ພະແນກໂຍທາທິການ ແລະ ຂົນສົ່ງ ແຂວງໄຊສົມບູນ ເປີດການທົດລອງບໍລິການຂົນສົ່ງໂດຍສານບໍ່ເສຍຄ່າ ພາຍໃນເທສະບານ ແຂວງໄຊສົມບູນ ໃນວັນທີ 14 ພຶດສະພາ 2024 ໂດຍມີທ່ານ ຄຳພຸດ ແກ້ວວົງພອນ ຮອງຫົວໜ້າພະແນກໂຍທາທິການ ແລະ ຂົນສົ່ງ ແຂວງໄຊສົມບູນ ພ້ອມດ້ວຍຜູ້ຕາງໜ້າຈາກກຸ່ມເສດຖະກິດ ແລະ ພະນັກງານພາຍໃນພະແນກ ເຂົ້າຮ່ວມ.
ໂອກາດນີ້, ທ່ານ ຄຳພຸດ ແກ້ວວົງພອນ ໄດ້ໃຫ້ຮູ້ວ່າ: ການເປີດທົດລອງບໍລິການຂົນສົ່ງໂດຍສານບໍ່ເສຍຄ່າ ພາຍໃນເທສະບານ ແຂວງໄຊສົມບູນ ຄັ້ງນີ້, ເພື່ອອຳນວຍຄວາມສະດວກສະບາຍ ໃຫ້ປະຊາຊົນ, ນັກຮຽນນັກສຶກສາ ໃນການໄປ-ມາຫາສູ່ ພ້ອມທັງເປັນການສະດວກໃຫ້ນັກທ່ອງທ່ຽວທີເດີນທາງມາທ່ອງທ່ຽວ ແຂວງ, ຫຼຸດຜ່ອນການນຳໃຊ້ລົດສ່ວນຕົວ, ປະຢັດພະລັງງານເຊື້ອໄຟ ແລະ ແກ້ໄຂການສັນຈອນແອອັດພາຍໃນເຂດທະບານແຂວງ ໃຫ້ມີຄວາມສະດວກ ແລະ ວ່ອງໄວ. ລົດເມດັ່ງກ່າວຈະໄດ້ມີການທົດລອງຂົນສົ່ງສາທາລະນະ ຢູ່ພາຍໃນແຂວງ ແລະ ເມືອງ ບໍລິການໂດຍບໍ່ເສຍຄ່າໃນເຂດເທສະບານແຂວງ, ບ້ານອອມ, ບ້ານອ່າວ, ບ້ານນໍ້າໂມ້ ແລະ ບ້ານນໍ້າຍອນ ໄດ້ກຳນົດເອົາ2 ວັນຄື: ວັນອັງຄານ ແລະ ວັນພະຫັດ.
ລົດທີ່ເອົາມາທົດລອງບໍລິການ ເປັນລົດເມຂະໜາດນ້ອຍ ຈຳນວນ 20 ຄັນ ທີ່ໄດ້ຮັບການຊ່ວຍເຫຼືອ ຈາກບໍລິສັດບູຢອງລາວ ຈຳກັດ ແລະ ກົມຂົນສົ່ງ ກະຊວງໂຍທາທິການ ແລະ ຂົນສົ່ງ, ຊຶ່ງໄດ້ຈັດສັນແບ່ງປັນໃຫ້ ແຂວງໄຊສົມບູນ ກໍຄືພະແນກໂຍທາທິການ ແລະ ຂົນສົ່ງແຂວງ ເປັນຜູ້ນຳໃຊ້ ແລະ ຄຸ້ມຄອງ, ທັງນີ້ກໍເພື່ອໄປນຳໃຊ້ເຂົ້າໃນການພັດທະນາ ລະບົບການຂົນສົ່ງສາທາລະນະຂອງແຂວງ ແລະ ເມືອງ ໃຫ້ມີຄວາມສະດວກສະບາຍແກ່ປະຊາຊົນ ແລະ ນັກຮຽນ-ນັກສຶກສາ ແລະ ອື່ນໆ.
ທ່ານ ຄຳພຸດ ແກ້ວວົງພອນ ຍັງໄດ້ສະເໜີໃຫ້ເຈົ້າແຂວງໄຊສົມບູນ ພິຈາລະນາ ແລະ ໃຫ້ທິດຊີ້ນຳໃນການຈັດສັນ ແລະ ແບ່ງປັນລົດເມ ໃຫ້ບັນດາພະແນກການ ທີ່ມີຄວາມຈຳເປັນ ແລະ ຂາດເຂີນ ພາຫະນະຮັບໃຊ້ ຕາມຄວາມເໝາະສົມ, ຖືກເປົ້າໝາຍທີ່ຈະນຳໃຊ້ຕົວຈິງ ແລະ ເອົາໃຈໃສ່ການຄຸ້ມຄອງນຳໃຊ້ໃຫ້ມີປະສິດທິຜົນ ແລະ ເກີດປະໂຫຍດສູງສຸດ.
