ແຂວງໄຊສົມບູນ ໄດ້ຈັດກອງປະຊຸມ ປາຖະກະຖາ ວັນເກີດປະທານ ຄຳໄຕ ສີພັນດອນ ຄົບຮອບ 100 ປີ(ວັນທີ 8 ກຸມພາ 1924 ຫາ ວັນທີ 8 ກຸມພາ 2024) ຂຶ້ນໃນວັນທີ 11 ທັນວາ ນີ້ ທີ່ຫ້ອງວ່າການແຂວງໄຊສົມບູນ ໂດຍໃຫ້ກຽດປາຖະກະຖາ ໂດຍ ທ່ານ ຄຳພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ,ໂດຍມີ ທ່ານ ພົນຕີ ວົງສອນ ອິນປານພີມ ຮອງເລຂາພັກຜູ້ຊີ້ນຳວຽກງານພັກ ແລະ ພະນັກງານ, ມີຄະນະກຳມະການພັກແຂວງ ພ້ອມດ້ວຍພະນັກງານ,ລັດຖະກອນ ພາຍໃນແຂວໄຊສົມບູນເຂົ້າຮ່ວມ.
ການປາຖະກະຖາຄັ້ງນີ້ເພື່ອລະນຶກເຖິງຄຸນງາມຄວາມດີຂອງ ປະທານ ຄຳໄຕ ສີພັນດອນ ທີ່ມີຕໍ່ປະເທດຊາດ ແນໃສ່ຮຽນຮູ້ ແລະ ນຳເອົາແບບຢ່າງທີ່ດີຂອງເພິ່ນມາໆໝູນໃຊ້ເຂົ້າໃນການຈັດຕັ້ງ,ເຄື່ອນໄຫວ ແລະ ການດຳລົງຊີວິດຂອງພະນັກງານ,ສະມາຊິກພັກ,ປະຊາຊົນ ແລະ ຊັ້ນຄົນຕ່າງໆ ເພື່ອສືບຕໍ່ພັດທະນາປະເທດ ກ້າວຂຶ້ນຕາມອຸດົມການຂອງພັກ ຢ່າງມີໄຊ ແລະ ໄດ້ຍົກໃຫ້ເຫັນເຖິງ ຊີວິດເຍົາໄວ ແລະ ຈຸດເລີ່ມຕົ້ນປະຫວັດ ການເຄື່ອນໄຫວ ຂອງປະທານ ຄຳໄຕ ສີພັນດອນ ໃນແຕ່ລະໄລຍະ ນັບຕັ້ງແຕ່ ປີ 1931 ເຖິງ 2006 ປີ ຈົນເຖິງປັດຈຸບັນ. ປະທານ ຄຳໄຕ ສີພັນດອນ ແມ່ນຜູ້ໜຶ່ງ ໃນບັນດາຜູ້ນຳຮຸ່ນກໍ່ຕັ້ງຂະບວນການ ແລະ ບຸກເບີກເສັ້ນທາງປະຕິວັດ ຢູ່ປະເທດເຮົາຊຶ່ງເວລາໃດກໍໜັກ
ແໜ້ນທາງດ້ານການເມືອງ,ສະຕິຕໍ່ການຈັດຕັ້ງ,ມີຄວາມຮັບຜິດຊອບສູງຕໍ່ໜ້າທີ່ ທີ່ໄດ້ຮັບມອບໝາຍ,ເລີ່ມຈາກພະນັກງານທຳມະດາ ກາຍເປັນຜູ້ຊີ້ນຳ-ບັນຊາ ແລະ ນຳພາຂະບວນການຕໍ່ສູ້ປົດປ່ອຍຊາດ,ຄຽງບ່າຄຽງໄຫຼກັບ ປະທານ ໄກສອນ ພົມວິຫານ,ປະທານ ສຸພານຸວົງ ແລະ ຜູ້ນໍາຄົນອື່ນໆ ຂອງແນວລາວຮັກຊາດ ໄດ້ຮັບໄຊຊະນະ, ສະຖາປະນາ ສປປ ລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975, ຕໍ່ຈາກນັ້ນ ກໍໄດ້ປະກອບສ່ວນຄົ້ນຄວ້າ ແລະ ກຳນົດທິດທາງຍຸດທະສາດ ປົກປັກຮັກສາ ແລະ ສ້າງສາພັດທະນາປະເທດຊາດ ລວມທັງແນວທາງປ່ຽນແປງໃໝ່ອອກຢ່າງຖືກຕ້ອງ,ສອດຄ່ອງທັງໄດ້ນຳພາ-ຊີ້ນຳ ການຈັດຕັ້ງປະຕິບັດໄດ້ຮັບຜົນສຳເລັດໃນຫຼາຍດ້ານ.ທັງໝົດນັ້ນກໍເພື່ອໃຫ້ຄະນະພັກ,ສະມາຊິກພັກ-ພະນັກງານທະຫານ,ຕຳຫຼວດ, ມະຫາຊົນ ແລະ ຄົນຮຸ່ນຫຼັງຂອງແຂວງ ໄຊສົມບູນໄດ້ນຳເອົານໍ້າໃຈເສຍສະຫຼະ,ຄຸນສົມບັດສິນທຳປະຕິວັດ,ແບບແຜນນຳພາ, ແບບແຜນວິທີເຮັດວຽກ ແລະ ແບບແຜນການດຳລົງຊີວິດຕະຫຼອດຮອດແນວຄິດຊີ້ນໍາຂອງເພິ່ນ ໄປຮໍ່າຮຽນ, ເປັນແວ່ນແຍງ ແລະ ເປັນການຜັນຂະຫຍາຍ ເພື່ອນຳໄປປະຕິບັດເຂົ້າ ໃນໜ້າທີ່ວຽກງານຂອງຕົນຮັບຜິດຊອບມີຜົນສຳເລັດຕາມການມອບໝາຍ.
