ຊາວໜຸ່ມ ກັບບົດບາດສ້າງອະນາຄົດພາກພື້ນໃຫ້ເປັນຮູບປະທຳ

11:51 24/04/2024

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 22 ເມສາ ຜ່ານມາສະຖາບັນການຕ່າງປະເທດກະຊວງການຕ່າງປະເທດ ຫວຽດນາມ ໄດ້ຈັດການພົບປະສົນທະນາ ລະຫວ່າງ ເລຂາທິການໃຫຍ່ ອາຊຽນ ກັບ ຊາວໜຸ່ມບັນດາປະເທດອາຊຽນ. ນີ້ແມ່ນການເຄື່ອນໄຫວເປີດສາກ, ນອນໃນຂອບເຂດ “ກອງປະຊຸມປຶກສາຫາລືອະນາຄົດອາຊຽນ2024” (AFF 2024), ໂດຍ ຫວຽດນາມ ຈັດຂຶ້ນໃນວັນທີ 23 ເມສາ ນີ້ຢູ່ ຮ່າໂນ້ຍ.
ຂ່າວລະບຸວ່າ: ດ້ວຍຫົວຂໍ້ “ຊາວໜຸ່ມອາຊຽນ - ອະນາຄົດອາຊຽນ: ບົດບາດຂອງຊາວໜຸ່ມໃນການສ້າງອະນາຄົດອາຊຽນໃຫ້ເປັນຮູບປະທຳ”, ເວທີປາໄສດຳເນີນຕາມຮູບແບບທາງໄກ ແລະ ແບບເຊິ່ງໜ້າ. ເຂົ້າຮ່ວມການພົບປະສົນທະນາ, ນອກຈາກທ່ານ ກາວ ກິນ ຮຸນ ເລຂາທິການໃຫຍ່ ອາຊຽນ ແລ້ວຍັງມີເອກອັກຄະລັດຖະທູດບັນດາປະເທດ ອາຊຽນ ປະຈຳ ຮ່າໂນ້ຍ, ຜູ້ຊ່ວຍວຽກເລຂາທິການໃຫຍ່ ສປຊ ກ່ຽວກັບຊາວໜຸ່ມ (Felipe Paullier), ທ່ານ ຫງວຽນເຕື່ອງເລີມ ເລຂາສູນກາງຄະນະຊາວໜຸ່ມກອມມູນິດ ໂຮ່ຈິມິນ, ບັນດາຊາວໜຸ່ມແບບຢ່າງດີເດັ່ນປີ 2021 ແລະ ຜູ້ຕາງໜ້າຊາວໜຸ່ມ ອາຊຽນ.
ໃນເວທີປາໄສ, ທ່ານ ຫງວຽນເຕື່ອງເລີມ ຢັ້ງຢືນວ່າ: ນີ້ແມ່ນໂອກາດໃຫຍ່ສຳລັບຊາວໜຸ່ມອາຊຽນ ເພື່ອແບ່ງປັນບັນດາຄວາມເອົາໃຈໃສ່, ທັດສະນະ ແລະ ຄຳເຫັນຂອງຕົນເຂົ້າໃນການພັດທະນາບັນດາຍຸດທະສາດ ແລະ ນະໂຍບາຍມຸ່ງໄປສູ່ການເຕີບໂຕ ແລະ ພັດທະນາໃນອະນາຄົດ ຂອງອາຊຽນ. ຊາວໜຸ່ມ ອາຊຽນ ແມ່ນບັນດາການນຳ, ບັນດາຜູ້ສ້າງອະນາຄົດ ອາຊຽນ ສັນຕິພາບ, ສະຖຽນລະພາບ, ຍືນຍົງ ແລະ ວັດທະນາຖາວອນ. ສຽງເວົ້າແຫ່ງຄວາມຄາດຫວັງ ແລະ ແນວຄວາມຄິດຂອງຊາວໜຸ່ມຕ້ອງໄດ້ຮັບຟັງ ແລະ ໄດ້ຮັບຮູ້, ນຳໃຊ້ເຂົ້າໃນບັນດາຂັ້ນຕອນອອກຄຳຕັດສິນຂອງບັນດາການນຳ ອາຊຽນ.

