ພິທີປະກາດໃບອະນຸຍາດນໍາໃຊ້ກາໝາຍສິນຄ້າໜຶ່ງເມືອງໜຶ່ງຜະລິດຕະພັນແຫ່ງຊາດ (ໂອດັອບ) ໄດ້ຈັດຂຶ້ນໃນວັນທີ3ຕຸລານີ້ທີ່ພະແນກອຸດສາຫະກໍາແລະການຄ້າແຂວງໂດຍການເຂົ້າຮ່ວມຂອງທ່ານດາວວີສວຍທະລັງສີຫົວໜ້າພະແນກອຸດສາຫະກຳແລະການຄ້າແຂວງເຊກອງ, ມີຮອງເຈົ້າເມືອງ4ເມືອງ, ຫົວໜ່ວຍທຸລະກິດຈຸນລະວິສາຫະກິດ, ວິສາຫະກິດຂະໜາດນ້ອຍແລະກາງ, ພ້ອມດ້ວຍຂະແໜງການກ່ຽວຂ້ອງເຂົ້າຮ່ວມ.
ທ່ານນາງວິລະຄອນບັນທະວີຮອງຫົວໜ້າພະແນກອຸສາຫະກໍາແລະການຄ້າໄດ້ລາຍງານກ່ຽວກັບການຈັດຕັ້ງປະຕິບັດ, ຊຸກຍູ້ສົ່ງເສີມ, ພັດທະນາຜະລິດຕະພັນສິນຄ້າທ່າແຮງແລະສິນຄ້າໂອດັອບຂອງແຂວງວ່າ: ໃນໄລຍະຊຸມປີຜ່ານມາ (ແຕ່ປີ2018) ໄດ້ອອກອະນຸຍາດນຳໃຊ້ກາໝາຍໜຶ່ງເມືອງໜຶ່ງຜະລິດຕະພັນ (ໂອດັອບ) 5ຫົວໜ່ວຍ7ລາຍການ; ນອກຈາກສິນຄ້າໂອດັອບແລ້ວຍັງມີສິນຄ້າທ່າແຮງຈໍານວນໜຶ່ງເປັນເງື່ອນໄຂທີ່ສາມາດພັດທະນາເປັນສິນຄ້າໂອດັອບໃນຕໍ່ໜ້າເຊັ່ນ: ນໍ້າຢາລ້າງຈານບ້ານແກ້ງກຽນ, ອາຫານຊົນເຜົ່າເມືອງກະລຶມ, ນໍ້າຢາເຮັດຄວາມສະອາດ (ລ້າງຈານ, ຊັກຜ້າ, ຖູພື້ນ) ບ້ານໂນນມີໄຊເມືອງລະມາມ, ນ້ຳເຜິ້ງທຳມະຊາດບ້ານດາກບົງ, ຜ້າແພຊົນເຜົ່າບ້ານດາກຕາອອກໃຫຍ່ເມືອງດາກຈິງແລະສິນຄ້າອື່ນໆ. ມາຮອດທ້າຍປີ2023ສາມາດຊຸກຍູ້ສົ່ງເສີມບັນດາສິນຄ້າທ່າແຮງໃຫ້ໄດ້ຮັບອະນຸຍາດນໍາໃຊ້ການໝາຍໜຶ່ງເມືອງໜຶ່ງຜະລິດຕະພັນ (ໂອດັອບ) ເພີ່ມອີກ6ຫົວໜ່ວຍ7ລາຍການຊຶ່ງລ້ວນແຕ່ເປັນສິນຄ້າທີ່ຜະລິດປຸງແຕ່ງດ້ວຍວັດຖຸດິບພາຍໃນທ້ອງຖິ່ນແລະຈາກພູມປັນຍາຂອງປະຊາຊົນບັນດາເຜົ່າແຂວງເຊກອງ.
