 |
ໃນໂອກາດດັ່ງກ່າວ, ສະຫາຍ ມອນໄຊ ລາວມົວຊົ່ງ ໄດ້ກ່າວຕ້ອນຮັບ ແລະ ຕີລາຄາສູງຕໍ່ການເຂົ້າຢ້ຽມຢາມພົບປະ ແລະ ເຮັດວຽກຂອງຄະນະຜູ້ແທນສູນກາງຊາວໜຸ່ມກອມມູນິດໂຮ່ຈິມິນ ໃນຄັ້ງນີ້ ແມ່ນເປັນການປະກອບສ່ວນທີ່ສຳຄັນຂອງຄະນະຊາວໜຸ່ມ ສອງຝ່າຍໃນການເພີ່ມທະວີ ແລະ ຮັດແໜ້ນຄວາມສາມັກຄີ ສາຍພົວພັນມິດຕະພາບອັນເປັນມູນເຊື້ອ ຄວາມສາມັກຄີ ແລະ ການຮ່ວມມືຮອບດ້ານທີ່ ສອງພັກ-ສອງລັດ ແລະ ປະຊາຊົນ ສອງຊາດ ລາວ - ຫວຽດນາມ ກໍຄືສອງອົງການຈັດຕັ້ງຊາວໜຸ່ມລາວ - ຫວຽດນາມ ແລະ ຫວຽດນາມ - ລາວ.
ພ້ອມດຽວກັນນີ້, ຍັງໄດ້ຈັດກອງປະຊຸມພົບປະສອງຝ່າຍ ລະຫວ່າງ ຊາວໜຸ່ມປະຊາຊົນ ປະຕິວັດລາວ ແລະ ຊາວໜຸ່ມກອມມູນິດໂຮ່ຈິມິນ ຊຶ່ງນຳໂດຍ ສະຫາຍ ທອງລີ ສີສຸລິດ ຮອງເລຂາຄະນະບໍລິຫານງານ ສຊປລ ທີ່ໂຮງແຮມສຸພັດຕາ ນະຄອນຫຼວງວຽງຈັນ.
 |
ການພົບປະຄັ້ງນີ້, ທັງສອງຝ່າຍໄດ້ປຶກສາຫາລືກັນ ສືບຕໍ່ຮ່ວມມືໃນການຜັນຂະຫຍາຍພົວພັນວຽກງານຊາວໜຸ່ມດ້ວຍຫຼາຍຮູບການລະຫວ່າງສອງອົງການຈັດຕັ້ງຊາວໜຸ່ມປະຊາຊົນ ປະຕິວັດລາວ ແລະ ຊາວໜຸ່ມກອມມູນິດໂຮ່ຈິມິນ, ເພີ່ມທະວີການຮ່ວມມື ແລະ ການຊ່ວຍເຫຼືອຊຶ່ງກັນ ແລະ ກັນໃນການພັດທະນາເສດຖະກິດ-ສັງຄົມ, ຊ່ວຍເຫຼືອກັນໃນການກໍ່ສ້າງພື້ນຖານໂຄ່ງລ່າງ, ສືບຕໍ່ແລກປ່ຽນຄະນະຜູ້ແທນລະດັບສູງ, ບັນດາຄະນະຊາວໜຸ່ມແຂວງແຮກສ່ຽວ, ສືບຕໍ່ໃນການປະຕິບັດຕາມທີ່ໄດ້ມີບົດບັນທຶກຂໍ້ຕົກລົງການຮ່ວມມືລະຫວ່າງຄະນະນໍາທັງສອງຝ່າຍທີ່ໄດ້ລົງນາມກັນໃນແຕ່ລະໄລຍະໃຫ້ປະກົດຜົນເປັນຈິງທີ່ໄດ້ກໍານົດ; ໃນນັ້ນວຽກໜຶ່ງທີ່ສຳຄັນແມ່ນການແລກປ່ຽນວຽກງານສະຫະພັນຊາວໜຸ່ມແຫ່ງຊາດລາວ. ການເຄື່ອນໄຫວ ແລະ ເຮັດວຽກຂອງຄະນະຜູ້ແທນຂັ້ນສູງສູນກາງຊາວໜຸມກອມມູນິດໂຮ່ຈິມິນ ໃນຄັ້ງນີ້ຈະດຳເກີນໄປເປັນເວລາ 5 ວັນ (ວັນທີ 6-11 ກໍລະກົດ 2025)
(ຂ່າວ: ຄຳສິງ ວິໄລຄຳ)
ຄໍາເຫັນ