ທ່ານ ເທໂດຣສ ອັດຮານອມ ກີເບຣເຢຊຸສ ຜູ້ອຳນວຍການໃຫຍ່ WHO ທີ່ຫາກໍກັບມາຈາກການໄປຢ້ຽມຢາມ DRC ໄດ້ກ່າວວ່າ: ຈຳນວນຜູ້ຕິດເຊື້ອອີໂບລາທີ່ຢືນຢັນແລ້ວໃນ DRC ແມ່ນ 344 ຄົນ, ລວມທັງຜູ້ເສຍຊີວິດ 60 ຄົນ ໃນ 24 ເຂດສາທາລະນະສຸກ ຊຶ່ງກວມເອົາ 3 ແຂວງ. ໃນຂະນະທີ່ຈຳນວນຜູ້ຕິດເຊື້ອທີ່ສົງໃສໄດ້ຫຼຸດລົງເປັນ 116 ຄົນ ຈາກເດີມຫຼາຍກວ່າ 1,000 ຄົນໃນອາທິດທີ່ຜ່ານມາ.
ຢ່າງໃດກໍຕາມ, ທ່ານ ເທໂດຣສ ກ່າວວ່າ: WHO ຍັງຄົງບໍ່ປ່ຽນແປງການປະເມີນຄວາມສ່ຽງຂອງພະຍາດອີໂບລາ ຊຶ່ງຍັງຄົງສູງຫຼາຍໃນລະດັບຊາດ, ສູງໃນພາກພື້ນ ແລະ ຕ່ຳໃນທົ່ວໂລກ.
ທ່ານ ເທໂດຣສ ໄດ້ເນັ້ນໜັກເຖິງສິ່ງທ້າທາຍຫຼາຍຢ່າງ, ລວມທັງການຍົກລະດັບຂີດຄວາມສາມາດໃນການກວດຫາເຊື້ອໃນຫ້ອງທົດລອງ ແລະ ການວິນິດໄສເພື່ອຫຼຸດຜ່ອນຄວາມຫຼ້າຊ້າໃນການຢືນຢັນກໍລະນີ ແລະ ສະໜັບສະໜູນການຕັດສິນໃຈຮັບມືທີ່ໄວຂຶ້ນ; ການຕິດຕາມຜູ້ມີປະຫວັດສຳຜັດໃກ້ຊິດໃນ DRC ແລະ ການຈຳກັດການເດີນທາງທີ່ກຳລັງສົ່ງຜົນກະທົບຕໍ່ລະບົບຕ່ອງໂສ້ການສະໜອງ ແລະ ເປັນອຸປະສັກຕໍ່ການຮັບມື. ຄວາມບໍ່ໄວ້ວາງໃຈພາຍໃນຊຸມຊົນ ແລະ ຄວາມຈິງທີ່ວ່າປັດຈຸບັນຍັງບໍ່ມີວັກຊິນ ຫຼື ການປິ່ນປົວສະເພາະທີ່ໄດ້ຮັບການອະນຸມັດສຳລັບໄວຣັດ Bundibugyo.
ຄໍາເຫັນ