ເມື່ອບໍ່ດົນມານີ້,ໜ່ວຍຮາກຖານຊາວໜຸ່ມ ທະນາຄານການຄ້າຕ່າງປະເທດລາວ ມະຫາຊົນ (ທຄຕລ)ສາຂາແຂວງເຊກອງ ໄດ້ຈັດພິທີປະກາດຮັບຮອງຂໍ້ແຂ່ງຂັນ 4ບຸກ ແລະຮັບທຸງໄຊນໍາໜ້າຄັ້ງທີIII ທີ່ຫ້ອງປະຊຸມ ທຄຕລໂດຍການເປັນປະທານຂອງທ່ານ ຕຸລາວັນ ວົງໄຊ ເລຂາຄະນະບໍລິຫານງານຊາວໜຸ່ມແຂວງ, ເຂົ້າຮ່ວມມີທ່ານນາງ ຈັນທະໜອມ ມູນລາດຊະວົງ ເລຂາໜ່ວຍພັກຮາກຖານ ທຄຕລ ສາຂາແຂວງເຊກອງ, ມີຄະນະໜ່ວຍ ແລະສະມາຊິກຊາວໜຸ່ມອ້ອມຂ້າງທີ່ກ່ຽວຂ້ອງເຂົ້າຮ່ວມ.
ທ່ານ ເອກທະວີ ສຸວັນນະຫົງຄໍາ ເລຂາໜ່ວຍຮາກຖານຊາວໜຸ່ມ ທຄຕລ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກປະຈຳປີ 2023ແລະ ທິດທາງແຜນການປະຈຳປີ 2024ກ່າວວ່າ: ຄະນະໜ່ວຍໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ສະມາຊິກຊາວໜຸ່ມຢ່າງເປັນປົກກະຕິຕໍ່ເນື່ອງ ເຮັດໃຫ້ເຂົາເຈົ້າຮັບຮູ້ເຂົ້າໃຈຕໍ່ແນວທາງແຜນນະໂຍບາຍຂອງພັກ, ມີຄວາມເປັນເອກະພາບ, ປະຕິບັດກົດໝາຍ, ແຜນພັດທະນາເສດຖະກິດ-ສັງຄົມຂອງລັດ, ປະຕິບັດໜ້າທີ່ວຽກງານຂອງຕົນຕາມການມອບໝາຍຂອງຄະນະພັກ-ຄະນະນຳ ທຄຕລ ສາຂາເຊກອງ; ເອົາໃຈໃສ່ສ້າງເງື່ອນໄຂໃຫ້ສະມາຊິກສ້າງເສດຖະກິດຄອບຄົວ ເພື່ອເປັນລາຍໄດ້ເສີມໃນເວລານອກໂມງການ ຊຶ່ງມີ 10 ຄອບຄົວທີ່ຖືກຄັດເລືອກເປັນຄອບຄົວຕົວແບບມີລາຍຮັບແຕ່ 30-50ລ້ານກີບຕໍ່ປີ; ພ້ອມນີ້ຍັງໄດ້ສ້າງກອງທຶນຊ່ວຍເຫຼືອຊຶ່ງກັນແລະກັນດ້ວຍການປະກອບສ່ວນຈາກສະມາຊິກ 3 ແສນ ຫາ 1 ລ້ານກີບຕໍ່ຄົນຕໍ່ເດືອນ. ປັດຈຸບັນມີເງິນກອງທຶນ 800 ລ້ານກວ່າກີບເພືື່ອແກ້ໄຂຊ່ວຍເຫຼືອສະມາຊິກທີ່ມີຄວາມຈໍາເປັນກູ້ຢືມດອກເບ້ຍຕໍ່າ 4%ຕໍ່ປີຊຶ່ງສາມາດປະເມີນແຕ່ລະດ້ານໄດ້ຄື: ບຸກດ້ານການເມືອງ-ແນວຄິດ, ບຸກດ້ານການຝຶກຝົນຫຼໍ່ຫຼອມ-ຮ່ຳຮຽນ ແລະ ບຸກດ້ານວິຊາຊີບ-ສ້າງວຽກເຮັດງານທຳປະຕິບັດໄດ້ 98%, ບຸກດ້ານການຈັດຕັ້ງປະຕິບັດໄດ້ 97%ພ້ອມນີ້ຍັງໄດ້ຜ່ານທິດທາງແຜນການຈັດຕັ້ງປະຕິບັດຂໍ້ແຂ່ງຂັນ 4 ບຸກປະຈຳປີ 2024 ແລະມອບໃບຢັ້ງຢືນ ແລະທຸງໄຊນໍາໜ້າ 4 ບຸກໃຫ້ໜ່ວຍຮາກຖານຊາວໜຸ່ມ ທຄຕລ ພ້ອມທັງມອບໃບຍ້ອງຍໍຂອງຄະນະບໍລິຫານງານຊາວໜຸ່ມແຂວງໃຫ້ແກ່ສະມາຊິກຊາວໝຸ່ມທີ່ມີຜົນງານດີເດັ່ນປະຈຳປີ 2022 ຈຳນວນ 31 ທ່ານຍິງ 12 ທ່ານ.
