ພິທີປິດຊຸດຝຶກອົບຮົມສ້າງຄວາມເຂັ້ມແຂງໃຫ້ພະນັກງານນຳພາ-ຄຸ້ມຄອງ ຂະແໜງຈັດຕັ້ງ, ກໍ່ສ້າງພະນັກງານ ຢູ່ແຂວງໄຊສົມບູນ ໄດ້ຈັດຂຶ້ນໃນວັນທີ 7 ພະຈິກນີ້ ທີ່ຫ້ອງປະຊຸມຫ້ອງວ່າການແຂວງ ໂດຍການເຂົ້າຮ່ວມ ຂອງສະຫາຍ ທອງຈັນ ໂຂງພູມຄຳຮອງຄະນະຈັດຕັ້ງສູນກາງພັກ ແລະ ສະຫາຍ ພອຍຄຳ ຮຸ່ງບຸນຍວງ ເລຂາພັກແຂວງ ເຈົ້າແຂວງໄຊສົມບູນ, ມີຄະນະປະຈໍາພັກແຂວງ, ກໍາມະການພັກແຂວງ ພ້ອມດ້ວຍການນຳຈາກ 5 ເມືອງ ຕະຫຼອດຮອດ ຄະນະຈັດຕັ້ງແຂວງ ແລະ ເມືອງເຂົ້າຮ່ວມ.
ຊຸດຝຶກອົບຮົມ ດັ່ງກ່າວໄດ້ດຳເນີນມາເປັນເວລາ15 ວັນ ຊຶ່ງໃນຊຸດຝຶກອົບຮົມບັນດາສຳມະນາກອນ ແມ່ນໄດ້ຮັບຟັງການແລກປ່ຽນ, ສົ່ງຄວາມຮູ້ຈາກວິທະຍາກອນທີ່ມາຈາກຄະນະຈັດຕັ້ງສູນກາງພັກ ຊຶ່ງມັນໄດ້ເປັນການຍົກລະດັບຄວາມຮັບຮູ້ ແລະ ຄວາມເຂົ້າໃຈຂອງຜູ້ເຂົ້າຮ່ວມ ກ່ຽວກັບພື້ນຖານທິດສະດີ, ນິຕິກຳ, ລະບຽບການ, ຫຼັກການ ກ່ຽວກັບວຽກງານພັກ-ພະນັກງານ ແລະ ກົງຈັກການຈັດຕັ້ງຂຶ້ນຕື່ມກ້າວໜຶ່ງ ພ້ອມນີ້ຍັງເປັນການປະກອບສ່ວນອັນສຳຄັນເຂົ້າໃນການຍົກສູງຄຸນນະພາບວຽກງານຈັດຕັ້ງ, ກໍ່ສ້າງພັກ-ພະນັກງານ ໃຫ້ຜູ້ທີ່ຮັບຜິດຊອບຕົວຈິງກາຍເປັນມືອາຊີບພ້ອມນີ້ຍັງເປັນການປັບປຸງທັດສະນະຫຼັກໝັ້ນການເມືອງ, ປັບປຸງແບບແຜນວິທີເຮັດວຽກ, ຍົກສູງຄວາມຮູ້-ຄວາມສາມາດ ທັງເປີດໂອກາດໄດ້ຄົ້ນຄວ້າແລກປ່ຽນບົດຮຽນຈາກການຈັດຕັ້ງປະຕິບັດໃນພຶດຕິກຳຕົວຈິງຢູ່ໃນຂະແໜງການ ແລະ ທ້ອງຖິ່ນ ພ້ອມທັງສ້າງໄດ້ເຄືອຂ່າຍປະສານງານລະຫວ່າງສູນກາງ ແລະ ທ້ອງຖິ່ນ ເພື່ອແລກປ່ຽນທາງດ້ານວິຊາການກ່ຽວກັບວຽກງານຈັດຕັ້ງໃຫ້ດີຂຶ້ນກວ່າເກົ່າ. ໂອກາດດຽວກັນນີ້ກໍໄດ້ມີພິທີມອບໃບຢັ້ງຢືນ ໂດຍແມ່ນສະຫາຍ ທອງຈັນ ໂຂງພູມຄຳ ເປັນຜູ້ມອບ ໃຫ້ແກ່ສຳມະນາກອນທີ່ເຂົ້າຮ່ວມ.
