ທ່ານ ສາກົນ ພອນປະເສີດ ຫົວໜ້າພະແນກແຜນການ ແລະ ການລົງທຶນແຂວງເຊກອງລາຍງານຕໍ່ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງເຊກອງ ຊຸດທີ II ເມື່ອບໍ່ດົນນີ້ວ່າ: ໃນປີ 2023 ແຂວງເຊກອງ ສາມາດຂຶ້ນທະບຽນ ແລະ ດັດແກ້ທະບຽນວິສາຫະກິດໄດ້ທັງໝົດ 101 ຫົວໜ່ວຍ ທຶນຈົດທະບຽນ 549,75 ຕື້ກີບ. ໃນນີ້, ອອກໃໝ່ 53 ຫົວໜ່ວຍ ທຶນຈົດທະບຽນ 224,71 ຕື້ກີບ, ດັດແກ້ 39 ຫົວໜ່ວຍ ທຶນຈົດທະບຽນ 325,03 ຕື້ກີບ ແລະ ສາຂາ 9 ຫົວໜ່ວຍ.
ພ້ອມນີ້, ແຂວງເຊກອງຍັງໄດ້ເອົາໃຈໃສ່ພັດທະນາຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ໄປສູ່ຄຸນນະພາບໃໝ່ໃຫ້ເຂັ້ມແຂງ, ສາມາດແຂ່ງຂັນກັບຕະຫຼາດພາຍໃນ ແລະ ພາຍນອກຫຼາຍຂຶ້ນ; ສ້າງເງື່ອນໄຂອໍານວຍຄວາມສະດວກ ແລະ ໃຫ້ຄຳປຶກສາແກ່ນັກລົງທຶນທີ່ສົນໃຈຢາກມາເຮັດທຸລະກິດພາຍໃນແຂວງ; ເກັບກຳຂໍ້ມູນຫົວໜ່ວຍທຸລະກິດພາຍໃນແຂວງ ເພື່ອເຂົ້າຮ່ວມຝຶກອົບຮົບໃນຫົວຂໍ້: ການວາງແຜນການເງິນ ແລະ ການບັນຊີເງິນສົດ ສຳລັບວິສາຫະກິດຂະໜາດນ້ອຍ ແລະ ກາງ ໃຫ້ກັບກຸ່ມເປົ້າໝາຍ ເປັນຕົ້ນ, ແມ່ນຫົວໜ່ວຍ SME ທີ່ຜ່ານເງື່ອນໄຂກູ້ຢືມຂອງທະນາຄານ ແຕ່ຍັງຂາດເງື່ອນໄຂຝຶກອົບຮົບ ແລະ ຫົວໜ່ວຍ SME ທົ່ວໄປທີ່ນອນໃນ 4 ຂະແໜງການບຸລິມະສິດ ຊຶ່ງປະກອບດ້ວຍ: ຂະແໜງອຸດສາຫະກຳປຸງແຕ່ງຜະລິດຕະພັນກະສິກຳ, ຂະແໜງຫັດຖະກຳ, ຂະແໜງກະສິກຳ (ປູກຝັງ ແລະ ລ້ຽງສັດ) ແລະ ຂະແໜງທ່ອງທ່ຽວ ທີ່ຕ້ອງການຝຶກອົບຮົບສ້າງຄວາມເຂັ້ມແຂງ ເພື່ອກຽມຄວາມພ້ອມໃນການເຂົ້າເຖິງແຫຼ່ງທຶນບ້ວງເງິນ ຂອງລັດຖະບານ ປະກອບໃຫ້ກອງທຶນສົ່ງເສີມວິສາຫະກິດຂະໜາດນ້ອຍ ແລະ ຂະໜາດກາງ.
