ທ່ານ ໂງມິງຫຽນ ຮອງຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ ກ່າວວ່າ: ເພື່ອນຮູ້ຫຍັງແດ່ກ່ຽວກັບຫວຽດນາມໄດ້ຈັດຂຶ້ນພາຍໃຕ້ຮູບແບບການຂຽນບົດຕອບຄຳຖາມ 5 ຂໍ້ຂອງຄະນະຮັບຜິດຊອບ. ຄຳຖາມທີ 1: ຖາມວ່າ: ຫວຽດນາມໄດ້ ແລະ ພວມກ້າວເຂົ້າສູ່ສັງກາດໃໝ່ - ສັງກາດບຸກບືນຂອງຊາດ.ທ່ານຈົ່ງໃຫ້ຮູ້ກ່ຽວກັບການກຳນົດທິດຂອງພັກກອມມູນິດຫວຽດນາມ ແລະ ຄວາມຄາດຫວັງຂອງທົ່ວພັກ, ທົ່ວປວງຊົນຫວຽດນາມກ່ຽວກັບສັງກາດບຸກບືນຂອງຊາດ? ມີ (20 ຄະແນນ).
ຄຳຖາມທີ 2 ເພື່ອກ້າວເຂົ້າສູ່ສັງກາດໃໝ່ - ສັງກາດບຸກບືນຂອງຊາດ, ຫວຽດນາມ ພວມຜັນຂະຫຍາຍການປະຕິບັດພາລະກິດປະຕິວັດຫັນກົງຈັກລັດໃຫ້ເປັນກະທັດຮັດຕາມມະຕິເລກທີ 18 ລົງວັນທີ 25 ຕຸລາ 2017 ວ່າດ້ວຍ “ບາງບັນຫາກ່ຽວກັບການສືບຕໍ່ປ່ຽນແປງໃໝ່, ສັບຊ້ອນກົງຈັກຂອງລະບົບການເມືອງໃຫ້ກະທັດຮັດ, ເຄື່ອນໄຫວຢ່າງມີປະສິດທິພາບ, ປະສິດທິຜົນ” ແລະ ບັນດາການບຸກທະລຸໃນການພັດທະນາວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນປະເທດຊາດເປັນດີຈີຕອນອີງຕາມມະຕິເລກທີ 57-NĐ/TW (57-ມຕ/ສກ) ລົງວັນທີ 22 ທັນວາ 2024 ຂອງກົມການເມືອງ ກ່ຽວກັບການບຸກທະລຸໃນການພັດທະນາວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນປະເທດຊາດເປັນດີຈີຕອນ.
- ຕາມຄວາມເຂົ້າໃຈຂອງທ່ານການປະຕິວັດຫັນກົງຈັກລັດໃຫ້ກະທັດຮັດຕາມມະຕິເລກທີ 18 ໄດ້ສວມບົດບາດຄືແນວໃດໃນການສ້າງຖັນແຖວພະນັກງານຂອງຫວຽດນາມ ໃນໄລຍະພັດທະນາໃໝ່ຂອງຫວຽດນາມ?/
- ຈົ່ງໃຫ້ຮູ້ 5 ບາດກ້າວບຸກທະລຸເພື່ອພັດທະນາວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນເປັນດີຈີຕອນຂອງມະຕິເລກທີ 57 ຂອງກົມການເມືອງ ກ່ຽວກັບການບຸກທະລຸໃນການພັດທະນາວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນປະເທດຊາດເປັນດີຈີຕອນ ແມ່ນຫຍັງ ?/
- ມະຕິດັ່ງກ່າວເຕື້ອງເຖິງຫຍັງກ່ຽວກັບທັດສະນະປຶກສາຫາລືທີ່ວ່າ: ແນະນຳສີສັນວັດທະນະທຳຂອງຫວຽດນາມ ໄປສູ່ໂລກ, ນຳເອົາ ສິ່ງຍອດຍິ່ງຂອງວັດທະນະທຳໂລກ ເຂົ້າມາ ຫວຽດນາມ ? ມີ (30 ຄະແນນ).
ຄໍາຖາມ ທີ 3: ໃນປີ 2025, ຫວຽດນາມວາງເປົ້າໝາຍ GDP ບັນລຸລະດັບເຕີບໂຕ 8% ຂຶ້ນໄປ.ທ່ານຈົ່ງໃຫ້ຮູ້ວ່າ ລັດຖະບານຫວຽດນາມໄດ້ ແລະ ພວມປະຕິບັດບັນດາມາດຕະການແກ້ໄຂຢ່າງຂ້ຽວຂາດ, ຄົບຊຸດແນວໃດແດ່ເພື່ອສ້າງບາດກ້າວບຸກທະລຸຢ່າງເຂັ້ມແຂງກ່ຽວກັບລະບອບລະບຽບການ, ການແກ້ໄຂບັນດາຈຸດອຸດຕັນ ແລະ ສິ່ງກີດຂວາງເພື່ອບັນລຸເປົ້າໝາຍການເຕີບໂຕດັ່ງກ່າວ ? ມີ (10ຄະແນນ).
