ໃນວັນທີ 20 ພະຈິກຜ່ານມາ,ພະແນກໂຍທາທິການ ແລະຂົນສົ່ງ (ຍທຂ) ແຂວງເຊກອງ (ເຈົ້າຂອງໂຄງການ)ໄດ້ຈັດພິທີມອບ-ຮັບໂຄງການກໍ່ສ້າງເສັ້ນທາງລກທີ 16B ເຊກອງ-ດາກຈຶງໃຫ້ແກ່ກະຊວງ ຍທຂໂດຍການເຂົ້າຮ່ວມຂອງທ່ານ ບຸນທະວີ ນະຄອນສິດ ຫົວໜ້າພະແນກ ຍທຂ, ມີທ່ານ ພິດສະພົນ ພີລາວົງ ຮອງຫົວໜ້າກົມຂົວ-ທາງກະຊວງ ຍທຂ, ມີຕາງໜ້າທະນາຄານກາງ, ປະທານບໍລິສັດຜູ້ຮັບເໝົາ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ບຸນກອງ ສົມບັດພົມ ຮອງຫົວໜ້າໂຄງການໄດ້ລາຍງານຜົນສໍາເລັດຂອງໂຄງການວ່າ: ໂຄງການກໍ່ສ້າງເສັ້ນທາງເລກທີ 16B ເຊກອງ-ດາກຈຶງ ມີລວງຍາວ 94,6 ກິໂລແມັດໄດ້ເລີ່ມລົງມືກໍ່ສ້າງໃນປີ 2009 ແລະສິ້ນສຸດໂຄງການປີ 2022ມູນຄ່າການກໍ່ສ້າງທັງໝົດ 634 ຕື້ກວ່າກີບ (ທຶນພາຍໃນ 100%) ປະຕິບັດໄດ້ 99,35%, ບໍລິສັດ ທີເອັຊບີ (THB) ກຣຸບຈໍາກັດຜູ້ດຽວເປັນຜູ້ຮັບເໝົາກໍ່ສ້າງ ໂດຍມີບໍລິສັດລັດວິສາຫະກິດສໍາຫຼວດອອກແບບ ແລະວິໄຈວັດສະດຸກໍ່ສ້າງເປັນທີ່ປຶກສາ,ເນື່ອງຈາກວ່າອຳນາດການປົກຄອງພາຍໃນແຂວງໄດ້ມີແຜນຂະຫຍາຍເສັ້ນທາງເວັ້ນຕົວເມືອງ ໂດຍເຫັນດີໃຫ້ຍົກຍ້າຍຈຸດເລີ່ມຕົ້ນຂອງໂຄງການ ແລະ ຂະຫຍາຍຄວາມກວ້າງຂອງໜ້າທາງລົດແລ່ນອອກໄປຕື່ມອີກ ຈຶ່ງເຮັດໃຫ້ຄວາມຍາວຂອງເສັ້ນທາງຍາວທັງໝົດ 95 ກິໂລແມັດ, ຄວາມກວ້າງໜ້າທາງລົດແລ່ນ 13 ແມັດ, 9 ແມັດ, 7ແມັດ ແລະ 6 ແມັດຕາມລໍາດັບ, ເປັນທາງປະເພດ 4, ປູຢາງ 2 ຊັ້ນປະກອບມີຂົວເບຕົງ 4 ແຫ່ງ, ຍາວ 174 ແມັດ, ທໍ່ລ່ຽມ 46 ແຫ່ງ ແລະ ທໍ່ກົມ 206 ແຫ່ງ. ໄດ້ກໍ່ສ້າງລະບົບໄຟເຍືອງທາງ, ກໍ່ສ້າງທາງຄົນຍ່າງສອງຟາກຂ້າງ, ກໍ່ສ້າງຂຸມພັກນໍ້າ, ທໍ່ລະບາຍນໍ້າຂ້າງທາງສອງເບື້ອງ ແລະ ແຕ້ມເສັ້ນຂອບທາງຕາມລວງຍາວຂອງເສັ້ນທາງຊ້ວງ 3.500 ແມັດ.