ໃນຂະນະທີ່ ການຈາລະຈອນສິນຄ້າ (ຂາຍຍົກ-ຂາຍຍ່ອຍ) ປະຕິບັດໄດ້ 177,93 ຕື້ກີບ ເທົ່າກັບ 70,68% ຂອງແຜນການປີ. ໃນນີ້, ການຈາລະຈອນສິນຄ້າປະເພດກະສິກຳ ແລະ ສິນຄ້າທົ່ວໄປ 70,08 ຕື້ກີບ ແລະ ການຄ້າຂາຍຍົກ-ຂາຍຍ່ອຍ ແລະ ບໍລິການສ້ອມແປງ 107,85 ຕື້ກີບ.
ທ່ານ ສາກົນ ພອນປະເສີດ ຍັງໃຫ້ຮູ້ຕື່ມວ່າ: ປັດຈຸບັນ ທົ່ວແຂວງມີເສົາຮັບ-ສົ່ງສັນຍານໂທລະສັບ (BTS) ຈໍານວນ 139 ຕົ້ນ, ມີສະຖານີຮັບ-ສົ່ງສັນຍານ ໂທລະສັບ 385 ສະຖານີ, ມີສາຍກາບໄຍແສງ (Fiber optic ) ກວມເອົາ 4 ເມືອງ ມີຄວາມຍາວທັງໝົດ 1.578 km; ມີເຄືອຂ່າຍສັນຍານໂທລະສັບມືຖື (2G, 3G, 4G) ກວມ 4 ຕົວເມືອງເທົ່າກັບ 80,50% ແລະ ສັນຍານອິນເຕີເນັດ ກວມ 61% ຂອງຈໍານວນບ້ານໃນທົ່ວແຂວງ, ມີຈໍານວນຜູ້ໃຊ້ເລກໝາຍໂທລະສັບທັງໝົດ 94.386 ເລກໝາຍ, ມີຈໍານວນນໍາໃຊ້ເລກໝາຍອິນເຕີເນັດແບບມີສາຍ 2.410 ບັນຊີ, ສາມາດສ້າງລາຍຮັບໄດ້ທັງໝົດ 95,67 ຕື້ກີບ ແລະ ມອບພັນທະເຂົ້າງົບປະມານລັດ 7,4 ຕື້ກີບ. ພ້ອມທັງ ໄດ້ເອົາໃຈໃສ່ຕິດຕາມ ກວດກາ, ຄຸ້ມຄອງ ແລະ ຊຸກຍູ້ຂະຫຍາຍການບໍລິການດ້ານໄປສະນີລົງສູ່ຮາກຖານ ແລະ ປັບປຸງການບໍລິການໃຫ້ໄດ້ມາດຕະຖານ.
ຂ່າວ-ພາບ: ສັນຍາ
ພ້ອມນີ້, ແຂວງເຊກອງຍັງໄດ້ເອົາໃຈໃສ່ພັດທະນາຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ໄປສູ່ຄຸນນະພາບໃໝ່ໃຫ້ເຂັ້ມແຂງ, ສາມາດແຂ່ງຂັນກັບຕະຫຼາດພາຍໃນ ແລະ ພາຍນອກຫຼາຍຂຶ້ນ; ສ້າງເງື່ອນໄຂອໍານວຍຄວາມສະດວກ ແລະ ໃຫ້ຄຳປຶກສາແກ່ນັກລົງທຶນທີ່ສົນໃຈຢາກມາເຮັດທຸລະກິດພາຍໃນແຂວງ; ເກັບກຳຂໍ້ມູນຫົວໜ່ວຍທຸລະກິດພາຍໃນແຂວງ ເພື່ອເຂົ້າຮ່ວມຝຶກອົບຮົບໃນຫົວຂໍ້: ການວາງແຜນການເງິນ ແລະ ການບັນຊີເງິນສົດ ສຳລັບວິສາຫະກິດຂະໜາດນ້ອຍ ແລະ ກາງ ໃຫ້ກັບກຸ່ມເປົ້າໝາຍ ເປັນຕົ້ນ, ແມ່ນຫົວໜ່ວຍ SME ທີ່ຜ່ານເງື່ອນໄຂກູ້ຢືມຂອງທະນາຄານ ແຕ່ຍັງຂາດເງື່ອນໄຂຝຶກອົບຮົບ ແລະ ຫົວໜ່ວຍ SME ທົ່ວໄປທີ່ນອນໃນ 4 ຂະແໜງການບຸລິມະສິດ ຊຶ່ງປະກອບດ້ວຍ: ຂະແໜງອຸດສາຫະກຳປຸງແຕ່ງຜະລິດຕະພັນກະສິກຳ, ຂະແໜງຫັດຖະກຳ, ຂະແໜງກະສິກຳ (ປູກຝັງ ແລະ ລ້ຽງສັດ) ແລະ ຂະແໜງທ່ອງທ່ຽວ ທີ່ຕ້ອງການຝຶກອົບຮົບສ້າງຄວາມເຂັ້ມແຂງ ເພື່ອກຽມຄວາມພ້ອມໃນການເຂົ້າເຖິງແຫຼ່ງທຶນບ້ວງເງິນ ຂອງລັດຖະບານ ປະກອບໃຫ້ກອງທຶນສົ່ງເສີມວິສາຫະກິດຂະໜາດນ້ອຍ ແລະ ຂະໜາດກາງ.
