ໄຊຊະນະຂອງປະຊົນຫວຽດນາມອ້າຍນ້ອງພາຍໃຕ້ການນໍາພາຂອງພັກກອມມູນິດຫວຽດນາມອັນມີປະທານໂຮ່ຈິມິນເປັນຜູ້ກໍ່ຕັ້ງ ແລະ ນໍາພາຕໍ່ສູ້ເພື່ອເອກະລາດ, ເສລີພາບ ແລະ ຄວາມຜາສຸກຂອງປະຊາຊົນເປັນການເສີມຂະຫຍາຍມູນເຊື້ອແຫ່ງຄວາມສາມັກຄີພິເສດ, ການຮ່ວມມືຮອບດ້ານລະຫວ່າງສອງຊາດ-ສອງກອງທັບລາວ-ຫວຽດນາມໃນພາລະກິດປົກປັກຮັກສາ ແລະ ສ້າງສາພັດທະນາປະເທດກໍຄືການກໍ່ສ້າງລະບອບສັງຄົມນິຍົມທີ່ມັ່ງຄັ່ງ, ເຂັ້ມແຂງ, ເປັນການຮຽນຮູ້ເຖິງວິລະກຳອັນລໍ້າເລີດ, ຄວາມເດັດດ່ຽວໜຽວແໜ້ນ ແລະ ພິລະອາດຫານຂອງກອງທັບ ແລະ ປະຊາຊົນຫວຽດນາມວິລະຊົນອ້າຍນ້ອງໃນພາລະກິດຕໍ່ສູ້ປົດປ່ອຍຊາດດ້ວຍບົດຮຽນ ແລະ ໄຊຊະນະດຽນບຽນຝູ້ ໄດ້ພິສູດໃຫ້ເຫັນສັດຈະທຳຂອງຍຸກສະໄໝທີ່ວ່າ: ຖ້າປະເທດທີ່ຖືກກົດຂີ່ຂົ່ມເຫງ ແຕ່ມີມານະຈິດຕໍ່ສູ້ກູ້ຊາດທີ່ເດັດດ່ຽວ, ມີແນວທາງທີ່ຖືກຕ້ອງ, ມີຫົວຄິດປະດິດສ້າງ, ຮູ້ວິທີເຕົ້າໂຮມຄວາມສາມັກຄີຕໍ່ສູ້ເພື່ອເອກະລາດຂອງຊາດ ຈະຕ້ອງໄດ້ຮັບໄຊຊະນະສັດຈະທຳອັນນີ້ໄດ້ຢັ້ງຢືນໃຫ້ພວກເຮົາຮັບຮູ້ມາຮອດທຸກວັນນີ້ຊຶ່ງຈະເປັນປະໂຫຍດສໍາລັບການສຶກສາຮຽນຮູ້ກ່ຽວກັບທີ່ຕັ້ງຍຸດທະສາດ ແລະ ຄວາມໝາຍສໍາຄັນຂອງໄຊຊະນະບັ້ນຮົບດຽນບຽນຝູ້ຈະເຮັດໃຫ້ຜູ້ຊົມຮູ້ກ່ຽວກັບເລື່ອງແທ້ຄົນຈິງຈໍານວນໜຶ່ງ ຊຶ່ງລ້ວນແລ້ວແຕ່ເກີດມາຈາກລັດທິວິລະຊົນປະຕິວັດອັນເປັນໜ້າສັນເສີນ, ເຫັນໄດ້ຄວາມເລິກເຊິ່ງຂອງມິດຕະພາບ ແລະ ການພົວພັນສາມັກຄີພິເສດລະຫວ່າງສອງຊາດລາວ-ຫວຽດນາມ, ຫວຽດນາມ-ລາວທີ່ໄດ້ຜ່ານການທົດສອບ ແລະ ຫຼໍ່ຫຼອມໃນແປວໄຟຂອງສົງຄາມອັນດຸເດືອດ, ເຕັມໄປດ້ວຍການເສຍສະຫຼະອັນໃຫຍ່ຫຼວງ, ປະທານໂຮ່ຈິມິນໄດ້ຂຽນໄວ້ວ່າ: ໄຊຊະນະດຽນບຽນຝູ້ແມ່ນ" ຫຼັກສີລາຄໍາ " ອັນໃສແຈ້ງສະຫງ່າງາມໃນປະຫັວດສາດທີ່ໄດ້ບັນທຶກ ແລະ ບົ່ງບອກເຖິງຄາວທີ່ລັດທິລ່າເມືອງຂຶ້ນລົ້ມສະຫຼາຍລົງແລ້ວ ແລະ ໃນຂະນະດຽວກັນນັ້ນກະແສຟອງຂະບວນການຕໍ່ສູ້ປົດປ່ອຍຊາດຂອງບັນດາປະຊາຊາດໃນໂລກ ກໍນັບມື້ນັບເພີ່ມທະວີຂຶ້ນກ້າວໄປສູ່ໄຊຊະນະຢ່າງສົມບູນ ນີ້ແມ່ນໄຊຊະນະອັນໃຫຍ່ຫຼວງຂອງປະຊາຊົນພວກເຮົາ, ເປັນໄຊຊະນະລວມຂອງບັນດາປະຊາຊາດທີ່ຖືກກົດຂີ່ຂົ່ມເຫັງທັງໝົດໃນໂລກ, ໄຊຊະນະດຽນບຽນຝູ້ໄດ້ຢຸດຕິການເປັນຫົວເມືອງຂຶ້ນຝຣັ່ງຢ່າງສິ້ນເຊີງຂອງປະເທດຫວຽດນາມ-ລາວ ແລະ ກຳປູເຈຍ ທັງ
ເປັນການເປີດສັງກາດໃໝ່ໃຫ້ແກ່ຂະບວນການຕໍ່ສູ້ກູ້ຊາດ ແລະ ປົດປ່ອຍຊາດຂອງກອງທັບ ແລະ ປະຊາຊົນລາວຂອງພວກເຮົາກ້າວຂຶ້ນຢ່າງບໍ່ຢຸດຢັ້ງຈາກໄຊຊະນະນີ້ໄປສູ່ໄຊຊະນະໃໝ່ຍິ່ງໃຫຍ່ກ່ວາເກົ່າ.
ຂ່າວ-ພາບ: ບຸນອູ້ມ
ທ່ານພົນໂທວົງຄຳ ພົມມະກອນຮອງລັດຖະມົນຕີກະຊວງປ້ອງກັນປະເທດກ່າວວ່າ:ສປປລາວຖືວ່າໄຊຊະນະດຽນບຽນຝູ້ສຸດທີ່ມີຄວາມສໍາຄັນໃນຄວາມສາມັກຄີຮ່ວມສໍາພັນສູ້ຮົບລະຫວ່າງລາວ-ຫວຽດນາມຮ່ວມຕີສັດຕູໂຕດຽວກັນປະສານສົມທົບຊ່ວຍໜູນຊຶ່ງກັນ ແລະ ກັນກາຍເປັນສັນຍາລັກອັນໂດດເດັ່ນແຫ່ງນໍ້າໃຈມິດຕະພາບອັນຍິ່ງໃຫຍ່ ຄວາມສາມັກຄີພິເສດລະຫວ່າງລາວ-ຫວຽດນາມບົນຈິດໃຈ “ ເຂົ້າເມັດຫັກ-ຜັກໃບດຽວກໍບິແບ່ງປັນກັນ”. ດ້ວຍນໍ້າໃຈສາມັກຄີອັນບໍລິສຸດຜຸດຜ່ອງຂອງປະຊາຊົນ ແລະ ກອງທັບລາວ-ຫວຽດນາມທີ່ແທ້ຈິງ, ສືບຕໍ່ເປັນມູນເຊື້ອປະກອບສ່ວນເຂົ້າໃນໄຊຊະນະອັນເປັນປະຫວັດສາດຂອງສອງຊາດລາວ-ຫວຽດນາມຄື: ບັ້ນຮົບຍຸດທະສາດ " ໂຮ່ຈິມິນ "ປົດປ່ອຍ ແລະ ທ້ອນໂຮມປະເທດຊາດເຂົ້າເປັນໜຶ່ງໃນລະດູບານໃໝ່ປີ 1975 ແລະ ສ້າງກາລະໂອກາດ ພັນປີມີຄັ້ງໜຶ່ງໃຫ້ການປະຕິວັດລາວ ແລະ ປະຊາຊົນລາວລຸກຮືຂຶ້ນຢຶດອໍານາດໄດ້ຢ່າງສົມບູນແບບ “ ບົວບໍ່ຊໍ້າ, ນ້ຳບໍ່ຂຸ່ນ" ສະຖາປະນາ ສາທາລະນາລັດ ປະຊາທິປະໄຕ ປະຊາຊົນລາວຂຶ້ນໃນປີ 1975.