ໂອກາດນີ້, ທ່ານ ຕຸລາວັນ ວົງໄຊ ໄດ້ມີຄຳເຫັນໂອ້ລົມເນັ້ນໃຫ້ຄະນະໜ່ວຍ ກໍຄືສະມາຊິກຊາວໜຸ່ມ ທຄຕລ ສືບຕໍ່ເອົາໃຈໃສ່ຄົ້ນຄວ້າເຊື່ອມຊຶມແນວທາງມະຕິ, ຄຳສັ່ງຂອງພັກ, ຂໍ້ກໍານົດ, ກົດລະບຽບ ແລະກົດໝາຍຂອງລັດ ຕິດພັນກັບການປະຕິບັດກົດລະບຽບ, ຂໍ້ແຂ່ງຂັນ 4 ບຸກຂອງຊາວໜຸ່ມລາວວາງອອກ.ຄົ້ນຄວ້າຮ່ຳຮຽນຍົກລະດັບຄວາມຮູ້-ຄວາມສາມາດທາງດ້ານທິດສະດີ, ວິຊາສະເພາະໃຫ້ສູງຂຶ້ນ, ປັບປຸງກົງຈັກການຈັດຕັ້ງ, ແບບແຜນການນຳພາ-ວິທີເຮັດວຽກຂອງໜ່ວຍໃຫ້ມີຄວາມໜັກແໜ້ນເຂັ້ມແຂງ, ເອົາໃຈໃສ່ເຕົ້າໂຮມຄວາມສາມັກຄີພ້ອມກັນຈັດຕັ້ງປະຕິບັດຄາດໝາຍ, ທິດທາງແຜນການກໍຄືຂໍ້ແຂ່ງຂັນ 4 ບຸກຄັ້ງທີ lll ປະຈຳປີ 2023 ໃຫ້ປະກົດຜົນເປັນຈິງ.
ຂ່າວ-ພາບ:ພຸດທະສອນ
ທ່ານ ເອກທະວີ ສຸວັນນະຫົງຄໍາ ເລຂາໜ່ວຍຮາກຖານຊາວໜຸ່ມ ທຄຕລ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກປະຈຳປີ 2023ແລະ ທິດທາງແຜນການປະຈຳປີ 2024ກ່າວວ່າ: ຄະນະໜ່ວຍໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ສະມາຊິກຊາວໜຸ່ມຢ່າງເປັນປົກກະຕິຕໍ່ເນື່ອງ ເຮັດໃຫ້ເຂົາເຈົ້າຮັບຮູ້ເຂົ້າໃຈຕໍ່ແນວທາງແຜນນະໂຍບາຍຂອງພັກ, ມີຄວາມເປັນເອກະພາບ, ປະຕິບັດກົດໝາຍ, ແຜນພັດທະນາເສດຖະກິດ-ສັງຄົມຂອງລັດ, ປະຕິບັດໜ້າທີ່ວຽກງານຂອງຕົນຕາມການມອບໝາຍຂອງຄະນະພັກ-ຄະນະນຳ ທຄຕລ ສາຂາເຊກອງ; ເອົາໃຈໃສ່ສ້າງເງື່ອນໄຂໃຫ້ສະມາຊິກສ້າງເສດຖະກິດຄອບຄົວ ເພື່ອເປັນລາຍໄດ້ເສີມໃນເວລານອກໂມງການ ຊຶ່ງມີ 10 ຄອບຄົວທີ່ຖືກຄັດເລືອກເປັນຄອບຄົວຕົວແບບມີລາຍຮັບແຕ່ 