ພິທີສະເຫຼີມສະຫຼອງວັນແມ່ຍິງສາກົນ 8 ມີນາ ຄົບຮອບ 114 ປີ (8 ມີນາ 1910-8 ມີນາ 2024) ພາຍໃຕ້ຄໍາຂັວນ ”ລົງທຶນການເລັ່ງໃສ່ການພັດທະນາຄວາມກ້າວໜ້າຂອງແມ່ຍິງ“ ໄດ້ຈັດຂຶ້ນໃນວັນທີ 7 ມີນາຜ່ານມານີ້, ທີ່ສະໂມສອນແຂວງເຊກອງ ໂດຍການເປັນປະທານຂອງທ່ານ ນາງ ບຸນຮຽງ ບຸນຈິດ ກຳມະການປະຈຳພັກແຂວງປະທານແນວລາວສ້າງຊາດແຂວງເຊກອງ. ມີທ່ານ ນາງ ວິໄລວັນ ດາລາສີນ ກຳມະການພັກແຂວງປະທານສະຫະພັນແມ່ຍິງແຂວງ, ມີບັນດາພາກສ່ວນກ່ຽວຂ້ອງອ້ອມຂ້າງແຂວງແລະ ພະນັກງານອາວຸໂສປະຕິວັດເຂົ້າຮ່ວມ.
ໃນພິທີ, ທ່ານ ນາງ ວິໄລວັນ ດາລາສີນ ໄດ້ຍົກໃຫ້ເຫັນປະຫວັດຄວາມເປັນມາໃນການກຳເນີດຂອງວັນແມ່ຍິງສາກົນໂດຍຫຍໍ້ວ່າ: ວັນແມ່ຍິງສາກົນໄດ້ກຳເນີດຂຶ້ນໃນທ່າມກາງສະພາບເສດຖະກິດຂອງພວກສັກດີນາ ແລະ ນາຍທຶນຂະຫຍາຍຕົວ ມັນໄດ້ສ້າງຄວາມຮັ່ງມີໃຫ້ແກ່ເຂົາເຈົ້າ ແຕ່ຊໍ້າພັດໄດ້ສ້າງຄວາມທຸກຍາກລຳບາກໃຫ້ແກ່ຊາວຜູ້ອອກແຮງງານໂດຍສະເພາະແມ່ນກຳມະກອນຜູ້ຍິງ, ໃນວັນທີ 8 ມີນາ ປີ 1908 ແມ່ຍິງຈຳນວນ 15 ພັນຄົນໄດ້ເດີນຂະບວນຢູ່ເມືອງນິວຢອກເພື່ອທວງໃຫ້ນາຍທຶນຫຼຸດຜ່ອນຊົ່ວໂມງເຮັດວຽກ,ຢຸດເຊົາການຂູດຮີດແຮງງານເດັກແລະທວງໃຫ້ແມ່ຍິງມີສິດໃນການອອກສຽງເລືອກຕັ້ງ, ຈົນມາເຖິງປີ 1910 ຂະບວນການຕໍ່ສູ້ຂອງແມ່ຍິງໄດ້ແຜ່ຂະຫຍາຍກວ້າງອອກໄປສູ່ປະເທດນາຍທຶນຢູ່ທະວີບເອີລົບ, ວັນທີ 8 ມີນາແມ່ນເຫດການ-ການເມືອງທີ່ສຳຄັນ, ເປັນຂີດໝາຍແຫ່ງໄຊສະນະອັນພື້ນຖານຂອງຂະບວນການແມ່ຍິງສາກົນໃນການທວງເອົາສິດຜົນປະໂຫຍດອັນເປັນທຳໃຫ້ແກ່ແມ່ຍິງຊາວຜູ້ອອກແຮງງານໃນທົ່ວໂລກ, ນັບແຕ່ນັ້ນມາວັນທີ 8 ມີນາຈິງເປັນວັນ "ແມ່ຍິງສາກົນ" ໂດຍໄດ້ຮັບການສະເຫຼີມສະຫຼອງໃນຫຼາຍປະເທດທົ່ວໂລກ ຈົນເຖິງປະຈຸບັນ. ພ້ອມນີ້ ຍັງໄດ້ຜ່ານບົດສະຫຼຸບຫຍໍ້ປະຈຳປີ 2023 ແລະ ທິດທາງແຜນການປີ 2024. ຫຼັງຈາກນັ້ນ, ໄດ້ມີການຈັດກິດຈະກຳວາງສະແດງສີນຄ້າປະເພດຕ່າງໆ, ກິດຈະກໍານໍາສະເໜີຜະລິດຕະພັນ,ເປີດບັນຊີໂດຍບໍ່ໄດ້ເສຍຄ່າ ຂອງທະນາຄານພັດທະນາລາວ ແລະກິດຈະກໍາບໍລິຈາກເລືອດ ເພື່ອຊ່ວຍເຫຼືອສັງຄົມ.
