ພິທີເຊັນສັນຍາການສະໜອງ ແລະ ຕິດຕັ້ງລະບົບເກັບເງິນຄ່າໂດຍສານອັດຕະໂນມັດ (Contract Signing for Supply and Installation of Automatic Fare Collection) (AFC) ເລກທີສັນຍາ VSUTP-ICB-CQ5 2022 ໂຄງການຂົນສົ່ງແບບຍືນຍົງໃນຕົວເມືອງນະຄອນຫຼວງວຽງຈັນ(ນວ) ໂດຍນໍາໃຊ້ທຶນກູ້ຢືມຈາກທະນາຄານພັດທະນາອາຊີ (ADB)ມູນຄ່າສັນຍາ 860.000 ໂດລາລະຫວ່າງກົມຂົນສົ່ງກະຊວງໂຍທາທິການ ແລະ ຂົນສົ່ງ (ຍທຂ)ແລະ ບໍລິສັດ ທີ່ປຶກສາຄາຮສ ເອັນຈີເນຍຣິ່ງຈຳກັດ (ນະຄອນປັກກິ່ງ)ໄດ້ຈັດຂຶ້ນໃນວັນທີ 6 ທັນວາຜ່ານມາ ທີ່ໂຮງແຮມເມືອງແທັງ ນະຄອນຫຼວງວຽງຈັນ ຮ່ວມລົງນາມໃນຄັ້ງນີ້ມີທ່ານ ບຸນຕາ ອ່ອນນາວົງ ຫົວໜ້າກົມຂົນສົ່ງກະຊວງ ຍທຂ ແລະ ທ່ານ ຄຣິດ ກຸຍ (Chris Gui)ຕາງໜ້າບໍລິສັດທີ່ປຶກສາຄາຮສ ເອັນຈີເນຍຣິ່ງຈຳກັດ (ນະຄອນປັກກິ່ງ) ໂດຍການເຂົ້າຮ່ວມເປັນສັກຂີພິຍານຂອງທ່ານ ລັນ ແສງອາພອນ ຮອງລັດຖະມົນຕີ ກະຊວງ ຍທຂ, ມີທ່ານ ພູວົງ ວົງຄຳຊາວ ຮອງເຈົ້າຄອງນວພ້ອມດ້ວຍພາກສ່ວນກ່ຽວຂ້ອງສອງຝ່າຍເຂົ້າຮ່ວມ.
ທ່ານ ຄຳພັນ ວັນທະນາ ຫົວໜ້າຂົນສົ່ງຍືນຍົງຕົວເມືອງ ນວ ລາຍງານໃຫ້ຮູ້ວ່າ: ການເຊັນສັນຍາໃນຄັ້ງນີ້ ແມ່ນອີງຕາມຂໍ້ຕົກລົງຂອງລັດຖະມົນຕີກະຊວງ ຍທຂ ສະບັບເລກທີ 32161/ຍທຂ, ລົງວັນທີ 14/11/2023 ອຸປະກອນປະກອບມີ: ເຄື່ອງກວດບັດ ຫຼື Validator ແລະ ອຸປະກອນຄົບຊຸດຈຳນວນ 130 ຊຸດ; ບັດ Smart Card ຈຳນວນ 50.000 ບັດ (ເບື້ອງຕົ້ນ) ແບບຕື່ມເງິນ (top up); ເຄື່ອງມືກວດກາ (Handheld & GMS) ຈຳນວນ 10 ໜ່ວຍ; ລະບົບ Back up ແລະ disaster recovery ທີ່ມີສູນຂໍ້ມູນ (data base) ຢູ່ລາວ ຊຶ່ງມີໄລຍະຄ້ຳປະກັນແບ່ງເປັນ 2 ປະເພດຄື: Hardware 1 ປີ, ສ່ວນ Software 5 ປີຊຶ່ງໄດ້ມີການຕິດຕັ້ງເຄື່ອງ Validator ຢູ່ນວ ໃນເດືອນ 6 ປີ 2023 ແລະ ຕິດຕັ້ງອຸປະກອນເສີມອື່ນໆໃນເດືອນ 9 ປີ 2023; ການຝຶກອົບຮົມ ແລະ ຊ່ວຍສະໜັບສະໜູນດ້ານເຕັກນິກບໍ່ເສຍຄ່າ 2 ປີແລະອື່ນໆ. ພ້ອມນີ້ລະບົບເກັບຄ່າໂດຍສານອັດຕະໂນມັດຈະຕອບໂຈດໃນການຊຳລະຄ່າໂດຍສານ BRT ເປັນຕົ້ນຄວາມສະດວກ, ວ່ອງໄວ, ໂປ່ງໃສ ສາມາດກວດສອບໄດ້ ເພາະວ່າການຊຳລະແມ່ນຜ່ານບັດຕື່ມເງິນທີ່ບໍ່ແມ່ນເງິນສົດຄືແຕ່ກ່ອນດ້ວຍເຄື່ອງມືທີ່ເປັນນະວັດຕະກຳ ແລະ ຖືກນຳໃຊ້ກັບລະບົບການຂົນສົ່ງສາທາລະນະຢູ່ຫຼາຍປະເທດ ຊຶ່ງມີລະບົບຊັອບແວ ແລະ ມີລາຍເຊັນຮັບຮອງການປະຕິບັດງານສາມາດເວົ້າໄດ້ວ່າ ເຄື່ອງມືດັ່ງກ່າວຈະສ້າງຄວາມໝັ້ນໃຈ ແລະ ຄວາມເພີ່ງພໍໃຈແກ່ຜູ້ມາຊົມໃຊ້ລົດເມ BRT. ນອກຈາກນັ້ນລະບົບດັ່ງກ່າວຍັງສາມາດພັດທະນາ ເພື່ອຕໍ່ຍອດເຂົ້າຫາການບໍລິການຂົນສົ່ງສາທາລະນະປະເພດອື່ນໆຢູ່ປະເທດລາວໃນອະນາຄົດ.