30-50ລ້ານກີບຕໍ່ປີ; ພ້ອມນີ້ຍັງໄດ້ສ້າງກອງທຶນຊ່ວຍເຫຼືອຊຶ່ງກັນແລະກັນດ້ວຍການປະກອບສ່ວນຈາກສະມາຊິກ 3 ແສນ ຫາ 1 ລ້ານກີບຕໍ່ຄົນຕໍ່ເດືອນ. ປັດຈຸບັນມີເງິນກອງທຶນ 800 ລ້ານກວ່າກີບເພືື່ອແກ້ໄຂຊ່ວຍເຫຼືອສະມາຊິກທີ່ມີຄວາມຈໍາເປັນກູ້ຢືມດອກເບ້ຍຕໍ່າ 4%ຕໍ່ປີຊຶ່ງສາມາດປະເມີນແຕ່ລະດ້ານໄດ້ຄື: ບຸກດ້ານການເມືອງ-ແນວຄິດ, ບຸກດ້ານການຝຶກຝົນຫຼໍ່ຫຼອມ-ຮ່ຳຮຽນ ແລະ ບຸກດ້ານວິຊາຊີບ-ສ້າງວຽກເຮັດງານທຳປະຕິບັດໄດ້ 98%, ບຸກດ້ານການຈັດຕັ້ງປະຕິບັດໄດ້ 97%ພ້ອມນີ້ຍັງໄດ້ຜ່ານທິດທາງແຜນການຈັດຕັ້ງປະຕິບັດຂໍ້ແຂ່ງຂັນ 4 ບຸກປະຈຳປີ 2024 ແລະມອບໃບຢັ້ງຢືນ ແລະທຸງໄຊນໍາໜ້າ 4 ບຸກໃຫ້ໜ່ວຍຮາກຖານຊາວໜຸ່ມ ທຄຕລ ພ້ອມທັງມອບໃບຍ້ອງຍໍຂອງຄະນະບໍລິຫານງານຊາວໜຸ່ມແຂວງໃຫ້ແກ່ສະມາຊິກຊາວໝຸ່ມທີ່ມີຜົນງານດີເດັ່ນປະຈຳປີ 2022 ຈຳນວນ 31 ທ່ານຍິງ 12 ທ່ານ.
ໂອກາດນີ້, ທ່ານ ຕຸລາວັນ ວົງໄຊ ໄດ້ມີຄຳເຫັນໂອ້ລົມເນັ້ນໃຫ້ຄະນະໜ່ວຍ ກໍຄືສະມາຊິກຊາວໜຸ່ມ ທຄຕລ ສືບຕໍ່ເອົາໃຈໃສ່ຄົ້ນຄວ້າເຊື່ອມຊຶມແນວທາງມະຕິ, ຄຳສັ່ງຂອງພັກ, ຂໍ້ກໍານົດ, ກົດລະບຽບ ແລະກົດໝາຍຂອງລັດ ຕິດພັນກັບການປະຕິບັດກົດລະບຽບ, ຂໍ້ແຂ່ງຂັນ 4 ບຸກຂອງຊາວໜຸ່ມລາວວາງອອກ.ຄົ້ນຄວ້າຮ່ຳຮຽນຍົກລະດັບຄວາມຮູ້-ຄວາມສາມາດທາງດ້ານທິດສະດີ, ວິຊາສະເພາະໃຫ້ສູງຂຶ້ນ, ປັບປຸງກົງຈັກການຈັດຕັ້ງ, ແບບແຜນການນຳພາ-ວິທີເຮັດວຽກຂອງໜ່ວຍໃຫ້ມີຄວາມໜັກແໜ້ນເຂັ້ມແຂງ, ເອົາໃຈໃສ່ເຕົ້າໂຮມຄວາມສາມັກຄີພ້ອມກັນຈັດຕັ້ງປະຕິບັດຄາດໝາຍ, ທິດທາງແຜນການກໍຄືຂໍ້ແຂ່ງຂັນ 4 ບຸກຄັ້ງທີ lll ປະຈຳປີ 2023 ໃຫ້ປະກົດຜົນເປັນຈິງ.
ຂ່າວ-ພາບ:ພຸດທະສອນ
ຄໍາເຫັນ