ໄຊພູທອງ ກຽມຄວາມພ້ອມບັ້ນເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V

ທ່ານ ສົມພິດ ໄຊຍະບົວສີ ຫົວໜ້າຫ້ອງວ່າການປົກຄອງເມືອງ ໄດ້ຂຶ້ນຜ່ານມະຕິແຕ່ງຕັ້ງຄະນະກໍາມະການເລືອກຕັ້ງເມືອງໄຊພູທອງ ເພື່ອດໍາເນີນການເລືອກຕັ້ງ ວ່າດ້ວຍການແຕ່ງຕັ້ງອະນຸກໍາມະການຊ່ວຍວຽກ ເພື່ອກະກຽມແລະດໍາເນີນການເລືອກຕັ້ງ ສສຊ ຊຸດທີ ແX ລະ ສສຂ ຊຸດທີ V. ຈາກນັ້ນ, ບັນດາຄະນະປະຈຳພັກເມືອງ, ຄະນະຮັບຜິດຊອບຕ່າງກໍ່ໄດ້ຂຶ້ນປະກອບຄຳຄິດເຫັນກ່ຽວກັບວິທີການຈັດຕັ້ງປະຕິບັດ, ການກຽມຄວາມພ້ອມໃນບັ້ນເລືອກຕັ້ງ ສສຊ ຊຸດທີ X ແລະ ສສຂ ຊຸດທີVໃຫ້ໄດ້ຮັບຜົນດີ ແລະ ມີປະສິດທິພາບ. ທົ່ວເມືອງໄຊພູທອງ ປະກອບມີໜ່ວຍຫີບບັດຈໍານວນທັງໝົດ 46 ໜ່ວຍ.

ຈຸດປະສົງ, ກໍເພື່ອເຮັດໃຫ້ແຕ່ລະອະນຸກໍາມະການເລືອກຕັ້ງຂັ້ນເມືອງກຳແໜ້ນເນື້ອໃນສຳຄັນຂອງກົດໝາຍວ່າດ້ວຍການເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V ດຳເນີນຖືກຕ້ອງຕາມກົດໝາຍ ສອດຄ່ອງກັບສະພາບຕົວຈິງຂອງແຕ່ລະທ້ອງຖິ່ນ ແລະ ມີປະສິດທິຜົນ, ເອກະສານຄຳແນະນຳ ຄະນະກຳມະການລະດັບຊາດ ກ່ຽວກັບການເພີ່ມທະວີນຳພາຊີ້ນຳວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ແກ່ການເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V.

ໃນຕອນທ້າຍ, ທ່ານ ວັນແສງ ແກ້ວບຸນພັນ ໄດ້ເນັ້ນໜັກຫຼາຍບັນຫາຕໍ່ກັບການຈັດຕັ້ງປະຕິບັດບັ້ນເລືອກຕັ້ງ ສສຊ ຊຸດທີX ແລະ ສສຂ ຊຸດທີ V ທີ່ຈະມາເຖິງນີ້ແມ່ນຕ້ອງຮັບປະກັນໃຫ້ບັນລຸ 100%.

(ແຫຼ່ງຂ່າວ: ເມືອງໄຊພູທອງ)