ຄໍາເຫັນ

ຂ່າວຕ່າງປະເທດ

ໜຶ່ງໃນສາມຄົວເຮືອນ ຂອງອົສຕຣາລີປະເຊີນກັບຄວາມບໍ່ໝັ້ນຄົງດ້ານອາຫານ

27/10/2026 13:45

ສຳນັກຂ່າວສານຊິນຮວາ ລາຍງານໃນວັນທີ 26 ຕຸລາ ຜ່ານມາວ່າ: ບົດລາຍງານໃໝ່ຈາກ Foodbank Australia ຊຶ່ງເປັນອົງການທີ່ບໍ່ຂຶ້ນກັບລັດຖະບານຂອງອົສຕຣາລີ ເປີດເຜີຍວ່າ, ປະມານໜຶ່ງສ່ວນສາມ ຫຼື 33% ຂອງຄົວເຮືອນອົສຕຣາລີປະສົບກັບຄວາມບໍ່ໝັ້ນຄົງດ້ານອາຫານໃນ 12 ເດືອນຜ່ານມາ ຊຶ່ງເພີ່ມຂຶ້ນຈາກ 32.5% ໃນປີ 2024 ແລະ 32.8% ໃນປີ 2025. ໂດຍຄອບຄົວທີ່ມີລູກແມ່ນກຸ່ມທີ່ໄດ້ຮັບຜົນກະທົບຮ້າຍແຮງທີ່ສຸດ.

ຈີນ ສ້າງເມືອງ ແລະ ແຂວງແຮກສ່ຽວ 3,196 ຄູ່ກັບ 153 ປະເທດ

27/10/2026 13:32

ວິທະຍຸ, ໂທລະພາບສູນກາງຈີນ (CMG) ລາຍງານຫວ່າງມໍ່ໆມານີ້ວ່າ: ສະມາຄົມມິດຕະພາບກັບຕ່າງປະເທດຂອງປະຊາຊົນຈີນໄດ້ລາຍງານໃຫ້ຮູ້ວ່າ, ຈີນໄດ້ສ້າງເມືອງ ແລະ ແຂວງແຮກສ່ຽວ 3,196 ຄູ່ກັບ 153 ປະເທດໃນໂລກ.

ສິງກະໂປ - ຊາອຸດິດ ອາຣັບບີ ຮ່ວມມືກັນສ້າງຕັ້ງສະຖານທີ່ເກັບມ້ຽນນ້ຳມັນດິບໃນສິງກະໂປ

27/10/2026 12:38

ສຳນັກຂ່າວສານຊິນຮວາລາຍງານໃນວັນທີ 26 ຕຸລາ ຜ່ານມາວ່າ: ກະຊວງພະລັງງານ, ການຄ້າ ແລະ ອຸດສາຫະກຳສິງກະໂປ ກັບ ກະຊວງພະລັງງານຂອງ ຊາອຸດິດ ອາຣັບບີ ໄດ້ປະກາດແຜນການຮ່ວມກັນເພື່ອສ້າງຕັ້ງສະຖານທີ່ເກັບຮັກສານ້ຳມັນດິບຂອງຊາອຸດິດ ອາຣັບບີ ໃນຖ້ຳໃຕ້ດິນ Jurong ຂອງສິງກະໂປ ໃນລະຫວ່າງເດືອນກໍລະກົດ ຫາ ເດືອນທັນວາ 2027. ຫຼັງຈາກມີການລົງນາມໃນບົດບັນທຶກຄວາມເຂົ້າໃຈລະຫວ່າງ ບໍລິສັດ Saudi Aramco ບໍລິສັດນ້ຳມັນແຫ່ງຊາດຊາອຸດິດ ອາຣັບບີ, ອົງການກຳກັບດູແລຕະຫຼາດພະລັງງານຂອງສິງກະໂປ ແລະ ບໍລິສັດ JTC. ການເຈລະຈາລະອຽດຄາດວ່າຈະສຳເລັດໃນເດືອນຂ້າງໜ້າ.

ບັງກລາເທດ ກວດພົບຄົນເຈັບໄຂ້ເລືອດອອກ ຫຼາຍກວ່າ 2,000 ຄົນ ໃນມື້ດຽວ

27/10/2026 12:37

ສຳນັກຂ່າວສານຊິນຮວາລາຍງານໃນວັນທີ 26 ຕຸລາ ຜ່ານມາວ່າ: ສຳນັກງານບໍລິການສາທາລະນະສຸກຂອງບັງ ກລາເທດ ໄດ້ລາຍງານການກວດພົບຄົນເຈັບໄຂ້ເລືອດ ຈຳນວນ 2,249 ຄົນ ໃນ 24 ຊົ່ວໂມງ ກ່ອນເວລາ 8:00 ໂມງເຊົ້າຂອງວັນທີ 25 ຕຸລາ ຜ່ານມາ (ຕາມເວລາທ້ອງຖິ່ນ) ຊຶ່ງເປັນໂຕເລກປະຈໍາວັນສູງສຸດນັບຕັ້ງແຕ່ຕົ້ນປີ 2026 ແລະ ມີຜູ້ເສຍຊີວິດ 7 ຄົນໃນໄລຍະ 24 ຊົ່ວໂມງດຽວກັນ.

