 |
ພິທີມອບ-ຮັບ ໄດ້ມີຂຶ້ນໃນວັນທີ 15 ຜ່ານມາ ທີ່ ບ້ານດອນປາແດກ ກ່າວມອບໂດຍທ່ານ ນາງ ດວງຕາ ມາດມະນີສອນ ປະທານບໍລິສັດ, ກ່າວຮັບໂດຍອຳນາດການປົກຄອງ ແລະ ປະຊາຊົນ ກໍຄືຊາວກະສິກອນ ບ້ານດອນປາແດກ ໂດຍການເຂົ້າຮ່ວມເປັນສັກຂີພະຍານຂອງ ທ່ານ ສົມສະອາດ ອຸ່ນສີດາ ປະທານຄະນະກຳມະການປົກຄອງແຂວງຄໍາມ່ວນ, ມີພະແນກການຂັ້ນແຂວງ, ອຳນາດການປົກຄອງເມືອງໜອງບົກເຂົ້າຮ່ວມ.
ໂອກາດເຂົ້າຮ່ວມພິທີມອບ-ຮັບ ຄັ້ງນີ້, ທ່ານປະທານຄະນະກຳມະການປົກຄອງແຂວງ ຍັງໄດ້ຕິດຕາມ ໂຄງການກໍ່ສ້າງທ່າທຽບເຮືອ ເຂດບ້ານດອນປາແດກ (ເຊິ່ງເປັນບ້ານທີ່ຕັ້ງຢູ່ກາງດອນຂອງແມ່ນໍ້າຂອງ) ໂດຍການຮັບເໝົາກໍ່ສ້າງຂອງກຸ່ມບໍລິສັດ ດີເອັມ ຈໍາກັດ, ມີຄວາມຍາວ 120 ແມັດ, ເຊິ່ງມີໄລຍະເວລາໃນການກໍ່ສ້າງ 1 ປີ ໂດຍໄດ້ເລີ່ມລົງມືຈັດຕັ້ງປະຕິບັດ ໃນວັນທີ 1 ເມສາ 2026 ແລະ ຈະໃຫ້ສໍາເລັດ ໃນວັນທີ 1 ເມສາ 2027. ໂຄງການດັ່ງກ່າວ ຈະຊ່ວຍອຳນວຍຄວາມສະດວກໃຫ້ປະຊາຊົນ ຈໍານວນ 49 ຄອບຄົວ ໃນການລໍາລຽງ ຂົນສົ່ງສິນຄ້າກະສິກຳ ທີ່ຜະລິດຢູ່ໃນເຂດບ້ານດອນປາແດກ ອອກຈໍາໜ່າຍສູ່ທ້ອງຕະຫຼາດ ລວມເຖິງການອໍານວຍຄວາມສະດວກໃນການສັນຈອນໄປ-ມາ ຂອງປະຊາຊົນທັງຢູ່ໃນທ້ອງຖິ່ນ ແລະ ບັນດາເຂດອ້ອມຂ້າງ ພ້ອມທັງຍັງຮອງຮັບທາງດ້ານພາຫະນະ, ກົນຈັກ ແລະ ວັດຖຸສິ່ງຂອງຕ່າງໆ ທີ່ຈະນໍາເຂົ້າໄປພັດທະນາຢູ່ເຂດດັ່ງກ່າວໃນອະນາຄົດ.
ຂ່າວ : ກອງຄໍາ
ຄໍາເຫັນ