ວັນພັກບຸນກຸດຈີນທີ່ຍາວທີ່ສຸດໃນປະຫວັດສາດຂອງຈີນ ຊ່ວຍກະຕຸ້ນການບໍລິໂພກແນວໃດ?

ການປັບປຸງໂຄງສ້າງໃນຄັ້ງນີ້ ເພື່ອໃຫ້ສອດຄ່ອງຢ່າງໃກ້ຊິດກັບແນວທາງຍຸດທະສາດຂອງກອງປະຊຸມວຽກງານເສດຖະກິດຂັ້ນສູນກາງ ໃນເດືອນທັນວາ 2025 ທີ່ໄດ້ກໍານົດໃຫ້ການຂະຫຍາຍອຸປະສົງພາຍໃນ ເປັນ “ພາລະກິດສໍາຄັນສູງສຸດ” ສໍາລັບປີງົບປະມານ 2026. ດ້ວຍການປ່ຽນແປງນະໂຍບາຍແບບເກົ່າທີ່ມີພຽງ 7 ມື້ ວັນພັກທີ່ຖືກຂະຫຍາຍນີ້ ໄດ້ເຮັດໃຫ້ເກີດຮູບແບບ “ວັນພັກແບ່ງເປັນຊ່ວງ”. ຜູ້ບໍລິໂພກສາມາດໃຊ້ຊ່ວງມື້ທຳອິດເພື່ອປະຕິບັດພາລະກິດຄອບຄົວ ແລະ ຈາກນັ້ນອອກເດີນທາງທ່ອງທ່ຽວໄລຍະໄກເພື່ອພັກຜ່ອນ ຊຶ່ງເປັນກາກະຕຸ້ນເສດຖະກິດຂອງຂະແໜງການໂຮງແຮມ, ການບິນ ແລະ ບໍລິການອື່ນໆ. ພື້ນຖານຂອງການເພິ່ມທະວີທາງເສດຖະກິດນີ້ ແມ່ນຈໍານວນການເດີນທາງຂ້າມພາກພື້ນຂອງຜູ້ໂດຍສານ ທີ່ທໍາລາຍສະຖິຕິເຖິງ 9,5 ຕື້ເທື່ອ ໃນຊ່ວງ 40 ມື້ຂອງລະດູການເດີນທາງບຸນພັກກຸດຈີນ ຫຼື ພາສາຈີນເອີ້ນ “ຊຸນຢຸນ”.

ການເດີນທາງ ທາງບົກກວມປະມານ 80%, ເຊິ່ງຊ່ວຍກະຈາຍການແບ່ງປັນລາຍໄດ້ໂດຍການໃຊ້ຈ່າຍຄ່ານ້ຳມັນເຊື້ອໄຟ ແລະ ລາຍຮັບຈາກການຕ້ອນຮັບທ້ອງຖິ່ນໄປສູ່ເສດຖະກິດຊົນນະບົດ ແລະ ແຂວງຕ່າງໆ. ໃນຄະນະດຽວກັນ, ການສັນຈອນດ້ວຍລົດໄຟ ແລະ ດ້ານການບິນແມ່ນມີການເຕີບໂຕ, ໂດຍຄາດຄະເນວ່າຈະຮອງຮັບການເດີນທາງໃຫ້ໄດ້ 540 ລ້ານ ແລະ 95 ລ້ານເທື່ອຄົນຕາມລຳດັບ.

ເພື່ອຫຼຸດຜ່ອນຄວາມແອອັດຂອງການສັນຈອນມວນຊົນຄັ້ງນີ້, ເຈົ້າໜ້າທີ່ໄດ້ປັບປຸງພື້ນຖານໂຄງລ່າງໃຫ້ດີທີ່ສຸດ, ຕັ້ງແຕ່ການຍົກເວັ້ນຄ່າຜ່ານທາງດ່ວນສຳລັບລົດໃຫຍ່ ຈົນເຖິງການຂະຫຍາຍເວລາໃຫ້ບໍລິການຂອງລະບົບຂົນສົ່ງມວນຊົນໃນຕົວເມືອງໃຫຍ່.

ຂໍ້ມູນທີ່ເປັນຈິງ ຈາກອົງການທ່ອງທ່ຽວອອນລາຍ ຊີ້ໃຫ້ເຫັນວ່າ: ຕາມການເປີດເຜີຍຂອງຂໍ້ມູນ ພາຍໃນ 30 ນາທີ ຫຼັງຈາກການປະກາດຢ່າງເປັນທາງການຂອງລັດກ່ຽວກັບວັນພັກ 9 ວັນ, ໄດ້ລາຍງານວ່າ ການຄົ້ນຫາຖ້ຽວບິນສຳລັບບຸນກຸດຈີນ ເພີ່ມຂຶ້ນເປັນ 300%.