ພ້ອມນີ້, ທ່ານວິໄລພອນຄໍາຜາວົງຮອງຂະແໜງສົ່ງເສີມວິສາຫະກິດແລະການຄ້າໄດ້ຜ່ານໃບອະນຸຍາດນໍາໃຊ້ກາໝາຍສິນຄ້າໜຶ່ງເມືອງໜຶ່ງຜະລິດຕະພັນແຫ່ງຊາດຊຶ່ງມີຈໍານວນ6ຫົວໜ່ວຍມີ7ລາຍການສິນຄ້າຄື: ກາເຟສະຕາດາກຈຶງ1ລາຍການ, ກາວໂສມສະກັດວີແຄ1ລາຍການ, ເຫຼົ້າບອງຣໍາດາກຈຶງ1ລາຍການ, ເຫຼົ້າບອງໂສມ, ສະບູໂສມ2ລາຍການ, ຜ້າແພຊົນເຜົ່າຕະລຽງ1ລາຍການແລະກາເຟແມ່ສີ1ລາຍການ; ມາຮອດປັດຈຸບັນລວມສິນຄ້າໂອດັອບພາຍໃນແຂວງເຊກອງມີທັງໝົດ11ຫົວໜ່ວຍ, 14ລາຍການ; ນອກຈາກນີ້ໃນພິທີຍັງໄດ້ມີການເຊັນສັນຍາການໂຄສະນາແລະຈໍາໜ່າຍສິນຄ້າທ່າແຮງແລະສິນຄ້າໂອດັອບຂອງແຂວງລະຫວ່າງເຈົ້າຂອງຜະລິດຕະພັນ6ຫົວໜ່ວຍ7ລາຍການສິນຄ້າກັບເຈົ້າຂອງສະຖານທີ່4ແຫ່ງ (ຮ້ານກາເຟສະຕາດາກຈຶງ, ທ່າແຕງຟາມ-ຣີສອດ, ໂຮງແຮມຫົງຄໍາແລະປໍ້ານໍ້າມັນປຕທ ) ຕື່ມອີກ.
ໂອກາດນີ້, ທ່ານດາວວີສວຍທະລັງສີໄດ້ຮຽກຮ້ອງໃຫ້ເຈົ້າຂອງສະຖານທີ່ນໍາເອົາສິນຄ້າທີ່ເປັນທ່າແຮງ, ສິນຄ້າໂອດັອບໄປວາງຈໍາໜ່າຍ, ໃຫ້ບໍລິການລູກຄ້າທີ່ມານໍາໃຊ້ສະຖານທີ່ທັງເປັນການກະຕຸກຊຸກຍູ້ຊ່ວຍເຫຼືອບັນດາເຈົ້າຂອງຜະລິດຕະພັນໃນການໂຄສະນາໃຫ້ເປັນທີ່ຮູ້ຈັກຂອງສັງຄົມກໍຄືຕະຫຼາດໃຫ້ນັບມື້ນັບຫຼາຍຂຶ້ນ, ພ້ອມນີ້ຂະແໜງການກ່ຽວຂ້ອງຕ້ອງໄດ້ຊຸກຍູ້ສົ່ງເສີມຂະຫຍາຍໄປຍັງສະຖານທີ່ອື່ນໆໃຫ້ຫຼາຍຂຶ້ນເລື້ອຍໆ, ສ້າງເງື່ອນໄຂອຳນວຍຄວາມສະດວກສະບາຍໃຫ້ແກ່ລູກຄ້າກໍຄືພໍ່ແມ່ປະຊາຊົນພາຍໃນແຂວງແລະຕ່າງແຂວງໃນການເຂົ້າເຖິງການບໍລິການ, ຮູ້ໄດ້ສິນຄ້າທີ່ເປັນທ່າແຮງ, ສິນຄ້າໂອດັອບຂອງແຂວງ.
(ຂ່າວ-ພາບ: ພຸດທະສອນ)
ທ່ານນາງວິລະຄອນບັນທະວີຮອງຫົວໜ້າພະແນກອຸສາຫະກໍາແລະການຄ້າໄດ້ລາຍງານກ່ຽວກັບການຈັດຕັ້ງປະຕິບັດ, ຊຸກຍູ້ສົ່ງເສີມ, ພັດທະນາຜະລິດຕະພັນສິນຄ້າທ່າແຮງແລະສິນຄ້າໂອດັອບຂອງແຂວງວ່າ: ໃນໄລຍະຊຸມປີຜ່ານມາ (ແຕ່ປີ2018) ໄດ້ອອກອະນຸຍາດນຳໃຊ້ກາໝາຍໜຶ່ງເມືອງໜຶ່ງຜະລິດຕະພັນ (ໂອດັອບ) 5ຫົວໜ່ວຍ7ລາຍການ; ນອກຈາກສິນຄ້າໂອດັອບແລ້ວຍັງມີສິນຄ້າທ່າແຮງຈໍານວນໜຶ່ງເປັນເງື່ອນໄຂທີ່ສາມາດພັດທະນາເປັນສິນຄ້າໂອດັອບໃນຕໍ່ໜ້າເຊັ່ນ: ນໍ້າຢາລ້າງຈານບ້ານແກ້ງກຽນ, ອາຫານຊົນເຜົ່າເມືອງກະລຶມ, ນໍ້າຢາເຮັດຄວາມສະອາດ (ລ້າງຈານ, ຊັກຜ້າ, ຖູພື້ນ) ບ້ານໂນນມີໄຊເມືອງລະມາມ, ນ້ຳເຜິ້ງທຳມະຊາດບ້ານດາກບົງ, ຜ້າແພຊົນເຜົ່າບ້ານດາກຕາອອກໃຫຍ່ເມືອງດາກຈິງແລະສິນຄ້າອື່ນໆ. ມາຮອດທ້າຍປີ2023ສາມາດຊຸກຍູ້ສົ່ງເສີມບັນດາສິນຄ້າທ່າແຮງໃຫ້ໄດ້ຮັບອະນຸຍາດນໍາໃຊ້ການໝາຍໜຶ່ງເມືອງໜຶ່ງຜະລິດຕະພັນ (ໂອດັອບ) ເພີ່ມອີກ6ຫົວໜ່ວຍ7ລາຍການຊຶ່ງລ້ວນແຕ່ເປັນສິນຄ້າທີ່ຜະລິດປຸງແຕ່ງດ້ວຍວັດຖຸດິບພາຍໃນທ້ອງຖິ່ນແລະຈາກພູມປັນຍາຂອງປະຊາຊົນບັນດາເຜົ່າແຂວງເຊກອງ.