(ຂ່າວ-ພາບ: ພຸດທະສອນ)
ໃນພິທີ, ທ່ານ ນາງ ວິໄລວັນ ດາລາສີນ ໄດ້ຍົກໃຫ້ເຫັນປະຫວັດຄວາມເປັນມາໃນການກຳເນີດຂອງວັນແມ່ຍິງສາກົນໂດຍຫຍໍ້ວ່າ: ວັນແມ່ຍິງສາກົນໄດ້ກຳເນີດຂຶ້ນໃນທ່າມກາງສະພາບເສດຖະກິດຂອງພວກສັກດີນາ ແລະ ນາຍທຶນຂະຫຍາຍຕົວ ມັນໄດ້ສ້າງຄວາມຮັ່ງມີໃຫ້ແກ່ເຂົາເຈົ້າ ແຕ່ຊໍ້າພັດໄດ້ສ້າງຄວາມທຸກຍາກລຳບາກໃຫ້ແກ່ຊາວຜູ້ອອກແຮງງານໂດຍສະເພາະແມ່ນກຳມະກອນຜູ້ຍິງ, ໃນວັນທີ 8 ມີນາ ປີ 1908 ແມ່ຍິງຈຳນວນ 15 ພັນຄົນໄດ້ເດີນຂະບວນຢູ່ເມືອງນິວຢອກເພື່ອທວງໃຫ້ນາຍທຶນຫຼຸດຜ່ອນຊົ່ວໂມງເຮັດວຽກ,ຢຸດເຊົາການຂູດຮີດແຮງງານເດັກແລະທວງໃຫ້ແມ່ຍິງມີສິດໃນການອອກສຽງເລືອກຕັ້ງ, ຈົນມາເຖິງປີ 1910 ຂະບວນການຕໍ່ສູ້ຂອງແມ່ຍິງໄດ້ແຜ່ຂະຫຍາຍກວ້າງອອກໄປສູ່ປະເທດນາຍທຶນຢູ່ທະວີບເອີລົບ, ວັນທີ 8 ມີນາແມ່ນເຫດການ-ການເມືອງທີ່ສຳຄັນ, ເປັນຂີດໝາຍແຫ່ງໄຊສະນະອັນພື້ນຖານຂອງຂະບວນການແມ່ຍິງສາກົນໃນການທວງເອົາສິດຜົນປະໂຫຍດອັນເປັນທຳໃຫ້ແກ່ແມ່ຍິງຊາວຜູ້ອອກແຮງງານໃນທົ່ວໂລກ, ນັບແຕ່ນັ້ນມາວັນທີ 8 ມີນາຈິງເປັນວັນ "ແມ່ຍິງສາກົນ" ໂດຍໄດ້ຮັບການສະເຫຼີມສະຫຼອງໃນຫຼາຍປະເທດທົ່ວໂລກ ຈົນເຖິງປະຈຸບັນ. ພ້ອມນີ້ ຍັງໄດ້ຜ່ານບົດສະຫຼຸບຫຍໍ້ປະຈຳປີ 2023 ແລະ ທິດທາງແຜນການປີ 2024. ຫຼັງຈາກນັ້ນ, ໄດ້ມີການຈັດກິດຈະກຳວາງສະແດງສີນຄ້າປະເພດຕ່າງໆ, ກິດຈະກໍານໍາສະເໜີຜະລິດຕະພັນ,ເປີດບັນຊີໂດຍບໍ່ໄດ້ເສຍຄ່າ ຂອງທະນາຄານພັດທະນາລາວ ແລະກິດຈະກໍາບໍລິຈາກເລືອດ ເພື່ອຊ່ວຍເຫຼືອສັງຄົມ.
(ຂ່າວ-ພາບ: ພຸດທະສອນ)
ຄໍາເຫັນ