(ຂ່າວ: ວັນເພັງ, ພາບ: ຕຸໄລເພັດ)
ທ່ານ ຄຳພັນ ວັນທະນາ ຫົວໜ້າຂົນສົ່ງຍືນຍົງຕົວເມືອງ ນວ ລາຍງານໃຫ້ຮູ້ວ່າ: ການເຊັນສັນຍາໃນຄັ້ງນີ້ ແມ່ນອີງຕາມຂໍ້ຕົກລົງຂອງລັດຖະມົນຕີກະຊວງ ຍທຂ ສະບັບເລກທີ 32161/ຍທຂ, ລົງວັນທີ 14/11/2023 ອຸປະກອນປະກອບມີ: ເຄື່ອງກວດບັດ ຫຼື Validator ແລະ ອຸປະກອນຄົບຊຸດຈຳນວນ 130 ຊຸດ; ບັດ Smart Card ຈຳນວນ 50.000 ບັດ (ເບື້ອງຕົ້ນ) ແບບຕື່ມເງິນ (top up); ເຄື່ອງມືກວດກາ (Handheld & GMS) ຈຳນວນ 10 ໜ່ວຍ; ລະບົບ Back up ແລະ disaster recovery ທີ່ມີສູນຂໍ້ມູນ (data base) ຢູ່ລາວ ຊຶ່ງມີໄລຍະຄ້ຳປະກັນແບ່ງເປັນ 2 ປະເພດຄື: Hardware 1 ປີ, ສ່ວນ Software 5 ປີຊຶ່ງໄດ້ມີການຕິດຕັ້ງເຄື່ອງ Validator ຢູ່ນວ ໃນເດືອນ 6 ປີ 2023 ແລະ ຕິດຕັ້ງອຸປະກອນເສີມອື່ນໆໃນເດືອນ 9 ປີ 2023; ການຝຶກອົບຮົມ ແລະ ຊ່ວຍສະໜັບສະໜູນດ້ານເຕັກນິກບໍ່ເສຍຄ່າ 2 ປີແລະອື່ນໆ. ພ້ອມນີ້ລະບົບເກັບຄ່າໂດຍສານອັດຕະໂນມັດຈະຕອບໂຈດໃນການຊຳລະຄ່າໂດຍສານ BRT ເປັນຕົ້ນຄວາມສະດວກ, ວ່ອງໄວ, ໂປ່ງໃສ ສາມາດກວດສອບໄດ້ ເພາະວ່າການຊຳລະແມ່ນຜ່ານບັດຕື່ມເງິນທີ່ບໍ່ແມ່ນເງິນສົດຄືແຕ່ກ່ອນດ້ວຍເຄື່ອງມືທີ່ເປັນນະວັດຕະກຳ ແລະ ຖືກນຳໃຊ້ກັບລະບົບການຂົນສົ່ງສາທາລະນະຢູ່ຫຼາຍປະເທດ ຊຶ່ງມີລະບົບຊັອບແວ ແລະ ມີລາຍເຊັນຮັບຮອງການປະຕິບັດງານສາມາດເວົ້າໄດ້ວ່າ ເຄື່ອງມືດັ່ງກ່າວຈະສ້າງຄວາມໝັ້ນໃຈ ແລະ ຄວາມເພີ່ງພໍໃຈແກ່ຜູ້ມາຊົມໃຊ້ລົດເມ BRT. ນອກຈາກນັ້ນລະບົບດັ່ງກ່າວຍັງສາມາດພັດທະນາ ເພື່ອຕໍ່ຍອດເຂົ້າຫາການບໍລິການຂົນສົ່ງສາທາລະນະປະເພດອື່ນໆຢູ່ປະເທດລາວໃນອະນາຄົດ.
(ຂ່າວ: ວັນເພັງ, ພາບ: ຕຸໄລເພັດ)
ຄໍາເຫັນ