ການສຶກສາດັ່ງກ່າວໄດ້ວິເຄາະຂໍ້ມູນການຕອບແບບສອບຖາມຈາກເດັກນ້ອຍ ແລະ ໄວໜຸ່ມ 2,111 ຄົນ, ລວມທັງການສຳພາດໄວໜຸ່ມອີກ 15 ຄົນ, ໂດຍສຸມໃສ່ຮູບແບບການນຳໃຊ້, ທັດສະນະຄະຕິ ແລະ ປະສົບການທີ່ມີຕໍ່ Generative AI ຊຶ່ງ 48% ໄດ້ໃຊ້ AI ເພື່ອສະຫຼຸບ ຫຼື ອະທິບາຍເນື້ອຫາ, ໃນຂະນະທີ່ 47% ໃຊ້ເພື່ອຊ່ວຍໃນການເຮັດວຽກບ້ານ ຫຼື ບົດລາຍງານສົ່ງໂຮງຮຽນ ແລະ 25% ໃຊ້ Generative AI ສຳລັບການສະໜັບສະໜູນທາງດ້ານອາລົມ ຫຼື ການໃຫ້ຄຳປຶກສາສ່ວນຕົວ ສູງກວ່າລະດັບສະເລ່ຍຂອງເອີຣົບ 15%.
ທ່ານ ຄຣິສຕິນາ ປອນເຕ ແລະ ທ່ານ ຊູຊານນາ ບາຕິສຕາ ຜູ້ປະສານງານການສຶກສາ ກ່າວວ່າ: ການຄົ້ນພົບດັ່ງກ່າວໄດ້ຢືນຢັນເຖິງຄວາມບໍ່ສະເໝີພາບດ້ານດີຈີຕອນ, ໂດຍໂອກາດ ແລະ ຄວາມຖີ່ຂອງການນຳໃຊ້ແມ່ນຂຶ້ນກັບສະຖານະພາບທາງເສດຖະກິດ-ສັງຄົມຢ່າງຊັດເຈນ.
ເຖິງວ່າຈະມີການນຳໃຊ້ຢ່າງກວ້າງຂວາງ, ແຕ່ບົດລາຍງານໄດ້ລະບຸວ່າເດັກນ້ອຍ ແລະ ໄວໜຸ່ມບໍ່ໄດ້ໃຊ້ເຕັກໂນໂລຊີນີ້ໂດຍບໍ່ໄດ້ພິຈາລະນາໃຫ້ລະອຽດ; ພວກເຂົາຍັງຄົງກັງວົນກ່ຽວກັບບັນຫາການໝູນໃຊ້, ເນື້ອຫາທີ່ເຮັດໃຫ້ເຂົ້າໃຈຜິດ (deepfakes) ລວມເຖິງຄວາມສ່ຽງທີ່ມະນຸດອາດຈະບໍ່ສາມາດຄວບຄຸມ ແລະ ບັງຄັບບັນຊາເທັກໂນໂລຊີໄດ້ອີກຕໍ່ໄປໃນອະນາຄົດ.
ຄໍາເຫັນ