ພ້ອມນີ້, ທ່ານວິໄລພອນຄໍາຜາວົງຮອງຂະແໜງສົ່ງເສີມວິສາຫະກິດແລະການຄ້າໄດ້ຜ່ານໃບອະນຸຍາດນໍາໃຊ້ກາໝາຍສິນຄ້າໜຶ່ງເມືອງໜຶ່ງຜະລິດຕະພັນແຫ່ງຊາດຊຶ່ງມີຈໍານວນ6ຫົວໜ່ວຍມີ7ລາຍການສິນຄ້າຄື: ກາເຟສະຕາດາກຈຶງ1ລາຍການ, ກາວໂສມສະກັດວີແຄ1ລາຍການ, ເຫຼົ້າບອງຣໍາດາກຈຶງ1ລາຍການ, ເຫຼົ້າບອງໂສມ, ສະບູໂສມ2ລາຍການ, ຜ້າແພຊົນເຜົ່າຕະລຽງ1ລາຍການແລະກາເຟແມ່ສີ1ລາຍການ; ມາຮອດປັດຈຸບັນລວມສິນຄ້າໂອດັອບພາຍໃນແຂວງເຊກອງມີທັງໝົດ11ຫົວໜ່ວຍ, 14ລາຍການ; ນອກຈາກນີ້ໃນພິທີຍັງໄດ້ມີການເຊັນສັນຍາການໂຄສະນາແລະຈໍາໜ່າຍສິນຄ້າທ່າແຮງແລະສິນຄ້າໂອດັອບຂອງແຂວງລະຫວ່າງເຈົ້າຂອງຜະລິດຕະພັນ6ຫົວໜ່ວຍ7ລາຍການສິນຄ້າກັບເຈົ້າຂອງສະຖານທີ່4ແຫ່ງ (ຮ້ານກາເຟສະຕາດາກຈຶງ, ທ່າແຕງຟາມ-ຣີສອດ, ໂຮງແຮມຫົງຄໍາແລະປໍ້ານໍ້າມັນປຕທ ) ຕື່ມອີກ.
ໂອກາດນີ້, ທ່ານດາວວີສວຍທະລັງສີໄດ້ຮຽກຮ້ອງໃຫ້ເຈົ້າຂອງສະຖານທີ່ນໍາເອົາສິນຄ້າທີ່ເປັນທ່າແຮງ, ສິນຄ້າໂອດັອບໄປວາງຈໍາໜ່າຍ, ໃຫ້ບໍລິການລູກຄ້າທີ່ມານໍາໃຊ້ສະຖານທີ່ທັງເປັນການກະຕຸກຊຸກຍູ້ຊ່ວຍເຫຼືອບັນດາເຈົ້າຂອງຜະລິດຕະພັນໃນການໂຄສະນາໃຫ້ເປັນທີ່ຮູ້ຈັກຂອງສັງຄົມກໍຄືຕະຫຼາດໃຫ້ນັບມື້ນັບຫຼາຍຂຶ້ນ, ພ້ອມນີ້ຂະແໜງການກ່ຽວຂ້ອງຕ້ອງໄດ້ຊຸກຍູ້ສົ່ງເສີມຂະຫຍາຍໄປຍັງສະຖານທີ່ອື່ນໆໃຫ້ຫຼາຍຂຶ້ນເລື້ອຍໆ, ສ້າງເງື່ອນໄຂອຳນວຍຄວາມສະດວກສະບາຍໃຫ້ແກ່ລູກຄ້າກໍຄືພໍ່ແມ່ປະຊາຊົນພາຍໃນແຂວງແລະຕ່າງແຂວງໃນການເຂົ້າເຖິງການບໍລິການ, ຮູ້ໄດ້ສິນຄ້າທີ່ເປັນທ່າແຮງ, ສິນຄ້າໂອດັອບຂອງແຂວງ.
(ຂ່າວ-ພາບ: ພຸດທະສອນ)
ຄໍາເຫັນ