ທ່ານ ລູລາ ໄດ້ຮັບການເລືອກຕັ້ງເປັນປະທານາທິບໍດີບຣາຊິນ ອີກສະໄໝໜຶ່ງ

27/10/2026 12:32

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 26 ຕຸລາ ຜ່ານມາວ່າ: ອີງຕາມຜົນການນັບບັດທີ່ປະກາດໂດຍສານເລືອກຕັ້ງຂັ້ນສູງບຣາຊິນໃນວັນທີ 25 ຕຸລາ ຜ່ານມາ ສະແດງໃຫ້ເຫັນວ່າ: ໃນການປ່ອນບັດເລືອກຕັ້ງປະທານາທິບໍດີບຣາຊິນຮອບທີ 2 ທີ່ຈັດຂຶ້ນໃນວັນດັ່ງກ່າວ, ທ່ານ ລູອິສ ອິນາຊິໂອ ລູລາ ດາ ຊິວວາ ຜູ້ສະໝັກຮັບເລືອກຕັ້ງຂອງພັກແຮງງານ ແລະ ປະທານາທິບໍດີຄົນປັດຈຸບັນ ໄດ້ຮັບການເລືອກຕັ້ງເປັນປະທານາທິບໍດີບຣາຊິນອີກສະ ໄໝໜຶ່ງ.

ຫວຽດນາມ - ໂປໂລຍ ສ້າງການພົວພັນຄູ່ຮ່ວມມືຍຸດທະສາດ

27/10/2026 12:31

ວິທະຍຸກະຈາຍສຽງຫວຽດນາມລາຍງານໃນວັນທີ 26 ຕຸລາ ຜ່ານມາວ່າ: ໂດຍໄດ້ຮັບຄຳເຊີນຈາກທ່ານ ເລມິງຮຶງ ນາຍົກລັດຖະມົນຕີ ຫວຽດນາມ, ທ່ານ ໂດນັລ ຕຸກ ນາຍົກລັດຖະມົນຕີ ໂປໂລຍ ໄດ້ໄປຢ້ຽມຢາມ ຫວຽດນາມ ຢ່າງເປັນທາງການແຕ່ວັນທີ 24 – 26 ຕຸລາ ນີ້. ພິທີຕ້ອນຮັບໄດ້ຈັດຂຶ້ນຢ່າງສົມກຽດ ພາຍໃຕ້ການເປັນປະທານຂອງທ່ານ ເລມິງຮຶງ ນາຍົກລັດຖະມົນຕີຫວຽດນາມ ໃນວັນທີ 26 ຕຸລາ ຜ່ານມາ ຢູ່ສຳນັກງານລັດຖະບານ ນະຄອນຫຼວງຮ່າໂນ້ຍ.

ບົດຮຽນການແກ້ໄຂຄວາມທຸກຍາກຂອງປະຊາຊົນຢູ່ບ້ານ18 ຖ້ຳ ເມືອງຮວາຢວນ ແຂວງຫູໜານ ສປ ຈີນ

27/10/2026 12:28

ນັບແຕ່ກອງປະຊຸມ ຄັ້ງທີ 18 ຂອງພັກກອມມູນິດຈີນ ເປັນຕົ້ນມາ, ສູນກາງພັກທີ່ຖືເອົາສະ ຫາຍ ສີຈິ້ນຜິງ ເປັນແກນນຳຂອງພັກ ໄດ້ນຳພາປະຊາຊົນຈີນ ຍາດໄດ້ຜົນສຳເລັດ ແລະ ໄດ້ເກີດມີການປ່ຽນແປງຄັ້ງໃຫຍ່ທີ່ມີລັກສະນະປະຫວັດສາດ, ທີ່ໄດ້ຈາລຶກໄວ້ໃນປຶ້ມປະຫວັດສາດ ການແກ້ໄຂຄວາມທຸກຍາກ ຕາມທິດຊີ້ນຳທີ່ຖືກເປົ້າໝາຍ ຂອງປະທານ ສີ ຈິ້ນຜິງ ໂດຍຖືເອົາປະຊາຊົນເປັນແກນກາງ ດ້ວຍການສົ່ງເສີມໃຫ້ເຂດທີ່ທຸກຍາກຫຼຸດພົ້ນອອກຈາກຄວາມຍາກຈົນ ແລະ ເລັ່ງລັດພັດທະ ນາ, ປັບປຸງຊີວິດການເປັນຢູ່ຂອງປະຊາຊົນໃຫ້ມີຄວາມຈະ ເລີນຮຸ່ງເຮືອງ. ນັ້ນແມ່ນຄວາມຕ້ອງການທີ່ຈຳເປັນພື້ນຖານຂອງສັງຄົມນິຍົມ.