ທ່ານພົນໂທ ວົງຄຳ ພົມມະກອນ ກ່າວຕື່ມວ່າ: ການເປີດວາງສະແດງຄັ້ງນີ້ ເປັນການທົບທວນຫວນຄືນຜົນງານ-ໄຊຊະນະຂອງປະຊົນຫວຽດນາມອ້າຍນ້ອງພາຍໃຕ້ການນໍາພາຂອງພັກກອມມູນິດຫວຽດນາມອັນມີປະທານໂຮ່ຈິມິນເປັນຜູ້ກໍ່ຕັ້ງ ແລະ ນໍາພາຕໍ່ສູ້ເພື່ອເອກະລາດ, ເສລີພາບ ແລະ ຄວາມຜາສຸກຂອງປະຊາຊົນເປັນການເສີມຂະຫຍາຍມູນເຊື້ອແຫ່ງຄວາມສາມັກຄີພິເສດ, ການຮ່ວມມືຮອບດ້ານລະຫວ່າງສອງຊາດ-ສອງກອງທັບລາວ-ຫວຽດນາມໃນພາລະກິດປົກປັກຮັກສາ ແລະ ສ້າງສາພັດທະນາປະເທດກໍຄືການກໍ່ສ້າງລະບອບສັງຄົມນິຍົມທີ່ມັ່ງຄັ່ງ, ເຂັ້ມແຂງ, ເປັນການຮຽນຮູ້ເຖິງວິລະກຳອັນລໍ້າເລີດ, ຄວາມເດັດດ່ຽວໜຽວແໜ້ນ ແລະ ພິລະອາດຫານຂອງກອງທັບ ແລະ ປະຊາຊົນຫວຽດນາມວິລະຊົນອ້າຍນ້ອງໃນພາລະກິດຕໍ່ສູ້ປົດປ່ອຍຊາດດ້ວຍບົດຮຽນ ແລະ ໄຊຊະນະດຽນບຽນຝູ້ ໄດ້ພິສູດໃຫ້ເຫັນສັດຈະທຳຂອງຍຸກສະໄໝທີ່ວ່າ: ຖ້າປະເທດທີ່ຖືກກົດຂີ່ຂົ່ມເຫງ ແຕ່ມີມານະຈິດຕໍ່ສູ້ກູ້ຊາດທີ່ເດັດດ່ຽວ, ມີແນວທາງທີ່ຖືກຕ້ອງ, ມີຫົວຄິດປະດິດສ້າງ, ຮູ້ວິທີເຕົ້າໂຮມຄວາມສາມັກຄີຕໍ່ສູ້ເພື່ອເອກະລາດຂອງຊາດ ຈະຕ້ອງໄດ້ຮັບໄຊຊະນະສັດຈະທຳອັນນີ້ໄດ້ຢັ້ງຢືນໃຫ້ພວກເຮົາຮັບຮູ້ມາຮອດທຸກວັນນີ້ຊຶ່ງຈະເປັນປະໂຫຍດສໍາລັບການສຶກສາຮຽນຮູ້ກ່ຽວກັບທີ່ຕັ້ງຍຸດທະສາດ ແລະ ຄວາມໝາຍສໍາຄັນຂອງໄຊຊະນະບັ້ນຮົບດຽນບຽນຝູ້ຈະເຮັດໃຫ້ຜູ້ຊົມຮູ້ກ່ຽວກັບເລື່ອງແທ້ຄົນຈິງຈໍານວນໜຶ່ງ ຊຶ່ງລ້ວນແລ້ວແຕ່ເກີດມາຈາກລັດທິວິລະຊົນປະຕິວັດອັນເປັນໜ້າສັນເສີນ, ເຫັນໄດ້ຄວາມເລິກເຊິ່ງຂອງມິດຕະພາບ ແລະ ການພົວພັນສາມັກຄີພິເສດລະຫວ່າງສອງຊາດລາວ-ຫວຽດນາມ, ຫວຽດນາມ-ລາວທີ່ໄດ້ຜ່ານການທົດສອບ ແລະ ຫຼໍ່ຫຼອມໃນແປວໄຟຂອງສົງຄາມອັນດຸເດືອດ, ເຕັມໄປດ້ວຍການເສຍສະຫຼະອັນໃຫຍ່ຫຼວງ, ປະທານໂຮ່ຈິມິນໄດ້ຂຽນໄວ້ວ່າ: ໄຊຊະນະດຽນບຽນຝູ້ແມ່ນ" ຫຼັກສີລາຄໍາ " ອັນໃສແຈ້ງສະຫງ່າງາມໃນປະຫັວດສາດທີ່ໄດ້ບັນທຶກ ແລະ ບົ່ງບອກເຖິງຄາວທີ່ລັດທິລ່າເມືອງຂຶ້ນລົ້ມສະຫຼາຍລົງແລ້ວ ແລະ ໃນຂະນະດຽວກັນນັ້ນກະແສຟອງຂະບວນການຕໍ່ສູ້ປົດປ່ອຍຊາດຂອງບັນດາປະຊາຊາດໃນໂລກ ກໍນັບມື້ນັບເພີ່ມທະວີຂຶ້ນກ້າວໄປສູ່ໄຊຊະນະຢ່າງສົມບູນ ນີ້ແມ່ນໄຊຊະນະອັນໃຫຍ່ຫຼວງຂອງປະຊາຊົນພວກເຮົາ, ເປັນໄຊຊະນະລວມຂອງບັນດາປະຊາຊາດທີ່ຖືກກົດຂີ່ຂົ່ມເຫັງທັງໝົດໃນໂລກ, ໄຊຊະນະດຽນບຽນຝູ້ໄດ້ຢຸດຕິການເປັນຫົວເມືອງຂຶ້ນຝຣັ່ງຢ່າງສິ້ນເຊີງຂອງປະເທດຫວຽດນາມ-ລາວ ແລະ ກຳປູເຈຍ ທັງ
ເປັນການເປີດສັງກາດໃໝ່ໃຫ້ແກ່ຂະບວນການຕໍ່ສູ້ກູ້ຊາດ ແລະ ປົດປ່ອຍຊາດຂອງກອງທັບ ແລະ ປະຊາຊົນລາວຂອງພວກເຮົາກ້າວຂຶ້ນຢ່າງບໍ່ຢຸດຢັ້ງຈາກໄຊຊະນະນີ້ໄປສູ່ໄຊຊະນະໃໝ່ຍິ່ງໃຫຍ່ກ່ວາເກົ່າ.
ຂ່າວ-ພາບ: ບຸນອູ້ມ
ຄໍາເຫັນ