ວິວງາມຫ້ອງພັກຫຼູຫຼາໂຮງແຮມ ມາຍບ້ານລາວ

ເມືອງມໍລະດົກໂລກຫຼວງພະບາງເປັນແຫຼ່ງທ່ອງທ່ຽວທີ່ມີຊື່ສຽງລະດັບໂລກຊຶ່ງໃນແຕ່ລະປີມີນັກທ່ອງທ່ຽວທັງພາຍໃນແລະຕ່າງປະເທດເຂົ້າມາທ່ຽວຊົມເປັນຈຳນວນຫຼວງຫຼາຍໂດຍສະເພາະໃນໄລຍະເທດສະການຕ່າງໆ ບັນດາເຮືອນພັກ, ໂຮງແຮມຖືວ່າຈອງເຕັມໝົດກ່ອນເຖິງງານເທດສະການຫາກບໍ່ຈອງກ່ອນກໍຢ່າຫວັງວ່າຈະໄດ້ທີ່ພັກ ຊຶ່ງໃນໄລຍະການສະເຫຼີມສະຫຼອງສົ່ງທ້າຍປີເກົ່າ ພ.ສ 2566 ແລະຕ້ອນຮັບປີໃໝ່ ພ.ສ 2567 ປີນີ້, ໂຮງແຮມມາຍບ້ານລາວໄດ້ກຽມຫ້ອງພັກໄວ້ສຳລັບຕ້ອນຮັບແຂກໂດຍມີຫ້ອງພັກຫຼາຍລະດັບໃຫ້ເລືອກຕາມໃຈມັກ.
    ທ່ານນິນທະລາແກ້ວຄຳເພັດຜູ້ຈັດການໂຮງແຮມມາຍບ້ານລາວກ່າວວ່າ:ໂຮງແຮມມາຍບ້ານລາວເປັນໂຮງແຮມລະດັບ 4 ດາວ, ແຕ່ເນັ້ນການບໍລິການໃຫ້ໄດ້ມາດຕະຖານລະດັບ 5 ດາວ, ໂຮງແຮມແຫ່ງນີ້ ມີຫ້ອງພັກທັງໝົດປະມານ 60 ຫ້ອງ, ສ່ວນລາຄາມີຫຼາຍລະດັບແຕ່ 2 ລ້ານກີບຫາເກືອບລ້ານກີບຫຼືແຕ່ 100 ໂດລາ-190 ໂດລາຕໍ່ຫ້ອງຕໍ່ຄືນ, ໂຮງແຮມແຫ່ງນີ້ ນອກຈາກມີຫ້ອງພັກທີ່ຫຼູຫຼາແລ້ວ, ຍັງມີຮ້ານກາເຟ, ຮ້ານອາຫານແລະບ່ອນອອກກຳລັງກາຍຫຼືຟິດເນັສ, ສະລອຍນ້ຳ, ຫ້ອງສະປາແລະອື່ນໆ ໄວ້ຄອຍບໍລິການແຂກທີ່ມາພັກໂຮງແຮມຂອງພວກເຮົາ, ນອກຈາກນີ້ ຍັງມີລົດໄຟຟ້າໄວ້ຄອຍບໍລິການຮັບ-ສົ່ງແຂກຕາມຈຸດທ່ອງທ່ຽວຕ່າງໆໃນນະຄອນ-ຫຼວງພະບາງແລະຮັບ-ສົ່ງແຂກຢູ່ສະໜາມບິນແລະສະຖານີລົດໄຟຕື່ມອີກ.ສ່ວນແຂກທີ່ມາພັກຢູ່ໂຮງແຮມແຫ່ງນີ້ ແຂກພາຍໃນກວມເອົາປະມານ 40% ແລະແຂກຕ່າງປະເທດປະມານ 60%, ໃນນັ້ນນັກທ່ອງທ່ຽວຈາກອາຊີເຊັ່ນ: ສ ເກົາຫຼີ, ຈີນ, ໄທ, ອິນໂດເນເຊຍກວມເອົາສ່ວນໃຫຍ່, ສ່ວນແຂກຈາກເອີຣົບ ບໍ່ຫຼາຍປານໃດ.
    ສຳລັບໄລຍະສະເຫຼີມສະຫຼອງປີໃໝ່ລາວປີນີ້, ໂຮງແຮມມາຍບ້ານລາວໄດ້ມີແຂກຈອງຫ້ອງພັກເກືອບເຕັມໝົດແລ້ວຊຶ່ງໂຮງແຮມຕັ້ງຢູ່ບ້ານມະໂນນະຄອນ-ຫຼວງພະບາງແຂວງຫຼວງພະບາງ.
    ທ່ານນິນທະລາແກ້ວຄຳເພັດຍັງໄດ້ເຊີນຊວນແຂກທັງພາຍໃນແລະຕ່າງປະເທດຖ້າຫາກທ່ານຈະເດີນທາງມາທ່ອງທ່ຽວຫຼືເຮັດວຽກຢູ່ຫຼວງພະບາງ ກໍສາມາດຈອງຫ້ອງພັກໄດ້ທີ່ເບີໂທລະສັບ 020 56579888, ເຟສບຸກMybanlao, www.Mybanlao.com
ຂ່າວ: ຄ. ຄຳປະສິດ