ແລະ ປ່າໄມ້)ຮ່ວມກັບ ບໍລິສັດ ລາວ ໂທລະຄົມມະນາຄົມ ມະຫາຊົນ ເພື່ອສຶກສາຄວາມເປັນໄປໄດ້ ໃນການຮ່ວມມືທົດລອງນໍາໃຊ້ເຕັກໂນໂລຊີເຂົ້າໃນການປະເມີນ ແລະວັດແທກປ່າໄມ້(Forest Assessment and Measurement).
ໃຫ້ກຽດລົງນາມໃນສັນຍາ ໂດຍທ່ານ ສົມຫວັງ ພິມມະວົງຫົວໜ້າ ກົມປ່າໄມ້ ແລະ ທ່ານ ສຸພົນ ຈັນທະວີໄຊຜູ້ອໍານວຍການໃຫຍ່ ບໍລິສັດ ລາວໂທລະຄົມມະນາຄົມ ມະຫາຊົນ, ໃຫ້ກຽດເຂົ້າຮ່ວມເປັນສັກຂີພິຍານຂອງທ່ານ ລິນຄໍາ ດວງສະຫວັນລັດຖະມົນຕີກະຊວງກະສິກໍາ ແລະ ປ່າໄມ້ແລະ ທ່ານ ບໍ່ວຽງຄໍາ ວົງດາລາລັດຖະມົນຕີກະຊວງເຕັກໂນໂລຊີ ແລະ ການສື່ສານພ້ອມດ້ວຍບັນດາ ຮອງລັດຖະມົນຕີ, ຄະນະກົມ, ຄະນະຜູ້ບໍລິຫານ ແລະ ພະນັກງານຂອງທັງສອງຝ່າຍ.
ຈຸດປະສົງການຮ່ວມມືໃນຄັ້ງນີ້, ໂດຍສືບເນື່ອງມາຈາກທີ່ ສປປ ລາວ ເປັນປະເທດທີ່ມີຄວາມອຸດົມສົມບູນ ທາງດ້ານຊັບພະຍາກອນທຳມະຊາດປ່າໄມ້ທີ່ມີພື້ນທີ່ກວມລວມເອົາເຖິງ 57%ຂອງພື້ນທີ່ທົ່ວປະເທດ ປ່າໄມ້ເຫຼົ່ານີ້ມີຄວາມສຳຄັນເປັນຍ່າງຍິ່ງຕໍ່ການດຳລົງຊີວິດຂອງປະຊາຊົນລາວບັນດາເຜົ່າ ແລະນັບໄດ້ວ່າເປັນແຫຼ່ງກຳເນີດຂອງຊັບພະຍາກອນທີ່ມີມູນຄ່າທາງດ້ານເສດຖະກິດເປັນອັນດັບຕົ້ນໆຂອງປະເທດທີ່ທຸກຝ່າຍຈະຕ້ອງໄດ້ຮ່ວມມືກັນໃນການປົກປັກຮັກສາໃຫ້ຍືນຍົງ,ໃນຂະນະດຽວກັນທີ່ ລາວ ໂທລະຄົມ ແລະ ໄທຄົມ ເປັນບໍລິສັດໂທລະຄົມມະນາຄົມຄົບວົງຈອນ ແລະ ມີເຕັກໂນໂລຊີຮັບຮູ້ທາງໄກ (Remote Sensing)ໂດຍນຳໃຊ້ເຕັກໂນໂລຊີອາວະກາດ (Space Tech) ທີ່ພັດທະນາໂດຍບໍລິສັດໄທຄົມ ມະຫາຊົນທີ່ສາມາດນໍາໃຊ້ເຂົ້າໃນວຽກງານການສຳຫຼວດປ່າໄມ້ເພື່ອການພັດທະນາກະສິກຳ ແລະ ປົກປັກຮັກສາປ່າໄມ້ໃຫ້ຍືນຍົງຊຶ່ງເປັນສ່ວນໜຶ່ງຂອງເປົ້າໝາຍການພັດທະນາດ້ານກະສິກໍາຂອງປະເທດ.