ໃນໂອກາດມີຄຳເຫັນກ່າວປິດຊຸດຝຶກອົບຮົມ ສະຫາຍ ທອງຈັນ ໂຂງພູມຄຳ ໄດ້ເນັ້ນໜັກໃຫ້ຜູ້ເຂົ້າຮ່ວມໃຫ້ສືບຕໍ່ຄົ້ນຄວ້າ, ກຳແໜ້ນທົບທວນບົດຮຽນໃນຄັ້ງນີ້ໃຫ້ເລິກເຊິ່ງ ເພື່ອນຳເອົາໄປໝູນໃຊ້ໃນວຽກງານຕົວຈິງພາຍໃນກົມກອງ ພ້ອມທັງໃຫ້ເອົາໃຈໃສ່ຈັດຕັ້ງປະຕິບັດກົດໝາຍຂອງພັກ, ຮັບປະກັນຕາມທິດນຳຫຼັກການກໍ່ສ້າງພັກ ຄຽງຄູ່ກັນນີ້ ວຽກງານພະນັກງານ ກໍຕ້ອງເອົາໃຈໃສ່ເປັນເຈົ້າການໃນການບຳລຸງຍົກລະດັບພະນັກງານ, ດຳເນີນມາດຕະການຕໍ່ບຸກຄະລາກອນ ທີ່ລະເມີດກົດລະບຽບພັກ, ກົດໝາຍ ແລະ ລະບຽບການຂອງລັດ ທັງຮັບປະກັນຄວາມຍຸຕິທໍາ. ພ້ອມນີ້ສະຫາຍຍັງໄດ້ຮຽກຮ້ອງມາຍັງຄະນະພັກ-ຄະນະນຳຂອງແຂວງໃຫ້ສືບຕໍ່ຊີ້ນໍາ ແລະ ເອົາບົດຮຽນໃນຄັ້ງນີ້ໄປຜັນຂະຫຍາຍ ທັງລວງເລິກ ແລະ ລວງກວ້າງ ພ້ອມທັງຝຶກອົບຮົມໃຫ້ແກ່ພະນັກງານທີ່ເຮັດວຽກງານຈັດຕັ້ງຢູ່ບັນດາພະແນກການຂອງແຂວງ, ຫ້ອງການຂອງເມືອງ ແລະ ວິຊາການທີ່ເຮັດວຽກງານຈັດຕັ້ງທີ່ຢູ່ໃນຄວາມຮັບຜິດຊອບຂອງຕົນໃຫ້ສາມາດກຳໄດ້ບົດຮຽນດັ່ງກ່າວ ແລະ ເອົາໄປນຳໃຊ້ໃນໜ້າວຽກໃຫ້ເກີດປະໂຫຍດສູງສຸດ.
ຂ່າວ-ພາບ: ວຽງໃຈ ຄຳມະນີວົງ
ຊຸດຝຶກອົບຮົມ ດັ່ງກ່າວໄດ້ດຳເນີນມາເປັນເວລາ15 ວັນ ຊຶ່ງໃນຊຸດຝຶກອົບຮົມບັນດາສຳມະນາກອນ ແມ່ນໄດ້ຮັບຟັງການແລກປ່ຽນ, ສົ່ງຄວາມຮູ້ຈາກວິທະຍາກອນທີ່ມາຈາກຄະນະຈັດຕັ້ງສູນກາງພັກ ຊຶ່ງມັນໄດ້ເປັນການຍົກລະດັບຄວາມຮັບຮູ້ ແລະ ຄວາມເຂົ້າໃຈຂອງຜູ້ເຂົ້າຮ່ວມ ກ່ຽວກັບພື້ນຖານທິດສະດີ, ນິຕິກຳ, ລະບຽບການ, ຫຼັກການ ກ່ຽວກັບວຽກງານພັກ-ພະນັກງານ ແລະ ກົງຈັກການຈັດຕັ້ງຂຶ້ນຕື່ມກ້າວໜຶ່ງ ພ້ອມນີ້ຍັງເປັນການປະກອບສ່ວນອັນສຳຄັນເຂົ້າໃນການຍົກສູງຄຸນນະພາບວຽກງານຈັດຕັ້ງ, ກໍ່ສ້າງພັກ-ພະນັກງານ ໃຫ້ຜູ້ທີ່ຮັບຜິດຊອບຕົວຈິງກາຍເປັນມືອາຊີບພ້ອມນີ້ຍັງເປັນການປັບປຸງທັດສະນະຫຼັກໝັ້ນການເມືອງ, ປັບປຸງແບບແຜນວິທີເຮັດວຽກ, ຍົກສູງຄວາມຮູ້-ຄວາມສາມາດ ທັງເປີດໂອກາດໄດ້ຄົ້ນຄວ້າແລກປ່ຽນບົດຮຽນຈາກການຈັດຕັ້ງປະຕິບັດໃນພຶດຕິກຳຕົວຈິງຢູ່ໃນຂະແໜງການ ແລະ ທ້ອງຖິ່ນ ພ້ອມທັງສ້າງໄດ້ເຄືອຂ່າຍປະສານງານລະຫວ່າງສູນກາງ ແລະ ທ້ອງຖິ່ນ ເພື່ອແລກປ່ຽນທາງດ້ານວິຊາການກ່ຽວກັບວຽກງານຈັດຕັ້ງໃຫ້ດີຂຶ້ນກວ່າເກົ່າ. ໂອກາດດຽວກັນນີ້ກໍໄດ້ມີພິທີມອບໃບຢັ້ງຢືນ ໂດຍແມ່ນສະຫາຍ ທອງຈັນ ໂຂງພູມຄຳ ເປັນຜູ້ມອບ ໃຫ້ແກ່ສຳມະນາກອນທີ່ເຂົ້າຮ່ວມ.
ໃນໂອກາດມີຄຳເຫັນກ່າວປິດຊຸດຝຶກອົບຮົມ ສະຫາຍ ທອງຈັນ ໂຂງພູມຄຳ ໄດ້ເນັ້ນໜັກໃຫ້ຜູ້ເຂົ້າຮ່ວມໃຫ້ສືບຕໍ່ຄົ້ນຄວ້າ, ກຳແໜ້ນທົບທວນບົດຮຽນໃນຄັ້ງນີ້ໃຫ້ເລິກເຊິ່ງ ເພື່ອນຳເອົາໄປໝູນໃຊ້ໃນວຽກງານຕົວຈິງພາຍໃນກົມກອງ ພ້ອມທັງໃຫ້ເອົາໃຈໃສ່ຈັດຕັ້ງປະຕິບັດກົດໝາຍຂອງພັກ, ຮັບປະກັນຕາມທິດນຳຫຼັກການກໍ່ສ້າງພັກ ຄຽງຄູ່ກັນນີ້ ວຽກງານພະນັກງານ ກໍຕ້ອງເອົາໃຈໃສ່ເປັນເຈົ້າການໃນການບຳລຸງຍົກລະດັບພະນັກງານ, ດຳເນີນມາດຕະການຕໍ່ບຸກຄະລາກອນ ທີ່ລະເມີດກົດລະບຽບພັກ, ກົດໝາຍ ແລະ ລະບຽບການຂອງລັດ ທັງຮັບປະກັນຄວາມຍຸຕິທໍາ. ພ້ອມນີ້ສະຫາຍຍັງໄດ້ຮຽກຮ້ອງມາຍັງຄະນະພັກ-ຄະນະນຳຂອງແຂວງໃຫ້ສືບຕໍ່ຊີ້ນໍາ ແລະ ເອົາບົດຮຽນໃນຄັ້ງນີ້ໄປຜັນຂະຫຍາຍ ທັງລວງເລິກ ແລະ ລວງກວ້າງ ພ້ອມທັງຝຶກອົບຮົມໃຫ້ແກ່ພະນັກງານທີ່ເຮັດວຽກງານຈັດຕັ້ງຢູ່ບັນດາພະແນກການຂອງແຂວງ, ຫ້ອງການຂອງເມືອງ ແລະ ວິຊາການທີ່ເຮັດວຽກງານຈັດຕັ້ງທີ່ຢູ່ໃນຄວາມຮັບຜິດຊອບຂອງຕົນໃຫ້ສາມາດກຳໄດ້ບົດຮຽນດັ່ງກ່າວ ແລະ ເອົາໄປນຳໃຊ້ໃນໜ້າວຽກໃຫ້ເກີດປະໂຫຍດສູງສຸດ.
ຂ່າວ-ພາບ: ວຽງໃຈ ຄຳມະນີວົງ
ຄໍາເຫັນ