ເຊເວັ່ນ ອີເລຟເວັ່ນ ສາຂາ ບ້ານສະໜາມໄຊ ໃນນະຄອນປາກເຊ ແຂວງຈຳປາສັກ ເປີດໃຫ້ບໍລິການແລ້ວ ຖືເປັນສາຂາທີ່ຕັ້ງຢູ່ຕ່າງແຂວງສາຂາທຳອິດໃນ ສປປ ລາວ ຫຼັງຈາກກ່ອນໜ້ານີ້ ບໍລິສັດ ຊີພີ ອໍລ ລາວ ຈຳກັດ ໃນກຸ່ມຊີພີ ອໍລ ໄດ້ເປີດດຳເນີນການຮ້ານຄ້າ (ຮ້ານສະດວກຊື້) ເຊເວັ່ນ ອີເລຟເວັ່ນ ມາແລ້ວ 3 ສາຂາໃນນະຄອນຫຼວງວຽງຈັນ.
ນະຄອນປາກເຊ ເປັນເມືອງທີ່ມີຄວາມສຳຄັນທາງເສດຖະກິດຂອງແຂວງຈຳປາສັກ ແລະ ຖືເປັນສູນກາງທາງເສດຖະກິດໃນພາກໃຕ້ຂອງລາວ, ມີສັກກະຍະພາບສູງ ໂດຍສະເພາະດ້ານການທ່ອງທ່ຽວ ການທີ່ເຊເວັ່ນ ອີເລຟເວັ່ນ ຊຶ່ງເປັນທຸລະກິດບໍລິການສ່ວນໜຶ່ງ ໃນພາກການທ່ອງທ່ຽວ ເຂົ້າໄປເປີດດຳເນີນການ ບໍ່ພຽງແຕ່ຈະເປັນອີກໜຶ່ງທາງເລືອກໃຫ້ຜູ້ບໍລິໂພກ ໄດ້ມີໂອກາດເຂົ້າເຖິງສິນຄ້າ ແລະ ບໍລິການຄຸນນະພາບ ແຕ່ຍັງເປັນການສົ່ງເສີມພາບລັກຄວາມທັນສະໄໝຂອງ ສປປ ລາວ ທີ່ຈະສະໜັບສະໜູນຈຸດແຂງທີ່ມີຢູ່ແລ້ວ ໂດຍສະເພາະໃນປີທ່ອງທ່ຽວລາວ ຫຼື Visit Laos Year 2024 ຊຶ່ງຈະຊ່ວຍສ້າງຄວາມຈະເລີນທາງເສດຖະກິດຂອງປະເທດ ຍົກລະດັບຄຸນນະພາບຊີວິດຂອງປະຊາຊົນ.
ເຊເວັ່ນ ອີເລຟເວັ່ນ ສາຂາບ້ານສະໜາມໄຊ ຍັງມີຈຸດເດັ່ນດ້ວຍສິນຄ້າອຸປະໂພກ ບໍລິໂພກທີ່ໄດ້ມາດຕະຖານ ໂດຍສະເພາະ ສິນຄ້າຍອດນິຍົມມີຈຳໜ່າຍສະເພາະທີ່ຮ້ານເຊເວັ່ນ ອີເລຟເວັ່ນ ເທົ່ານັ້ນ ເຊັ່ນ: Slurpee, ເຄື່ອງດື່ມຊົງສົດ All Café, ສິນຄ້າອົບສົດ ແລະ ອາຫານພ້ອມໃຫ້ຮັບປະທານ ຕອບໂຈດຜູ້ບໍລິໂພກ ທຸກເພດທຸກໄວ. ພ້ອມກັນນີ້, ຍັງເປັນອີກໜຶ່ງຊ່ອງທາງໃນການສະໜັບສະໜູນສິນຄ້າທ້ອງຖິ່ນ ຂອງຜູ້ປະກອບການລາວ ເພື່ອສ້າງວຽກງານ, ສ້າງອາຊີບ ສົ່ງມອບໂອກາດໃນການເຕີບໃຫຍ່ ຢ່າງຍືນຍົງຮ່ວມກັນ ຕາມແນວທາງ 3 ປະໂຫຍດຂອງເຄືອຈະເລີນໂພກກະພັນ ຄື: ເພື່ອປະໂຫຍດແກ່ປະເທດຊາດ, ປະຊາຊົນ ແລະ ອົງກອນ ທີ່ຢຶດຖືໃນການດຳເນີນທຸລະກິດຕະຫຼອດມາ.
ຂ່າວ: ນາງ ລັດສະໝີ
ຄໍາເຫັນ