ໃນໂອກາດດັ່ງກ່າວ, ທ່ານ ຣັດສະໝີ ດວງສັດຈະ ກໍາມະການຄະນະບໍລິຫານງານສະມາຄົມມິດຕະພາບ ລາວ - ສ. ເກົາຫຼີ, ຮັບຜິດຊອບຊ່ວຍວຽກຂ່າວສານ ຂອງຫ້ອງການ ທຫລ ໄດ້ກ່າວວ່າ: “ຢາກເປັນນັກຂ່າວ ທີ່ດີ ຕ້ອງມີຄວາມຮູ້ໃດໜ່ຶ່ງ ໃນລະດັບແນ່ນອນ, ຮູ້ລະບຽບກົດໝາຍ; ສິ່ງສໍາຄັນຕ້ອງກໍາແໜ້ນ ແລະ ເຊື່ອມຊຶມແນວທາງຂອງພັກ ແຕ່ລະໄລຍະໃຫ້ດີ ແລະ ຜັນຂະຫຍາຍໃຫ້ຖືກຕ້ອງ ແລະ ສອດຄ່ອງກັບສະພາບຄວາມເປັນຈິງ ຂອງຂະແໜງການຂອງຕົນ”, ພ້ອມນັ້ນ, ທ່ານ ຍັງນໍາສະເໜີ ຫົວຂໍ້: “ສື່ເກົ່າ - ສື່ໃໝ່ກັບການເຊື່ອມໂຍງສູ່ໂລກກ້ວາງ” ກວມເອົາ 6 ເນື້ອໃນ ໂດຍສະເພາະການເລືອກເຫດການ ທີ່ນໍາສະເໜີ ເປັນຂ່າວມີ 12 ເຫດການ; ການນໍາສະເໜີຂ່າວແບບໃດ ຈຶ່ງຈະດຶງດູດຜູ້ບໍລິໂພກໄດ້; ສໍາລັບສື່ໃໝ່ (New Media) ເປັນສື່ທີ່ເຮັດໃຫ້ຜູ້ສົ່ງສານ ແລະ ຜູ້ຮັບສານ ເຮັດໜ້າທີ່ໄດ້ພ້ອມກັນ, ເປັນການສື່ສານ 2 ທາງ ແລະ ເຮັດໜ້າທີ່ສົ່ງສານໄດ້ຫຼາກຫຼາຍ ປະກອບກັບທາງພາບ-ສຽງ-ຂໍ້ຄວາມ ໂດຍໂຮມເອົາເຕັກໂນໂລຊີຂອງສື່ເກົ່າ ເຂົ້າໃສ່ສື່ໃໝ່ ສາມາດສື່ສານ 2 ທາງຜ່ານລະບົບເຄືືອຂ່າຍ ກາຍເປັນສື່ແບບປະສົມປະສານ (Multimedia) ແລະ ປັດຈຸບັນສື່ໃໝ່ ພັດທະນາຢ່າງໄວ ແລະ ນິຍົມ ກັນຫຼາຍຂຶ້ນ, ສື່ໃໝ່ມີ 16 ລັກສະນະ; ແຕ່ສໍາຄັນຜູ້ບໍລິໂພກຂ່າວຕ້ອງມີສະຕິ; ເສບຂ່າວຈາກແຫຼ່ງຂ່າວ ທີ່ໜ້າເຊື່ອຖື ໂດຍສະເພາະຂ່າວຈາກສື່ທາງການ ຫຼື ຈາກລັດຖະບານ ແລະ ອົງການປົກຄອງທ້ອງຖິ່ນ ແຕ່ຕ້ອງລະມັດລະວັງ ຂ່າວປອມ-ຂ່າວປ່ວນ-ຂ່າວລື ຈາກກຸ່ມຄົນບໍ່ດີ ສ້າງຂຶ້ນ.
ຈາກນັ້ນ; ຍັງມີການນໍາສະເໜີຂອງ 2 ວິ ທະຍາກອນ ຈາກພະແນກການກ່ຽວຂ້ອງ ຂອງຫ້ອງການ ທຫລ ນໍາສະເໜີຫຍໍ້ ຫຼັກ ການພື້ນຖານໃນການຂຽນຂ່າວ ແລະ ການເຜີຍແຜ່ບົດຂ່າວຂອງ ທຫລ ແລະ ຫົວຂໍ້ຫຼັກສູດການຮຽນ-ການສອນ ສໍາລັບເດັກກ່ອນໄວຮຽນ; ທຸກຫົວຂໍ້ ລ້ວນແຕ່ໄດ້ຮັບຄວາມສົນໃຈຈາກບັນດາພະນັກງານ ແລະ ສະມາຊິກຊາວໜຸ່ມເປັນຢ່າງດີ; ທັງນີ້ ກໍ່ເພື່ອເປັນການສ້າງຂະບວນ ການຕ້ອນຮັບ 3 ວັນປະຫວັດ ສາດ ຂອງຊາດ-ຂອງພັກ ແລະ ກອງປະຊຸມໃຫຍ່ຜູ້ແທນອົງຄະ ນະພັກ ທະນາຄານແຫ່ງ ສປປ ລາວ ທີ່ຈະເປີດຂຶ້ນໃນມໍ່ໆນີ້.
(ຂ່າວ: ທ່ານ ຣັດສະໝີ ດວງສັດຈະ)
ຄໍາເຫັນ