ຂ່າວ-ຮູບ: ບຸນຕອມ.
ການປາຖະກະຖາຄັ້ງນີ້ເພື່ອລະນຶກເຖິງຄຸນງາມຄວາມດີຂອງ ປະທານ ຄຳໄຕ ສີພັນດອນ ທີ່ມີຕໍ່ປະເທດຊາດ ແນໃສ່ຮຽນຮູ້ ແລະ ນຳເອົາແບບຢ່າງທີ່ດີຂອງເພິ່ນມາໆໝູນໃຊ້ເຂົ້າໃນການຈັດຕັ້ງ,ເຄື່ອນໄຫວ ແລະ ການດຳລົງຊີວິດຂອງພະນັກງານ,ສະມາຊິກພັກ,ປະຊາຊົນ ແລະ ຊັ້ນຄົນຕ່າງໆ ເພື່ອສືບຕໍ່ພັດທະນາປະເທດ ກ້າວຂຶ້ນຕາມອຸດົມການຂອງພັກ ຢ່າງມີໄຊ ແລະ ໄດ້ຍົກໃຫ້ເຫັນເຖິງ ຊີວິດເຍົາໄວ ແລະ ຈຸດເລີ່ມຕົ້ນປະຫວັດ ການເຄື່ອນໄຫວ ຂອງປະທານ ຄຳໄຕ ສີພັນດອນ ໃນແຕ່ລະໄລຍະ ນັບຕັ້ງແຕ່ ປີ 1931 ເຖິງ 2006 ປີ ຈົນເຖິງປັດຈຸບັນ. ປະທານ ຄຳໄຕ ສີພັນດອນ ແມ່ນຜູ້ໜຶ່ງ ໃນບັນດາຜູ້ນຳຮຸ່ນກໍ່ຕັ້ງຂະບວນການ ແລະ ບຸກເບີກເສັ້ນທາງປະຕິວັດ ຢູ່ປະເທດເຮົາຊຶ່ງເວລາໃດກໍໜັກ
ແໜ້ນທາງດ້ານການເມືອງ,ສະຕິຕໍ່ການຈັດຕັ້ງ,ມີຄວາມຮັບຜິດຊອບສູງຕໍ່ໜ້າທີ່ ທີ່ໄດ້ຮັບມອບໝາຍ,ເລີ່ມຈາກພະນັກງານທຳມະດາ ກາຍເປັນຜູ້ຊີ້ນຳ-ບັນຊາ ແລະ ນຳພາຂະບວນການຕໍ່ສູ້ປົດປ່ອຍຊາດ,ຄຽງບ່າຄຽງໄຫຼກັບ ປະທານ ໄກສອນ ພົມວິຫານ,ປະທານ ສຸພານຸວົງ ແລະ ຜູ້ນໍາຄົນອື່ນໆ ຂອງແນວລາວຮັກຊາດ ໄດ້ຮັບໄຊຊະນະ, ສະຖາປະນາ ສປປ ລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975, ຕໍ່ຈາກນັ້ນ ກໍໄດ້ປະກອບສ່ວນຄົ້ນຄວ້າ ແລະ ກຳນົດທິດທາງຍຸດທະສາດ ປົກປັກຮັກສາ ແລະ ສ້າງສາພັດທະນາປະເທດຊາດ ລວມທັງແນວທາງປ່ຽນແປງໃໝ່ອອກຢ່າງຖືກຕ້ອງ,ສອດຄ່ອງທັງໄດ້ນຳພາ-ຊີ້ນຳ ການຈັດຕັ້ງປະຕິບັດໄດ້ຮັບຜົນສຳເລັດໃນຫຼາຍດ້ານ.ທັງໝົດນັ້ນກໍເພື່ອໃຫ້ຄະນະພັກ,ສະມາຊິກພັກ-ພະນັກງານທະຫານ,ຕຳຫຼວດ, ມະຫາຊົນ ແລະ ຄົນຮຸ່ນຫຼັງຂອງແຂວງ ໄຊສົມບູນໄດ້ນຳເອົານໍ້າໃຈເສຍສະຫຼະ,ຄຸນສົມບັດສິນທຳປະຕິວັດ,ແບບແຜນນຳພາ, ແບບແຜນວິທີເຮັດວຽກ ແລະ ແບບແຜນການດຳລົງຊີວິດຕະຫຼອດຮອດແນວຄິດຊີ້ນໍາຂອງເພິ່ນ ໄປຮໍ່າຮຽນ, ເປັນແວ່ນແຍງ ແລະ ເປັນການຜັນຂະຫຍາຍ ເພື່ອນຳໄປປະຕິບັດເຂົ້າ ໃນໜ້າທີ່ວຽກງານຂອງຕົນຮັບຜິດຊອບມີຜົນສຳເລັດຕາມການມອບໝາຍ.
ຂ່າວ-ຮູບ: ບຸນຕອມ.
ຄໍາເຫັນ