ວິທະຍາຄານການເມືອງ ປກສ ສ້າງຂະບວນການປູກຕົ້ນໄມ້

ສະຫາຍ ພົຈວ ສຸກນິລັນດອນ ກຸນລະວົງ ກ່າວວ່າ: ວັນປູກຕົ້ນໄມ້ແຫ່ງຊາດ ແມ່ນວາລະທີ່ມີຄວາມໝາຍຄວາມສໍາຄັນລະດັບຊາດ ເພື່ອຮ່ວມກັນເພີ່ມເນື້ອທີ່ປົກຫຸ້ມຂອງປ່າໄມ້, ຮັກສາລະບົບນິເວດ ແລະ ແກ້ໄຂບັນຫາການປ່ຽນແປງທາງສະພາບອາກາດ ຕິດພັນກັບການພັດທະນາແບບຍືນຍົງ ຕາມທິດທາງຂອງມະຕິກອງປະຊຸມໃຫຍ່ ຄັ້ງທີ XII ຂອງພັກ. ສໍາລັບກໍາລັງ ປກສ ນອກຈາກໜ້າທີ່ວິຊາສະເພາະໃນການຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມແລ້ວ, ການເຂົ້າຮ່ວມຂະບວນການປູກຕົ້ນໄມ້ຄັ້ງ, ຍັງເປັນການ ສະແດງເຖິງຄວາມຮັບຜິດຊອບ, ຄວາມສາມັກຄີ ແລະ ການເປັນແບບຢ່າງທີ່ດີ ໃນການສ້າງປ່າໄມ້ສີຂຽວ ສະອາດງາມຕາໃຫ້ກົມກອງ ກໍຄືການປົກປັກຮັກສາຊັບພະຍາກອນທຳມະຊາດຂອງປະເທດຊາດພວກເຮົາ.

ໂອກາດດັ່ງກ່າວ, ທ່ານຫົວໜ້າອໍານວຍການວິທະຍາຄານການເມືອງ ປກສ ຮຽກຮ້ອງມາຍັງຄະນະພັກ-ຄະນະບັນຊາ, ນາຍ ແລະ ພົນຕຳຫຼວດທຸກສະຫາຍ ຈົ່ງພ້ອມກັນຕັ້ງໜ້າເຂົ້າຮ່ວມຂະບວນການນີ້ຢ່າງເປັນຂະບວນຟົດຟື້ນ, ປູກແລ້ວຕ້ອງເອົາໃຈໃສ່ບົວລະບັດຮັກສາໃຫ້ຕົ້ນໄມ້ມີການເຕີບໃຫຍ່ ແລະ ຂຽວສົດງົດງາມແບບຍືນຍົງ.

ເບ້ຍໄມ້ທີ່ນໍາມາປູກໃນຄັ້ງນີ້, ມີຈໍານວນ 100 ເບ້ຍ ປະກອບມີໄມ້ດູ່, ຕົ້ນພ້າວ; ພ້ອມນີ້ຍັງໄດ້ປ່ອຍລູກປາຈໍານວນ 9,000 ໂຕ ມີປານິນ, ປາປາກ ແລະ ປານວນຈັນ.

ຂ່າວ-ພາບ: ຄໍາໂຖ