ໃນຂະນະທີ່ ການຈາລະຈອນສິນຄ້າ (ຂາຍຍົກ-ຂາຍຍ່ອຍ) ປະຕິບັດໄດ້ 177,93 ຕື້ກີບ ເທົ່າກັບ 70,68% ຂອງແຜນການປີ. ໃນນີ້, ການຈາລະຈອນສິນຄ້າປະເພດກະສິກຳ ແລະ ສິນຄ້າທົ່ວໄປ 70,08 ຕື້ກີບ ແລະ ການຄ້າຂາຍຍົກ-ຂາຍຍ່ອຍ ແລະ ບໍລິການສ້ອມແປງ 107,85 ຕື້ກີບ.
ທ່ານ ສາກົນ ພອນປະເສີດ ຍັງໃຫ້ຮູ້ຕື່ມວ່າ: ປັດຈຸບັນ ທົ່ວແຂວງມີເສົາຮັບ-ສົ່ງສັນຍານໂທລະສັບ (BTS) ຈໍານວນ 139 ຕົ້ນ, ມີສະຖານີຮັບ-ສົ່ງສັນຍານ ໂທລະສັບ 385 ສະຖານີ, ມີສາຍກາບໄຍແສງ (Fiber optic ) ກວມເອົາ 4 ເມືອງ ມີຄວາມຍາວທັງໝົດ 1.578 km; ມີເຄືອຂ່າຍສັນຍານໂທລະສັບມືຖື (2G, 3G, 4G) ກວມ 4 ຕົວເມືອງເທົ່າກັບ 80,50% ແລະ ສັນຍານອິນເຕີເນັດ ກວມ 61% ຂອງຈໍານວນບ້ານໃນທົ່ວແຂວງ, ມີຈໍານວນຜູ້ໃຊ້ເລກໝາຍໂທລະສັບທັງໝົດ 94.386 ເລກໝາຍ, ມີຈໍານວນນໍາໃຊ້ເລກໝາຍອິນເຕີເນັດແບບມີສາຍ 2.410 ບັນຊີ, ສາມາດສ້າງລາຍຮັບໄດ້ທັງໝົດ 95,67 ຕື້ກີບ ແລະ ມອບພັນທະເຂົ້າງົບປະມານລັດ 7,4 ຕື້ກີບ. ພ້ອມທັງ ໄດ້ເອົາໃຈໃສ່ຕິດຕາມ ກວດກາ, ຄຸ້ມຄອງ ແລະ ຊຸກຍູ້ຂະຫຍາຍການບໍລິການດ້ານໄປສະນີລົງສູ່ຮາກຖານ ແລະ ປັບປຸງການບໍລິການໃຫ້ໄດ້ມາດຕະຖານ.
ຂ່າວ-ພາບ: ສັນຍາ
ຄໍາເຫັນ