ອົສຕຣາລີ ຈະຫ້າມຄົນດັງ ແລະ ນັກກິລາທີ່ມີຊື່ສຽງໂຄສະນາການພະນັນ

26/10/2026 11:17

ສຳນັກຂ່າວສານຊິນຮວາລາຍງານຫວ່າງບໍ່ດົນມານີ້ວ່າ: ໜ່ວຍງານຄຸ້ມຄອງການສື່ສານ ແລະ ສື່ມວນຊົນຂອງອົສຕຣາລີ ໄດ້ອອກຄຳແນະນຳເບື້ອງຕົ້ນກ່ຽວກັບກົດລະບຽບໃໝ່ທີ່ມີຈຸດປະສົງຫ້າມບຸກຄົນທີ່ມີຊື່ສຽງ ຊຶ່ງລວມທັງນັກກິລາມືອາຊີບໃນປັດຈຸບັນ ແລະ ອະດີດ, ຄົນດັງ, ຜູ້ມີອິດທິພົນໃນສື່ສັງຄົມອອນລາຍ ແລະ ບຸກຄົນອື່ນໆທີ່ໄດ້ຮັບການຍອມຮັບຢ່າງກວ້າງຂວາງ ປະກົດຕົວໃນການໂຄສະນາການພະນັນ. ໂດຍກົດລະບຽບເຫຼົ່ານີ້ຈະມີຜົນບັງຄັບໃຊ້ໃນວັນທີ 1 ມັງກອນ 2027.

ກອງທຶນດິນຟ້າອາກາດ ສປຊ ສະຫງວນງົບປະມານຊ່ວຍເຫຼືອເນປານ

26/10/2026 11:16

ວິທະຍຸກະຈາຍສຽງຫວຽດນາມລາຍງານ ຫວ່າງມໍ່ໆມານີ້ວ່າ: ກອງທຶນຮັບມືກັບຜົນເສຍຫາຍທີ່ເກີດຈາກດິນຟ້າອາກາດຂອງ ສປຊ ເຫັນດີເປັນເອກະພາບສະຫງວນເງິນຈຳນວນ 20 ລ້ານໂດລາ ໃຫ້ແກ່ເນປານ ຕາມການສະເໜີຂອງບັນດາປະເທດອາຊີໃຕ້ ພາຍຫຼັງເກີດເຫດນ້ຳຊຸຖ້ວມທີ່ຮ້າຍແຮງ. ນີ້ເປັນຄັ້ງທຳອິດທີ່ກອງທຶນໄດ້ສະຫງວນງົບປະມານຊ່ວຍເຫຼືອໃຫ້ປະເທດໜຶ່ງນັບແຕ່ສ້າງຕັ້ງຂຶ້ນ, ສ້າງຂີດໝາຍສຳຄັນຕໍ່ອິດທິພົນຊື່ສຽງ ແລະ ການເຄື່ອນໄຫວທີ່ມີປະສິດທິຜົນຂອງກອງທຶນ.

ສິງກະໂປ - ມາເລເຊຍ - ໄທ ຮ່ວມມືພັດທະນາການຊຳລະເງິນດີຈີຕອນຂ້າມແດນ

26/10/2026 11:16

ຂ່າວຕ່າງປະເທດລາຍງານວ່າ: ອົງການເງິນຕາສິງກະໂປ (MAS) ໄດ້ປະກາດຫວ່າງມໍ່ໆມານີ້ວ່າ, ທະນາຄານກາງຂອງສິງກະໂປ, ມາເລເຊຍ ແລະ ໄທ ຈະຮ່ວມມືກັບຜູ້ປະກອບການໃນພາກອຸດສາຫະກຳການເງິນຂອງແຕ່ລະປະເທດ ເພື່ອພັດທະນາວິທີການຮ່ວມກັນສຳລັບການນຳໃຊ້ສະກຸນເງິນດີຈີຕອນຂ້າມ ແດນ.

ເພີ່ມເຕີມ