ຄະນະຊາວໜຸ່ມກົມໃຫຍ່ການເມືອງກະຊວງປ້ອງກັນຄວາມສະຫງົບ (ປກສ) ນໍາໂດຍທ່ານ ພັນຕີ ບົວໄລ ສີສຸລາດ ຄະນະປະຈໍາຄະນະບໍລິຫານງານຊາວໜຸ່ມກົມໃຫຍ່ການເມືອງ ປກສ ໄດ້ເຂົ້າຢ້ຽມຊົມງານວາງສະແດງຮູບພາບ, ເອກະສານ, ປຶ້ມ ແລະ ວັດຖຸພັນພາຍໃຕ້ຫົວຂໍ້: “ຊີວິດ ແລະ ການເຄື່ອນໄຫວປະຕິວັດຂອງປະທານ ຄຳໄຕ ສີພັນດອນ” ໃນວັນທີ 14 ກຸມພານີ້ ທີ່ຫໍພິພິທະພັນ ໄກສອນ ພົມວິຫານ ເນື່ອງໃນໂອກາດສະເຫຼີມສະຫຼອງວັນເກີດປະທານ ຄຳໄຕ ສີພັນດອນ ຄົບຮອບ 100 ປີ (8 ກຸມພາ 1924 - 8 ກຸມພາ 2024) ໂດຍມີໜ່ວຍຊາວໜຸ່ມຮາກຖານ ພ້ອມດ້ວຍສະມາຊິກຊາວໜຸ່ມກົມກອງອ້ອມຂ້າງກົມໃຫຍ່ການເມືອງ ປກສ ເຂົ້າຮ່ວມ.
ທ່ານພັນຕີ ບົວໄລ ສີສຸລາດ ກ່າວວ່າ: ການຢ້ຽມຊົມຄັ້ງນີ້ ເພື່ອເປັນການລະນຶກເຖິງຄຸນງາມຄວາມດີ ແລະ ຜົນງານອັນໃຫຍ່ຫຼວງຂອງປະທານ ຄໍາໄຕ ສີພັນດອນ ທີ່ມີຕໍ່ປະເທດຊາດແນໃສ່ຮຽນຮູ້ ແລະ ນໍາເອົາແບບຢ່າງທີ່ດີຂອງເພິ່ນມາໝູນໃຊ້ເຂົ້າໃນການຈັດຕັ້ງ, ເຄື່ອນໄຫວ ແລະ ການດໍາລົງຊີວິດຂອງພະນັກງານ, ສະມາຊິກພັກ, ປະຊາຊົນ ແລະ ຊັ້ນຄົນຕ່າງໆ ເວົ້າສະເພາະ ກໍຄືສະມາຊິກຊາວໜຸ່ມກົມໃຫຍ່ການເມືອງ ປກສ ໃຫ້ມີຄຸນທາດການເມືອງທີ່ໜັກແໜ້ນ ພ້ອມກັນສືບຕໍ່ສ້າງສາພັດທະນາປະເທດຊາດ ໃຫ້ກ້າວຂຶ້ນຕາມອຸດົມການຂອງພັກຢ່າງມີໄຊ.
ການຢ້ຽມຊົມໄດ້ແບ່ງອອກເປັນ 5 ພາກຄື: ພາກທີ 1 ບ້ານເກີດເມືອງນອນ, ໄລຍະເຍົາໄວ ແລະ ໄລຍະໄວໜຸ່ມຂອງປະທານຄຳໄຕ ສີພັນດອນ (1924- 1946), ພາກທີ 2 ເຂົ້າຮ່ວມຂະບວນການຕໍ່ສູ້ ເພື່ອຄວາມເປັນເອກະລາດ ແລະ ອິດສະລະພາບ, ຕ້ານກັບການຮຸກຮານ, ຢຶດຄອງຂອງພວກລ່າເມືອງຂຶ້ນແບບເກົ່າ ແລະ ຂຸນເສິກຍີ່ປຸ່ນ (1947-1954), ພາກທີ 3 ປະທານ ຄຳໄຕ ສີພັນດອນ ປະກອບສ່ວນນໍາພາການປະຕິວັດຊາດ ປະຊາທິປະໄຕໃນພາລະກິດຕໍ່ສູ້ຕ້ານການຮຸກຮານຂອງພວກລ່າເມືອງຂຶ້ນແບບໃໝ່ ແລະ ລູກມື (1955-1975), ພາກທີ 4 ປະທານ ຄຳໄຕ ສີພັນດອນ ພ້ອມກັບສູນກາງພັກປະຊາຊົນ ປະຕິວັດລາວໄດ້ນໍາພາ-ຊີ້ນໍາພາລະກິດປົກປັກຮັກສາ ແລະ ສ້າງສາປະເທດຊາດ, ສືບຕໍ່ນໍາພາ ພາລະກິດປ່ຽນແປງໃໝ່ຮອບດ້ານມີຫຼັກການຂອງພັກຢ່າງມີໄຊຕະຫຼອດມາ (1976-ປັດຈຸບັນ), ພາກທີ 5 ປະທານ ຄໍາໄຕ ສີພັນດອນກັບວຽກງານການຕ່າງປະເທດ, ໃນຈໍານວນ 5 ພາກປະກອບມີບັນດາຮູບພາບວາງສະແດງ 275 ແຜ່ນ, ເອກະສານຈຳນວນ 30 ສະບັບ ແລະ ວັດຖຸພັນ ຈຳນວນ 20 ລາຍການ.
