ແຂວງເຊກອງໄດ້ຈັດພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ (20 ມັງກອນ 1949-20 ມັງກອນ 2024) ແລະ ວັນສ້າງຕັ້ງກອງບັນຊາການທະຫານແຂວງເຊກອງ ຄົບຮອບ 40 ປີ (14 ເມສາ 1984-14 ເມສາ 2024) ໃນວັນທີ 20 ມັງກອນຜ່ານມາທີ່ເດີ່ນສະໜາມແດງແຂວງ (ເດີ່ນສວນ 25 ປີ) ໂດຍການເຂົ້າຮ່ວມຂອງສະຫາຍ ເຫຼັກໄຫຼ ສີວິໄລ ເຈົ້າແຂວງເຊກອງປະທານປ້ອງກັນຊາດ(ປກຊ)-ປ້ອງກັນຄວາມສະຫງົບ(ປກສ)ແຂວງ, ມີສະຫາຍ ພົຈວ ສົມທອງ ດອນກັນນ້ອຍ ຫົວໜ້າການເມືອງກອງບັນຊາການທະຫານແຂວງ, ມີການນໍາ-ອະດີດການນໍາແຂວງ, ພະນັກງານ-ນັກຮົບກ່ຽວຂ້ອງເຂົ້າຮ່ວມ.
ສະຫາຍ ເຫຼັກໄຫຼ ສີວິໄລ ກ່າວວ່າ: 75 ປີ ພາຍໃຕ້ການນໍາພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ ແລະ 40 ປີພາຍໃຕ້ການຊີ້ນໍາຂອງຄະນະພັກແຂວງ, ກອງທັບປະຊາຊົນລາວ ແລະ ກອງບັນຊາການທະຫານແຂວງ ໄດ້ພ້ອມກັບປະຊາຊົນບັນດາເຜົ່າດຳເນີນການປະຕິວັດຕໍ່ສູ້ກູ້ຊາດຕ້ານຈັກກະພັດຜູ້ຮຸກຮານ ແລະ ເຮັດສຳເລັດໜ້າທີ່ການປະຕິວັດຊາດ ປະຊາທິປະໄຕປົດປ່ອຍປະເທດຊາດຢ່າງສົມບູນໃນວັນທີ 2 ທັນວາ 1975, ປົກປັກຮັກສາໝາກຜົນຂອງການປະຕິວັດ-ປົກປັກຮັກສາອຳນາດອະທິປະໄຕຜືນແຜ່ນດິນອັນຄົບຖ້ວນ ຂອງປະເທດຊາດກໍຄືທ້ອງຖິ່ນໄວ້ໄດ້ຢ່າງໝັ້ນຄົງ.ປະກອບສ່ວນເຂົ້າໃນການສ້າງສາພັດທະນາປະເທດຊາດກໍຄື ແຂວງເຊກອງຕາມພາລະກິດປ່ຽນແປງໃໝ່ຂອງພັກ, ໃນພາລະກຳປະຫວັດສາດດັ່ງກ່າວ, ກອງທັບປະຊາຊົນລາວ ແລະ ກອງບັນຊາການທະຫານແຂວງເຊກອງ, ສ້າງໄດ້ທາດແທ້ ແລະ ມູນເຊື້ອອັນສະຫງ່າງາມຕະຫຼອດມາ, ພ້ອມທັງເສີມຂະຫຍາຍ ແລະ ເພີ່ມພູນຄູນສ້າງໃຫ້ນັບມື້ມີຄຸນນະພາບດີຂຶ້ນເລື້ອຍໆ. ກອງທັບປະຊາຊົນລາວ ແມ່ນພັກປະຊາຊົນປະຕິວັດລາວເປັນຜູ້ກໍ່ຕັ້ງ, ນໍາພາ ແລະ ສຶກສາອົບຮົມ ຍາມໃດກໍມີຄວາມຈົງຮັກພັກດີຕໍ່ພັກ, ຕໍ່ປະຊາຊົນ, ຕໍ່ປະເທດຊາດ ແລະ ອຸດົມການສັງຄົມນິຍົມ, ພຶດຕິກຳແຫ່ງການຕໍ່ສູ້ກູ້ຊາດ, ຮັກສາເຂດນໍ້າແດນດິນ ໄດ້ຢັ້ງຢືນຢ່າງຈະແຈ້ງວ່າ: “ ກອງທັບປະຊາຊົນລາວ ແມ່ນກຳເນີດມາຈາກປະຊາຊົນ ໂດຍປະຊາຊົນ ແລະ ເພື່ອປະຊາຊົນ “ ມີຄວາມຈົງຮັກພັກດີ, ມີຄວາມບໍລິສຸດຜຸດຜ່ອງ, ມີລະບຽບແບບແຜນທີ່ເຂັ້ມງວດ, ເດັດດຽວໜຽວແໜ້ນ, ພິລະອາດຫານ, ມີນໍ້າໃຈເສຍສະຫຼະອັນສູງສົ່ງຕໍ່ສູ້ເພື່ອຊາດ ແລະ ເພື່ອອຸດົມການສັງຄົມນິຍົມ.
ສະຫາຍ ເຫຼັກໄຫຼ ສີວິໄລ ກ່າວເນັ້ນຕື່ມອີກວ່າ: 75 ປີ ແລະ 40 ປີແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວພາຍໃຕ້ການນຳພາຂອງພັກ ແມ່ນປະຫວັດສາດແຫ່ງການທົດສອບອັນໃຫຍ່ຫຼວງໃນການຕໍ່ສູ້ອັນຍືດເຍື້ອຍາວນານ ເພື່ອຍາດເອົາຄວາມເປັນເອກະລາດແຫ່ງຊາດ, ຕະຫຼອດໄລຍະທາງອັນລະອິດລະອ້ຽວ, ຫຍຸ້ງຍາກ-ລຳບາກທີ່ສຸດນັ້ນ, ກຳລັງປະກອບອາວຸດໄດ້ປັບປຸງ ແລະ ກໍ່ສ້າງຕົນເອງໃຫ້ເຂັ້ມແຂງ ແລະ ທັນສະໄໝ, ເຮັດໜ້າທີ່ເຄື່ອນໄຫວສູ້ຮົບ, ກຽມພ້ອມສູ້ຮົບ ແລະ ຂົນຂວາຍກໍ່ສ້າງຮາກຖານການເມືອງ, ເພີ່ມພູນຜະລິດຜົນ, ສ້າງພະລາທິການກັບທີ່, ຕັ້ງໜ້າເຮັດວຽກງານປ້ອງກັນຊາດ ສາມາດທັບມ້າງທຸກກົນອຸບາຍຂອງພວກຈັກກະພັດ ແລະ ບັນດາອິດທິກຳລັງປໍລະປັກເຮັດໃຫ້ປະເທດຊາດກໍຄື ແຂວງເຊກອງມີຄວາມສະຫງົບປອດໄພໝັ້ນຄົງ.
ຂ່າວ-ພາບ: ສັນຍາ
ສະຫາຍ ເຫຼັກໄຫຼ ສີວິໄລ ກ່າວວ່າ: 75 ປີ ພາຍໃຕ້ການນໍາພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ ແລະ 40 ປີພາຍໃຕ້ການຊີ້ນໍາຂອງຄະນະພັກແຂວງ, ກອງທັບປະຊາຊົນລາວ ແລະ ກອງບັນຊາການທະຫານແຂວງ ໄດ້ພ້ອມກັບປະຊາຊົນບັນດາເຜົ່າດຳເນີນການປະຕິວັດຕໍ່ສູ້ກູ້ຊາດຕ້ານຈັກກະພັດຜູ້ຮຸກຮານ ແລະ ເຮັດສຳເລັດໜ້າທີ່ການປະຕິວັດຊາດ ປະຊາທິປະໄຕປົດປ່ອຍປະເທດຊາດຢ່າງສົມບູນໃນວັນທີ 2 ທັນວາ 1975, ປົກປັກຮັກສາໝາກຜົນຂອງການປະຕິວັດ-ປົກປັກຮັກສາອຳນາດອະທິປະໄຕຜືນແຜ່ນດິນອັນຄົບຖ້ວນ ຂອງປະເທດຊາດກໍຄືທ້ອງຖິ່ນໄວ້ໄດ້ຢ່າງໝັ້ນຄົງ.