 |
ທ່ານ ໜູພອນ ໄຊປັນຍາຈິດ ຫົວໜ້າພະແນກແຮງງານ ແລະ ສະຫັວດດີການສັງຄົມແຂວງໄດ້ຂຶ້ນຜ່ານບົດລາຍງານຫຍໍ້ສະພາບໄພທິບັດທີ່ເກີດຂຶ້ນປະຈຳປີ 2025 ຢູ່ແຂວງໄຊຍະບູລີວ່າ: ໃນໄລຍະ 1 ປີຜ່ານມາ ໄດ້ມີເຫດການໄພພິບັດເກີດຂຶ້ນຢູ່ 11 ເມືອງທົ່ວແຂວງ ໂດຍສະເພາະໄພນໍ້າຖ້ວມ, ລົມພາຍຸພັດ, ໄຟໄໝ້, ຟ້າຜ່າ ແລະ ສັດຕູພຶດທໍາລາຍຜົນຜະລິດ ລວມທັງໝົດ 48 ຄັ້ງ. ໃນນັ້ນ, ເຫດການລົມພາຍຸພັດ 10 ຄັ້ງ, ອັກຄີໄພຈໍານວນ 18 ຄັ້ງ, ມີເຫດການຟ້າຜ່າ 5 ຄັ້ງ ແລະ ນໍ້າຖ້ວມ 10 ຄັ້ງ,ສົ່ງຜົນກະທົບຕໍ່ຊີວິດ, ຊັບສີນຂອງປະຊາຊົນ,ລວມໝູ່ ແລະ ສ້າງຄວາມເສຍຫາຍຕໍ່ພື້ນຖານໂຄງລ່າງທາງດ້ານເສດຖະກິດ-ສັງຄົມ ແລະ ສິ່ງແວດລ້ອມ, ມີບ້ານທີ່ໄດ້ຮັບຜົນກະທົບ 285 ບ້ານ, ມີ 7,992ຄອບຄົວ, ມີ 37,350 ຄົນຍິງ 17,715 ຄົນ, ມີຜູ້ເສຍຊິວິດ 4 ຄົນ,ເປັນເງິນຈໍານວນ 273,919,744,000 ກີບ.ຈາກນັ້ນ, ໃນພິທີກໍໄດ້ມອບເຂົ້າສານຈ້າວໃຫ້ເມືອງໄຊຍະບູລີຈຳນວນ 49,920 ກິໂລ,ເມືອງພຽງ 23,000 ກິໂລ ແລະ ເມືອງສະຖານ 3,000 ກິໂລ.ຈາກນັ້ນ, ພະແນກແຮງງານ ແລະ ສະຫວັດດີການສັງຄົມແຂວງ ຍັງໄດ້ລົງມອບເຂົ້າສານຈ້າວຈຳນວນ 1,080 ກິໂລ ແລະ ເຄື່ອງຊ່ວຍເຫຼືອໃຫ້ໂຮງຮຽນ ມສ ຊົນເຜົ່າຕື່ມອີກ.
(ຂ່າວ-ພາບ: ສົມພົງ ສີສະຫວັດ)
ຄໍາເຫັນ