ຮອງເລຂາພັກແຂວງ ຜູ້ຊີ້ນໍາວຽກງານພັກ-ພະນັກງານ, ມີບັນດາພະແນກການ, ອົງການ, ກົມກອງ ອ້ອມຂ້າງແຂວງ ພ້ອມດ້ວຍຄູ-ອາຈານ ຕະຫຼອດຮອດນັກສຶກສາ ຈາກແຕ່ລະພະແນກການ ແລະ 5 ເມືອງ ເຂົ້າຮ່ວມ.
ທ່ານ ພັດທະນາ ສີສົມພອນ ຮອງຫົວໜ້າໂຮງຮຽນການເມືອງ ແລະ ການປົກຄອງແຂວງ ໄດ້ມີຄໍາເຫັນວ່າ: ການບໍາລຸງທິດສະດີການເມືອງຂັ້ນຕົ້ນໃນຄັ້ງນີ້ ແມ່ນເປັນການຍົກລະດັບຄວາມຮູ້ຄວາມສາມາດທາງດ້ານທິດສະດີມາກ-ເລນິນ, ແນວຄິດໄກສອນ ພົມວິຫານ, ແນວທາງນະໂຍບາຍຂອງພັກ, ວຽກງານຄຸ້ມຄອງລັດ, ຄຸ້ມຄອງສັງຄົມ ໃຫ້ແກ່ພະນັກງານນໍາພາ-ຄຸ້ມຄອງ ຂອງແຂວງ ແລະ ເມືອງ ທີ່ຈະເປັນຮຸ່ນສືບທອດປ່ຽນແທນ ໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ມີວຸດທິພາວະຄວາມເປັນຜູ້ນໍາ, ມີຄວາມຮູ້ຄວາມສາມາດ ໃນການນຳພາຈັດຕັ້ງປະຕິບັດພາລະກິດຂອງພັກ ແຕ່ລະໄລຍະ ໃຫ້ປະກົດຜົນເປັນຈິງ.
ຫຼັກສູດທິດສະດີການເມືອງ ຂັ້ນຕົ້ນ ແມ່ນປະກອບມີ 10 ວິຊາຄື: ວິຊາປັດຊະຍາມາກ-ເລນິນ, ເສດຖະສາດການເມືອງມາກ-ເລນິນ, ລັດທິສັງຄົມນິຍົມວິທະຍາສາດ, ການເມືອງວິທະຍາ, ສັງຄົມສາດ, ແນວຄິດໄກສອນ ພົມວິຫານ, ການຄຸ້ມຄອງບໍລິຫານລັດ, ທິດສະດີລັດ ແລະ ກົດໝາຍ, ວິຊາເຕັກນິກບໍລິຫານ, ວິຊາປະຫວັດສາດພັກ ແລະ ກໍ່ສ້າງພັກ. ນອກນີ້ ຍັງມີບົດລາຍງານເພີ່ມອີກ 5 ຫົວຂໍ້ ໂດຍຈະໃຊ້ເວລາໃນການຄົ້ນຄວ້າຮໍ່າຮຽນ ທັງໝົດ 3 ເດືອນ.
(ພາບ-ຂ່າວ: ນາງ ພາພອນ ນະວົງໄຊ)
ຄໍາເຫັນ