ໂອກາດນີ້, ທ່ານ ບຸນທະວີ ນະຄອນສິດ ກ່າວວ່າ: ຈຸດເລີ່ມຕົ້ນຂອງໂຄງການແມ່ນຕັ້ງຢູ່ເທດສະບານເມືອງລະມາມແຂວງເຊກອງ ແລະ ສິ້ນສຸດຢູ່ຂອບເຂດເມືອງດາກຈຶງ ຊຶ່ງເປັນໂຄງການໜຶ່ງທີ່ມີຄວາມໝາຍ, ຄວາມສໍາຄັນດ້ານການຄົມມະນາຄົມຂົນສົ່ງທີ່ຕິດພັນກັບການພັດທະນາເສດຖະກິດ-ສັງຄົມ. ເປັນເສັ້ນທາງເຊື່ອມຕໍ່, ເຊື່ອມຈອດລະຫວ່າງຈັງຫວັດອຸບົນລາດສະທານີ (ປະເທດໄທ) ຜ່ານດ່ານຊ່ອງເມັກ-ວັງເຕົ່າ (ແຂວງຈຳປາສັກ), ຜ່ານເທດສະບານເມືອງລະມາມແຂວງເຊກອງອອກສູ່ເມືອງດາກຈຶງເຂົ້າຫາຊາຍແດນລາວ-ຫວຽດນາມ (ແຂວງດານັງ). ທາງເລກທີ 16B ເມື່ອກໍ່ສ້າງສຳເລັດຈະຊ່ວຍປັບປຸງເສດຖະກິດ, ລະບົບພື້ນຖານໂຄງລ່າງຂອງແຂວງເຊກອງໃຫ້ເຂັ້ມແຂງດີຂຶ້ນເທື່ອລະກ້າວ. ເວົ້າລວມ, ເວົ້າສະເພາະແມ່ນປະຊາຊົນບັນດາເຜົ່າທີ່ດຳລົງຊີວິດ, ຕັ້ງຖິ່ນຖານພູມລໍາເນົາຢູ່ລຽບຕາມສາຍທາງທີ່ອາໄສຢູ່ໃກ້ຄຽງກັບເສັ້ນທາງດັ່ງກ່າວສາມາດໄປ-ມາຫາສູ່, ຄ້າຂາຍ ແລະ ບໍລິການອື່ນໆສະດວກວ່ອງໄວຂຶ້ນກວ່າເກົ່າ. ໂອກາດນີ້, ທ່ານ ບຸນທະວີ ນະຄອນສິດໃຫ້ກຽດກ່າວມອບ ແລະ ກ່າວຮັບໂດຍທ່ານ ພິດສະພົນ ພີລາວົງ.
ຂ່າວ-ພາບ:ພຸດທະສອນ
ທ່ານ ບຸນກອງ ສົມບັດພົມ ຮອງຫົວໜ້າໂຄງການໄດ້ລາຍງານຜົນສໍາເລັດຂອງໂຄງການວ່າ: ໂຄງການກໍ່ສ້າງເສັ້ນທາງເລກທີ 16B ເຊກອງ-ດາກຈຶງ ມີລວງຍາວ 94,6 ກິໂລແມັດໄດ້ເລີ່ມລົງມືກໍ່ສ້າງໃນປີ 2009 ແລະສິ້ນສຸດໂຄງການປີ 2022ມູນຄ່າການກໍ່ສ້າງທັງໝົດ 634 ຕື້ກວ່າກີບ (ທຶນພາຍໃນ 100%) ປະຕິບັດໄດ້ 99,35%, ບໍລິສັດ ທີເອັຊບີ (THB) ກຣຸບຈໍາກັດຜູ້ດຽວເປັນຜູ້ຮັບເໝົາກໍ່ສ້າງ ໂດຍມີບໍລິສັດລັດວິສາຫະກິດສໍາຫຼວດອອກແບບ ແລະວິໄຈວັດສະດຸກໍ່ສ້າງເປັນທີ່ປຶກສາ,ເນື່ອງຈາກວ່າອຳນາດການປົກຄອງພາຍໃນແຂວງໄດ້ມີແຜນຂະຫຍາຍເສັ້ນທາງເວັ້ນຕົວເມືອງ ໂດຍເຫັນດີໃຫ້ຍົກຍ້າຍຈຸດເລີ່ມຕົ້ນຂອງໂຄງການ ແລະ ຂະຫຍາຍຄວາມກວ້າງຂອງໜ້າທາງລົດແລ່ນອອກໄປຕື່ມອີກ ຈຶ່ງເຮັດໃຫ້ຄວາມຍາວຂອງເສັ້ນທາງຍາວທັງໝົດ 95 ກິໂລແມັດ, ຄວາມກວ້າງໜ້າທາງລົດແລ່ນ 13 ແມັດ, 9 ແມັດ, 7ແມັດ ແລະ 6 ແມັດຕາມລໍາດັບ, ເປັນທາງປະເພດ 4, ປູຢາງ 2 ຊັ້ນປະກອບມີຂົວເບຕົງ 4 ແຫ່ງ, ຍາວ 174 ແມັດ, ທໍ່ລ່ຽມ 46 ແຫ່ງ ແລະ ທໍ່ກົມ 206 ແຫ່ງ. ໄດ້ກໍ່ສ້າງລະບົບໄຟເຍືອງທາງ, ກໍ່ສ້າງທາງຄົນຍ່າງສອງຟາກຂ້າງ, ກໍ່ສ້າງຂຸມພັກນໍ້າ, ທໍ່ລະບາຍນໍ້າຂ້າງທາງສອງເບື້ອງ ແລະ ແຕ້ມເສັ້ນຂອບທາງຕາມລວງຍາວຂອງເສັ້ນທາງຊ້ວງ 3.500 ແມັດ.
ໂອກາດນີ້, ທ່ານ ບຸນທະວີ ນະຄອນສິດ ກ່າວວ່າ: ຈຸດເລີ່ມຕົ້ນຂອງໂຄງການແມ່ນຕັ້ງຢູ່ເທດສະບານເມືອງລະມາມແຂວງເຊກອງ ແລະ ສິ້ນສຸດຢູ່ຂອບເຂດເມືອງດາກຈຶງ ຊຶ່ງເປັນໂຄງການໜຶ່ງທີ່ມີຄວາມໝາຍ, ຄວາມສໍາຄັນດ້ານການຄົມມະນາຄົມຂົນສົ່ງທີ່ຕິດພັນກັບການພັດທະນາເສດຖະກິດ-ສັງຄົມ. ເປັນເສັ້ນທາງເຊື່ອມຕໍ່, ເຊື່ອມຈອດລະຫວ່າງຈັງຫວັດອຸບົນລາດສະທານີ (ປະເທດໄທ) ຜ່ານດ່ານຊ່ອງເມັກ-ວັງເຕົ່າ (ແຂວງຈຳປາສັກ), ຜ່ານເທດສະບານເມືອງລະມາມແຂວງເຊກອງອອກສູ່ເມືອງດາກຈຶງເຂົ້າຫາຊາຍແດນລາວ-ຫວຽດນາມ (ແຂວງດານັງ). ທາງເລກທີ 16B ເມື່ອກໍ່ສ້າງສຳເລັດຈະຊ່ວຍປັບປຸງເສດຖະກິດ, ລະບົບພື້ນຖານໂຄງລ່າງຂອງແຂວງເຊກອງໃຫ້ເຂັ້ມແຂງດີຂຶ້ນເທື່ອລະກ້າວ. ເວົ້າລວມ, ເວົ້າສະເພາະແມ່ນປະຊາຊົນບັນດາເຜົ່າທີ່ດຳລົງຊີວິດ, ຕັ້ງຖິ່ນຖານພູມລໍາເນົາຢູ່ລຽບຕາມສາຍທາງທີ່ອາໄສຢູ່ໃກ້ຄຽງກັບເສັ້ນທາງດັ່ງກ່າວສາມາດໄປ-ມາຫາສູ່, ຄ້າຂາຍ ແລະ ບໍລິການອື່ນໆສະດວກວ່ອງໄວຂຶ້ນກວ່າເກົ່າ. ໂອກາດນີ້, ທ່ານ ບຸນທະວີ ນະຄອນສິດໃຫ້ກຽດກ່າວມອບ ແລະ ກ່າວຮັບໂດຍທ່ານ ພິດສະພົນ ພີລາວົງ.
ຂ່າວ-ພາບ:ພຸດທະສອນ
ຄໍາເຫັນ