ທີ່ສຳຄັນ,ຂໍ້ມູນດັ່ງກ່າວເປີດເຜີຍໃຫ້ເຫັນການເຄື່ອນໄຫວຂອງ "ເສດຖະກິດຜູ້ສູງອາຍຸ", ໂດຍມີການຈອງຖ້ຽວບິນເພີ່ມຂຶ້ນຢ່າງຫຼວງຫຼາຍໂດຍຜູ້ໂດຍສານທີ່ມີອາຍຸ 60 ປີຂຶ້ນໄປ, ຫຼາຍຄົນໃນນັ້ນກຳລັງບິນເປັນເທື່ອທຳອິດເພື່ອໄປຫາລູກຫຼານທີ່ເຮັດວຽກຢູ່ໃນຕົວເມືອງໃຫຍ່.

ແນວໂນ້ມ "ຊຸນຢຸນ ຍ້ອນກັບ" ນີ້ໄດ້ກະຕຸ້ນກຸ່ມປະຊາກອນທີ່ມີລາຍຮັບສູງ ແລະ ມີອັດຕາກຳໄລສູງກຸ່ມໃໝ່ທີ່ສາມາດສ້າງລາຍຮັບໄດ້.

ມື້ພັກ 9 ວັນ, "ວັນພັກແບ່ງຊ່ວງ" ໄດ້ສະແດງຕາມລຳດັບຂອງຄວາມຕ້ອງການການເດີນທາງບົນພື້ນຖານ, ເຊິ່ງເຮັດໃຫ້ຈຸດໝາຍປາຍທາງຕ່າງໆ ສາມາດຮັກສາອັດຕາທີ່ສູງ ແລະ ເພີ່ມມູນຄ່າລວມຂອງສິນຄ້າ (GMV) ໃຫ້ສູງສຸດ ໃນໄລຍະເວລາທີ່ຕໍ່ເນື່ອງ ໂດຍຈະບໍ່ເຮັດໃຫ້ພື້ນຖານໂຄງລ່າງເຄັ່ງຕຶງເກີນໄປ.

ດັ່ງນັ້ນ, ການເດີນທາງໄກໄດ້ເພີ່ມຂຶ້ນແບບກ້າວໜ້າ; ການຈອງບິນໄປໄຫ່ໂຂວ ເພີ່ມຂຶ້ນ 120% ເທົ່າທຽບໃສ່ປີຜ່ານມາ, ໃນຂະນະດຽວກັນເຂດເໜືອທີ່ມີຫິມະເຊັ່ນ ອັລເທຍ (Altay) ກໍຕ້ອນຮັບນັກທ່ອງທ່ຽວຫຼາຍກວ່າສອງແສນຄົນ. ພ້ອມກັນນີ້, ຜູ້ບໍລິໂພກກໍເນັ້ນການເດີນທາງແບບ “ທ່ອງທ່ຽວແບບດູດດື່ມ” ໂດຍໃຫ້ຄວາມສຳຄັນແກ່ທ່ອງທ່ຽວເປັນກຸ່ມກ້ອນ ແລະ ສ່ວນຕົວແບບພິເສດ.

ຫາປະສົບການທາງວັດທະນະທຳ ເຊັ່ນ ການຮັກສາວັດທະນະທຳຮັ້ນຟູ (hanfu) ໃນ ຫຼົວຢ່າງ ຫຼື ພິທີຊິວຜົມດ້ວຍດອກໄມ້ ຊານຮວາ(zanhua) ໃນຊວານຊູ(Quanzhou) ເຊິ່ງສ້າງລາຍຮັບເພີ່ມຂຶ້ນສູງ.

ນອກຈາກນັ້ນ,ຄວາມຕ້ອງການພັກຜ່ອນໃນລວງເລິກ ໄດ້ກໍເຮັດໃຫ້ເຖິງການທ່ອງທ່ຽວແບບພື້ນຖານທາງທ້ອງຖິ່ນ(“reverse tourism”) ເພີ່ມຂຶ້ນໄປຍັງເມືອງນ້ອຍ ແລະ ເຂດລັດບໍລິການລະດັບເມືອງ, ເປັນວິທີການໂອນລາຍຮັບທີ່ສຳຄັນ ເພື່ອນໍາເງິນຈາກນັກທ່ອງທ່ຽວແບບນະຄອນເຂົ້າສູ່ເສດຖະກິດບໍລິການໃນຊົນນະບົດ. ເພື່ອຮັບປະກັນວ່າການປ່ຽນແປງທີ່ບໍ່ເຄີຍມີມາກ່ອນແມ່ນຈະຖືກແປປ່ຽນໄປເປັນການຊຸກຍູ້ເສດຖະກິດທີ່ຍືນຍົງ, ເຫດນະໂຍບາຍຂອງຈີນໄດ້ຈັດຕັ້ງໂຄງການກະຕຸ້ນທາງການເງິນຫຼາຍຊັ້ນ. ລັດຖະບານທ້ອງຖິ່ນໄດ້ຈັດສັນ 2.05 ພັນລ້ານຢວນ (ປະມານ 296.7 ລ້ານໂດລາ) ສໍາລັບບັດຂອງການບໍລິໂພກໃນວັນພັກ, ໂດຍເນັ້ນໄປທີ່ການຮັບປະທານອາຫານ, ທ່ອງທ່ຽວ, ແລະ ບໍລິການບັນເທີງ. ພ້ອມກັນນີ້, ໂຄງການປ່ຽນສິນຄ້າອີເລັກໂຕຣນິກ ແລະ ອຸປະກອນໃນລະດັບປະເທດ ຂະຫຍາຍຂະໜາດໃຫຍ່ – ຮອງຮັບໂດຍພາບພັນທະບັນຊີລະຍະຍາວຂອງລາຍການ 62.5 ພັນລ້ານຢວນ (9 ພັນລ້ານໂດລາ) – ໄດ້ສ້າງລາຍຮັບການຂາຍເກີນ 59 ພັນລ້ານຢວນ (8.5 ພັນລ້ານໂດລາ) ໃນຕົ້ນເດືອນມັງກອນ. ວັນພັກນີ້ ໝາຍເຖິງການມາຮອດຂອງການບໍລິໂພກແບບສະໄໝໃໝ່, ທາງການຂອງຈີນໃຫ້ຄວາມສຳຄັນແກ່ “ຄຸນຄ່າທາງຈິດໃຈ” ແລະ ຄຸນນະພາບຊີວິດ ຫຼາຍກວ່າການສະສົມສິນຄ້າວັດຖຸມີຄ່າ.