ພາຍໃຕ້ການຮ່ວມມືດັ່ງກ່າວ, ທັງສອງຝ່າຍຈະຮ່ວມກັນສຶກສາຄົ້ນຄວ້າ ໂດຍນຳໃຊ້ເຕັກໂນໂລຊີຮັບຮູ້ທາງໄກ (Remote Sensing)Space Tech ຂອງໄທຄົມ ເຂົ້າໃນການສຶກສາທົດລອງ ເພື່ອຄຸ້ມຄອງເນື້ອທີ່ປ່າໄມ້ 2,889 ເຮັກຕາ ທີ່ບ້ານໂພນສູງເມືອງວັງວຽງ ແຂວງວຽງຈັນເປັນເຂດທົດລອງປະສິດທິພາບຂອງການນໍາໃຊ້ເຕັກໂນໂລຊີ ເຂົ້າໃນວຽກງານກວດກາປ່າໄມ້,ການຄຸ້ມຄອງຊັບພະຍາກອນທໍາມະຊາດປ່າໄມ້ ແລະສົ່ງເສີມການຂະຫຍາຍຕົວຂອງເສດຖະກິດດີຈີຕອນ, ໂດຍສະເພາະແມ່ນການນໍາໃຊ້ເຕັກໂນໂລຊີໃນການຄຸ້ມຄອງສິ່ງແວດລ້ອມຂອງເຂດປ່າໄມ້3 ວຽກງານປະກອບມີ:1. ການຊອກຫາຈຸດຄວາມຮ້ອນ ແລະ ເຂດຮອຍເຜົາໄໝ້ຂອງໄຟປ່າ (Forest Hot Spot and Burn Scar Detection) ເພື່ອລະບຸຈຸດຄວາມຮ້ອນຈະຊ່ວຍໃນການກວດຫາ ແລະ ຕິດຕາມໄຟໄໝ້ປ່າໄດ້ໄວ, ຂໍ້ມູນທີ່ໄດ້ມາຈະຊ່ວຍໃນການປະເມີນສະພາບການແລະດໍາເນີນກະກຽມຄວາມພ້ອມໃນການປ້ອງກັນ ຄວບຄຸມໄຟປ່າໃຫ້ທ່ວງທັນກັບເຫດການ, 2. ການຊອກຫາພື້ນທີ່ປ່າໄມ້ທີ່ມີການບຸກລຸກ(Forest EnrochementDetection)ຈະຊ່ວຍໃນການກວດກາການປ່ຽນແປງຂອງປ່າໄມ້, ລວມທັງການບຸກລຸກ ຫຼືການຕັດໄມ້ທຳລາຍປ່າໄດ້ຢ່າງມີປະສິດທິຜົນ ແລະ 3. ປະເມີນການສະສົມກາກບອນປ່າໄມ້ (Forest CarbonSequestration)ເພື່ອຊ່ວຍໃຫ້ການປະເມີນປະລິມານການສະສົມກາກບອນປ່າໄມ້ ມີຄວາມຖືກຕ້ອງສູງ, ການປະເມີນນີ້ຈະຖືກສົມທຽບ ຄຽງຄູ່ກັບຂໍ້ມູນຈາກການສໍາຫຼວດພາກພື້ນດິນ ເພື່ອໃຫ້ໄດ້ທັດສະນະລວມ ແລະ ຄວາມເຂົ້າໃຈຢ່າງລະອຽດໂດຍການຄາດຄະເນທີ່ຖືກຕ້ອງ ແລະ ຊັດເຈນ.ລວມເຖິງການສະໜັບສະໜູນນະວັດຕະກໍາ ໃນການພັດທະນາສີຂຽວແບບຍືນຍົງ ຊຶ່ງໃນປັດຈຸບັນບັນດາປະເທດທົ່ວໂລກ ຕ່າງກໍໄດ້ໃຫ້ຄວາມສຳຄັນໃນວຽກງານສິ່ງແວດລ້ອມສີຂຽວແບບຍືນຍົງເຊັ່ນດຽວກັນ.
(ຂ່າວ: ລລທ, ພາບ: ແສງຈັນ)
ຄໍາເຫັນ