ປະກອບສ່ວນເຂົ້າໃນການສ້າງສາພັດທະນາປະເທດຊາດກໍຄື ແຂວງເຊກອງຕາມພາລະກິດປ່ຽນແປງໃໝ່ຂອງພັກ, ໃນພາລະກຳປະຫວັດສາດດັ່ງກ່າວ, ກອງທັບປະຊາຊົນລາວ ແລະ ກອງບັນຊາການທະຫານແຂວງເຊກອງ, ສ້າງໄດ້ທາດແທ້ ແລະ ມູນເຊື້ອອັນສະຫງ່າງາມຕະຫຼອດມາ, ພ້ອມທັງເສີມຂະຫຍາຍ ແລະ ເພີ່ມພູນຄູນສ້າງໃຫ້ນັບມື້ມີຄຸນນະພາບດີຂຶ້ນເລື້ອຍໆ. ກອງທັບປະຊາຊົນລາວ ແມ່ນພັກປະຊາຊົນປະຕິວັດລາວເປັນຜູ້ກໍ່ຕັ້ງ, ນໍາພາ ແລະ ສຶກສາອົບຮົມ ຍາມໃດກໍມີຄວາມຈົງຮັກພັກດີຕໍ່ພັກ, ຕໍ່ປະຊາຊົນ, ຕໍ່ປະເທດຊາດ ແລະ ອຸດົມການສັງຄົມນິຍົມ, ພຶດຕິກຳແຫ່ງການຕໍ່ສູ້ກູ້ຊາດ, ຮັກສາເຂດນໍ້າແດນດິນ ໄດ້ຢັ້ງຢືນຢ່າງຈະແຈ້ງວ່າ: “ ກອງທັບປະຊາຊົນລາວ ແມ່ນກຳເນີດມາຈາກປະຊາຊົນ ໂດຍປະຊາຊົນ ແລະ ເພື່ອປະຊາຊົນ “ ມີຄວາມຈົງຮັກພັກດີ, ມີຄວາມບໍລິສຸດຜຸດຜ່ອງ, ມີລະບຽບແບບແຜນທີ່ເຂັ້ມງວດ, ເດັດດຽວໜຽວແໜ້ນ, ພິລະອາດຫານ, ມີນໍ້າໃຈເສຍສະຫຼະອັນສູງສົ່ງຕໍ່ສູ້ເພື່ອຊາດ ແລະ ເພື່ອອຸດົມການສັງຄົມນິຍົມ.
ສະຫາຍ ເຫຼັກໄຫຼ ສີວິໄລ ກ່າວເນັ້ນຕື່ມອີກວ່າ: 75 ປີ ແລະ 40 ປີແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວພາຍໃຕ້ການນຳພາຂອງພັກ ແມ່ນປະຫວັດສາດແຫ່ງການທົດສອບອັນໃຫຍ່ຫຼວງໃນການຕໍ່ສູ້ອັນຍືດເຍື້ອຍາວນານ ເພື່ອຍາດເອົາຄວາມເປັນເອກະລາດແຫ່ງຊາດ, ຕະຫຼອດໄລຍະທາງອັນລະອິດລະອ້ຽວ, ຫຍຸ້ງຍາກ-ລຳບາກທີ່ສຸດນັ້ນ, ກຳລັງປະກອບອາວຸດໄດ້ປັບປຸງ ແລະ ກໍ່ສ້າງຕົນເອງໃຫ້ເຂັ້ມແຂງ ແລະ ທັນສະໄໝ, ເຮັດໜ້າທີ່ເຄື່ອນໄຫວສູ້ຮົບ, ກຽມພ້ອມສູ້ຮົບ ແລະ ຂົນຂວາຍກໍ່ສ້າງຮາກຖານການເມືອງ, ເພີ່ມພູນຜະລິດຜົນ, ສ້າງພະລາທິການກັບທີ່, ຕັ້ງໜ້າເຮັດວຽກງານປ້ອງກັນຊາດ ສາມາດທັບມ້າງທຸກກົນອຸບາຍຂອງພວກຈັກກະພັດ ແລະ ບັນດາອິດທິກຳລັງປໍລະປັກເຮັດໃຫ້ປະເທດຊາດກໍຄື ແຂວງເຊກອງມີຄວາມສະຫງົບປອດໄພໝັ້ນຄົງ.
ຂ່າວ-ພາບ: ສັນຍາ
ຄໍາເຫັນ