ຄໍາຖາມທີ 4: ຫວຽດນາມຈະຈັດພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງ (ສະຖາປະນາ) ປະເທດຊາດ (2 ກັນຍາ 1945 – 2 ກັນຍາ 2025); 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ (30 ເມສາ 1975 – 30 ເມສາ 2025) ໃນປີ 2025. ນີ້ແມ່ນບັນດາຂີດໝາຍສຳຄັນໃນປະຫວັດສາດແຫ່ງການພັດທະນາຂອງປະເທດຫວຽດນາມ. ຕາມເພື່ອນແລ້ວ, ບົດບາດແລະ ທີ່ຕັ້ງຂອງຫວຽດນາມບົນເວທີສາກົນໃນປັດຈຸບັນມີຄືແນວໃດ ? ມີ (10 ຄະແນນ).
ຄຳຖາມທີ 5: ວິທະຍຸກະຈາຍສຽງຫວຽດນາມຈະຈັດພິທີສະເຫຼີມສະຫຼອງ 80 ປີແຫ່ງວັນສ້າງຕັ້ງ (7 ກັນຍາ 1945 – 7 ກັນຍາ 2025) ໃນວັນທີ 7 ກັນຍາ 2025.
- ທ່ານຮັບຟັງວິທະຍຸກະຈາຍສຽງຫວຽດນາມໄດ້ດົນປານໃດແລ້ວ ? ລາຍການໃດຂອງວິທະຍຸກະຈາຍສຽງຫວຽດນາມທີ່ທ່ານມັກ ແລະ ຟັງເປັນປະຈຳ ? ຕາມແນວຄິດຂອງທ່ານແລ້ວ, ວິທະຍຸກະຈາຍສຽງຫວຽດນາມຕ້ອງປັບປຸງແນວໃດໃຫ້ເຂົ້າກັບການຫັນປ່ຽນທາງເຕັກໂນໂລຊີທີ່ທັນສະໄໝເພື່ອຕອບສະໜອງໃຫ້ໄດ້ຕາມຄວາມຕ້ອງການຂອງທ່ານຜູ້ຟັງສາກົນ ແລະ ສ້າງຂີດໝາຍແຫ່ງການພັດທະນາໃໝ່ໃນປະຫວັດສາດກະຈາຍສຽງຂອງຕົນ ?.
- ວິທະຍຸກະຈາຍສຽງຫວຽດນາມ ໄດ້ສວມບົດບາດຄືແນວໃດໃນຊີວິດທາງດ້ານຈິດໃຈຂອງທ່ານ ? ທ່ານຈົ່ງແບ່ງປັນຄວາມຊົງຈຳອັນເລິກເຊິ່ງຂອງຕົນກ່ຽວກັບວິທະຍຸກະຈາຍສຽງຫວຽດນາມ ? ຕາມທ່ານຄິດຈະມີຈັກຄົນເຂົ້າຮ່ວມການເສັງເພື່ອນຮູ້ຫຍັງແດ່ກ່ຽວກັບຫວຽດນາມປີ 2025 ? (ມີ 20 ຄະແນນ).
ສໍາລັບ ກະຕິກາ ແລະ ຄຳຕອບສຳລັບຄຳຖາມໃນການປະກວດຄັ້ງນີ້ເຊີນທ່ານຕິດຕາມນໍາເວັບໄຊ vovworld.vn.
ທ່ານ ຈົ່ງຕອບຄໍາຖາມດັ່ງກ່າວແລ້ວສົ່ງເຂົ້າອີເມວ laovov5@gmail.com ຫຼື ສົ່ງທາງໄປສະນີມາຍັງລາຍການໂດຍສະລັກໜ້າຊອງວ່າ: ລາຍການພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນບ່າຈ້ຽວ, ຮ່າງບ່າຍ, ເມືອງຮວ່ານກຽມ, ຮ່າໂນ້ຍ, ຫວຽດນາມ ດ້ວຍເລກລະຫັດ code 100000./
ສໍາລັບການປະກາດຜົນແມ່ນຈະຈັດຂຶ້ນໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງສະຖານີວິທະຍຸກະຈາຍສຽງຫວຽດນາມ (7 ກັນຍາ 2025). ມື້ສຸດທ້າຍຂອງການຮັບບົດແມ່ນວັນທີ 30 ມິຖຸນາ 2025 (ໄລ່ຕາມກາຈ້ຳຂອງໄປສະນີບ່ອນສົ່ງ).
ບົດຂຽນທີ່ໄດ້ຄະແນນສູງສຸດ 3 ທ່ານ ຈະໄດ້ຮັບລາງວັນ ປີ້ຍົນໄປທ່ອງທ່ຽວຫວຽດນາມ 5 ວັນ 4 ຄືນພ້ອມດ້ວຍຂອງຂວັນ. ລາງວັນຊົມເຊີຍມີ 10 ລາງວັນ, ລາງວັນໃຫ້ແກ່ຜູ້ສົ່ງບົດເຂົ້າຮ່ວມທີ່ມີອາຍຸນ້ອຍກວ່າໝູ່, ຜູ້ມີອາຍຸສູງກວ່າໝູ່, ແຕ່ລະລາງວັນມີມູນຄ່າ 2.000.000 ດົງ (ໂດຍຈະມອບເປັນວັດຖຸພັນ) ແລະ ລາງວັນບົດຂຽນທີ່ມີຄວາມລະອຽດຈະແຈ້ງ ແລະ ຈັບໃຈມີມູນຄ່າ 5.000.000 ດົງ (ໂດຍຈະມອບເປັນວັດຖຸພັນ).
ຂໍອວຍພອນໃຫ້ບັນດາທ່ານ ໂຊກດີ ແລະ ຍາດໄດ້ລາງວັນໃນການປະກວດຄັ້ງນີ້.
ຄໍາເຫັນ