(ຂ່າວ-ພາບ: ສີລິພອນ ສົງຄຳ)
ໂອກາດນີ້, ທ່ານ ຄຳພຸດ ແກ້ວວົງພອນ ໄດ້ໃຫ້ຮູ້ວ່າ: ການເປີດທົດລອງບໍລິການຂົນສົ່ງໂດຍສານບໍ່ເສຍຄ່າ ພາຍໃນເທສະບານ ແຂວງໄຊສົມບູນ ຄັ້ງນີ້, ເພື່ອອຳນວຍຄວາມສະດວກສະບາຍ ໃຫ້ປະຊາຊົນ, ນັກຮຽນນັກສຶກສາ ໃນການໄປ-ມາຫາສູ່ ພ້ອມທັງເປັນການສະດວກໃຫ້ນັກທ່ອງທ່ຽວທີເດີນທາງມາທ່ອງທ່ຽວ ແຂວງ, ຫຼຸດຜ່ອນການນຳໃຊ້ລົດສ່ວນຕົວ, ປະຢັດພະລັງງານເຊື້ອໄຟ ແລະ ແກ້ໄຂການສັນຈອນແອອັດພາຍໃນເຂດທະບານແຂວງ ໃຫ້ມີຄວາມສະດວກ ແລະ ວ່ອງໄວ. ລົດເມດັ່ງກ່າວຈະໄດ້ມີການທົດລອງຂົນສົ່ງສາທາລະນະ ຢູ່ພາຍໃນແຂວງ ແລະ ເມືອງ ບໍລິການໂດຍບໍ່ເສຍຄ່າໃນເຂດເທສະບານແຂວງ, ບ້ານອອມ, ບ້ານອ່າວ, ບ້ານນໍ້າໂມ້ ແລະ ບ້ານນໍ້າຍອນ ໄດ້ກຳນົດເອົາ2 ວັນຄື: ວັນອັງຄານ ແລະ ວັນພະຫັດ.
ລົດທີ່ເອົາມາທົດລອງບໍລິການ ເປັນລົດເມຂະໜາດນ້ອຍ ຈຳນວນ 20 ຄັນ ທີ່ໄດ້ຮັບການຊ່ວຍເຫຼືອ ຈາກບໍລິສັດບູຢອງລາວ ຈຳກັດ ແລະ ກົມຂົນສົ່ງ ກະຊວງໂຍທາທິການ ແລະ ຂົນສົ່ງ, ຊຶ່ງໄດ້ຈັດສັນແບ່ງປັນໃຫ້ ແຂວງໄຊສົມບູນ ກໍຄືພະແນກໂຍທາທິການ ແລະ ຂົນສົ່ງແຂວງ ເປັນຜູ້ນຳໃຊ້ ແລະ ຄຸ້ມຄອງ, ທັງນີ້ກໍເພື່ອໄປນຳໃຊ້ເຂົ້າໃນການພັດທະນາ ລະບົບການຂົນສົ່ງສາທາລະນະຂອງແຂວງ ແລະ ເມືອງ ໃຫ້ມີຄວາມສະດວກສະບາຍແກ່ປະຊາຊົນ ແລະ ນັກຮຽນ-ນັກສຶກສາ ແລະ ອື່ນໆ.
ທ່ານ ຄຳພຸດ ແກ້ວວົງພອນ ຍັງໄດ້ສະເໜີໃຫ້ເຈົ້າແຂວງໄຊສົມບູນ ພິຈາລະນາ ແລະ ໃຫ້ທິດຊີ້ນຳໃນການຈັດສັນ ແລະ ແບ່ງປັນລົດເມ ໃຫ້ບັນດາພະແນກການ ທີ່ມີຄວາມຈຳເປັນ ແລະ ຂາດເຂີນ ພາຫະນະຮັບໃຊ້ ຕາມຄວາມເໝາະສົມ, ຖືກເປົ້າໝາຍທີ່ຈະນຳໃຊ້ຕົວຈິງ ແລະ ເອົາໃຈໃສ່ການຄຸ້ມຄອງນຳໃຊ້ໃຫ້ມີປະສິດທິຜົນ ແລະ ເກີດປະໂຫຍດສູງສຸດ.
(ຂ່າວ-ພາບ: ສີລິພອນ ສົງຄຳ)
ຄໍາເຫັນ