ຜົນສຳຫຼວດສະແດງໃຫ້ເຫັນວ່າ ກຸ່ມຜູ້ບໍລິໂພກແມ່ນເປັນໄວລຸ້ນຫາໄວກາງຄົນ ເຊິ່ງໃຫ້ຄວາມສຳຄັນຕໍ່ການເຊື່ອມຕໍ່ທາງຈິດໃຈໃນການຊື້ຂາຍຂອງພວກເຂົາ,ເຫັນດ້ວຍຄວາມສຳເລັດທີ່ເຮັດໃຫ້ສິນຄ້າແບບສັນຍາລັກຂອງປີ “ປີມ້າ” ສິນຄ້າແປກໃໝ່ທີ່ທີ່ມີຄຸນຄ່າທີ່ສວຍສ້າງຄວາມພ່ອນຄາຍທາງຈິດໃຈ

(psychological comfort).

ໃນລະດັບສາກົນ, ວັນພັກບຸນປີໃໝ່ຈີນ ປີ 2026 ຖືວ່າເປັນຈຸດປ່ຽນສຳຄັນ ໂດຍເຮັດໃຫ້ການຈອງຖ້ຽວບິນສາກົນເຂົ້າມາຍັງຈີນເພີ່ມຂຶ້ນຢ່າງກວ້າງຂວາງຮອດ 400%, ຊຶ່ງເກີດຈາກນະໂຍບາຍການຜ່ານແດນໂດຍບໍ່ຕ້ອງມີວີຊາ, ການພັດທະນາລະບົບການຊຳລະເງິນຜ່ານມືຖືໃຫ້ມີປະສິດທິພາບຫຼາຍຂຶ້ນ, ແລະ ການທີ່ງານບຸນດັ່ງກ່າວໄດ້ຮັບການຂຶ້ນທະບຽນຮັບຮອງເປັນມໍລະດົກວັດທະນະທຳໂດຍ UNESCO ບໍ່ດົນມານີ້.

ໃນທາງກົງກັນຂ້າມ,ການເດີນທາງອອກນອກປະເທດໄດ້ຫັນໄປສູ່ປະເທດທີ່ມີຄວາມສຳພັນທາງການທູດທີ່ດີ ແລະ ມີນະໂຍບາຍຍົກເວັ້ນວີຊາ ໂດຍສ່ວນໃຫຍ່ຢູ່ໃນພາກພື້ນອາຊີ–ປາຊີຟິກ, ຣັດເຊຍ ແລະ ຕາເວັນອອກກາງ.

ໃນທີ່ສຸດ, ບຸນປີໃໝ່ຈີນ ປີ 2026 ໄດ້ສ້າງກົນໄກເພື່ອກະຕຸ້ນທາງເສດຖະກິດທີ່ຖືກອອກແບບ ແລະ ຄວບຄຸມຢ່າງຢັ້ງຢືນ.

ໂດຍການຍົກເລີກຂໍ້ຈຳກັດການເດີນທາງແບບເກົ່າ ແລະນຳໃຊ້ມາດຕະການນະໂຍບາຍການເງິນທີ່ຖືກອອກແບບຢ່າງເຈາະຈົງ, ສິ່ງນີ້ໄດ້ພິສູດໃຫ້ເຫັນເຖິງຄວາມເປັນໄປໄດ້ຂອງຍຸດທະສາດການພັດທະນາດ້ານການຕະຫຼາດພາຍໃນຂອງຈີນ. ຖ້າແນວໂນ້ມນີ້ສາມາດປະຕິບັດໄດ້, ປີມະເມຍ “ມ້າໄຟ” ອາດຈະຖືກມອງເຫັນເປັນຈຸດຫັນປ່ຽນສຳຄັນ ໂດຍການຍົກລະດັບການບໍລິໂພກພາຍໃນໃຫ້ເປັນແຮງກະຕຸ້ນຫຼັກຂອງຄວາມໝັ້ນຄົງທາງເສດຖະກິດຂອງຈີນໃນໄລຍະຍາວ.