ຂ່າວ-ພາບ: ແກ້ວ
ທ່ານພັນຕີ ບົວໄລ ສີສຸລາດ ກ່າວວ່າ: ການຢ້ຽມຊົມຄັ້ງນີ້ ເພື່ອເປັນການລະນຶກເຖິງຄຸນງາມຄວາມດີ ແລະ ຜົນງານອັນໃຫຍ່ຫຼວງຂອງປະທານ ຄໍາໄຕ ສີພັນດອນ ທີ່ມີຕໍ່ປະເທດຊາດແນໃສ່ຮຽນຮູ້ ແລະ ນໍາເອົາແບບຢ່າງທີ່ດີຂອງເພິ່ນມາໝູນໃຊ້ເຂົ້າໃນການຈັດຕັ້ງ, ເຄື່ອນໄຫວ ແລະ ການດໍາລົງຊີວິດຂອງພະນັກງານ, ສະມາຊິກພັກ, ປະຊາຊົນ ແລະ ຊັ້ນຄົນຕ່າງໆ ເວົ້າສະເພາະ ກໍຄືສະມາຊິກຊາວໜຸ່ມກົມໃຫຍ່ການເມືອງ ປກສ ໃຫ້ມີຄຸນທາດການເມືອງທີ່ໜັກແໜ້ນ ພ້ອມກັນສືບຕໍ່ສ້າງສາພັດທະນາປະເທດຊາດ ໃຫ້ກ້າວຂຶ້ນຕາມອຸດົມການຂອງພັກຢ່າງມີໄຊ.
ການຢ້ຽມຊົມໄດ້ແບ່ງອອກເປັນ 5 ພາກຄື: ພາກທີ 1 ບ້ານເກີດເມືອງນອນ, ໄລຍະເຍົາໄວ ແລະ ໄລຍະໄວໜຸ່ມຂອງປະທານຄຳໄຕ ສີພັນດອນ (1924- 1946), ພາກທີ 2 ເຂົ້າຮ່ວມຂະບວນການຕໍ່ສູ້ ເພື່ອຄວາມເປັນເອກະລາດ ແລະ ອິດສະລະພາບ, ຕ້ານກັບການຮຸກຮານ, ຢຶດຄອງຂອງພວກລ່າເມືອງຂຶ້ນແບບເກົ່າ ແລະ ຂຸນເສິກຍີ່ປຸ່ນ (1947-1954), ພາກທີ 3 ປະທານ ຄຳໄຕ ສີພັນດອນ ປະກອບສ່ວນນໍາພາການປະຕິວັດຊາດ ປະຊາທິປະໄຕໃນພາລະກິດຕໍ່ສູ້ຕ້ານການຮຸກຮານຂອງພວກລ່າເມືອງຂຶ້ນແບບໃໝ່ ແລະ ລູກມື (1955-1975), ພາກທີ 4 ປະທານ ຄຳໄຕ ສີພັນດອນ ພ້ອມກັບສູນກາງພັກປະຊາຊົນ ປະຕິວັດລາວໄດ້ນໍາພາ-ຊີ້ນໍາພາລະກິດປົກປັກຮັກສາ ແລະ ສ້າງສາປະເທດຊາດ, ສືບຕໍ່ນໍາພາ ພາລະກິດປ່ຽນແປງໃໝ່ຮອບດ້ານມີຫຼັກການຂອງພັກຢ່າງມີໄຊຕະຫຼອດມາ (1976-ປັດຈຸບັນ), ພາກທີ 5 ປະທານ ຄໍາໄຕ ສີພັນດອນກັບວຽກງານການຕ່າງປະເທດ, ໃນຈໍານວນ 5 ພາກປະກອບມີບັນດາຮູບພາບວາງສະແດງ 275 ແຜ່ນ, ເອກະສານຈຳນວນ 30 ສະບັບ ແລະ ວັດຖຸພັນ ຈຳນວນ 20 ລາຍການ.
ຂ່າວ-ພາບ: ແກ້ວ
ຄໍາເຫັນ