ຕອນບ່າຍວັນທີ 7 ມັງກອນ 2024, ສະຫາຍ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງລັດຖະບານລາວ ໄດ້ສິ້ນສຸດການຢ້ຽມຢາມຫວຽດນາມ ຢ່າງເປັນທາງການ ແລະ ເປັນປະທານຮ່ວມກອງປະຊຸມຄະນະກໍາມະການຮ່ວມມືທະວິພາຄີ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ ຄັ້ງທີ 46 ລະຫວ່າງວັນທີ 6-7 ມັງກອນຜ່ານມາ, ຕາມຄໍາເຊີນຂອງສະຫາຍ ຟ້າມມິງຈິງ ນາຍົກລັດຖະມົນຕີ ແຫ່ງ ສສ ຫວຽດ ນາມ.
ອອກສົ່ງຄະນະຜູ້ແທນຢູ່ສະໜາມບິນສາກົນໂນ້ຍບ່າຍ, ມີສະຫາຍ ຫງວຽນຈີ໋ຢຸງ ລັດຖະມົນຕີກະຊວງແຜນການ ແລະ ການລົງທຶນ, ສະຫາຍ ໂດ໊ຮຸ່ງຫວຽດ ຮອງລັດຖະມົນຕີກະຊວງການຕ່າງປະເທດ, ສະຫາຍ ຫງວຽນບ໋າຮຸ່ງ ເອກອັກຄະລັດຖະທູດ ວິສາມັນຜູ້ມີອໍານາດເຕັມແຫ່ງ ສສຫວຽດນາມ ປະຈໍາ ສປປລາວ ພ້ອມດ້ວຍຜູ້ຕາງໜ້າບັນດາກົມ ຂອງກະຊວງການຕ່າງປະເທດ, ທ່ານ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສປປ ລາວ ປະຈໍາ ສສ ຫວຽດນາມ ພ້ອມດ້ວຍບັນດາພະນັກງານ ສະຖານທູດລາວ ປະຈຳຫວຽດນາມ.
ໃນໄລຍະການຢ້ຽມຢາມ ຫວຽດນາມ, ສະຫາຍ ສອນໄຊ ສີພັນດອນ ໄດ້ໄປວາງພວງມາລາ ທີ່ ອະນຸສາວະລີ ນັກຮົບນິລະນາມ ແລະ ສຸສານ ປະທານ ໂຮ່ຈິມິນ ເພື່ອສະແດງຄວາມເຄົາລົບຕໍ່ນັກຮົບປະຕິວັດຜູ້ເສຍສະຫຼະຊີວິດເພື່ອປະເທດຊາດ ໃນປາງສົງຄາມ ແລະ ຕໍ່ຄຸນງາມຄວາມດີຂອງ ປະທານ ໂຮ່ຈິມິນ.
ສະຫາຍ ສອນໄຊ ສີພັນດອນ ໄດ້ເຂົ້າຢ້ຽມຂໍ່ານັບ ສະຫາຍ ຫວໍ ວັນ ເຖືອງ ປະທານປະເທດ ແລະ ສະຫາຍ ເວືອງ ດິ່ງ ເຫວ້ ປະທານສະພາແຫ່ງຊາດ ແຫ່ງ ສສ ຫວຽດນາມ. ພ້ອມນັ້ນ, ສອງ ນາຍົກລັດຖະມົນຕີ ກໍໄດ້ເຂົ້າຮ່ວມບັນດາກິດຈະການຕ່າງໆເຊັ່ນ: ພິທີຕ້ອນຮັບຢ່າງເປັນທາງການ, ກອງປະຊຸມພົບປະສອງຝ່າຍ, ເຂົ້າຮ່ວມເປັນສັກຂີພິຍານພິທີລົງນາມເອກະສານຮ່ວມມື ລະຫວ່າງ ສອງປະເທດ, ກອງປະຊຸມຮ່ວມມືການລົງທຶນລາວ - ຫວຽດນາມ ປີ 2024, ເປັນປະທານຮ່ວມກອງປະຊຸມຄະນະກໍາມະການຮ່ວມມືທະວິພາຄີ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ ຄັ້ງທີ 46, ພົບປະກັບນັກສຶກສາລາວ ແລະ ຫວຽດນາມ.
ໃນບັນດາການພົບປະຕ່າງໆ, ບັນດາສະຫາຍການນຳ ແຫ່ງ ສສ ຫວຽດນາມ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ການຢ້ຽມຢາມທາງການ ທີ່ ສສ ຫວຽດນາມ ໃນຄັ້ງນີ້ ຊຶ່ງເປັນຄັ້ງທໍາອິດ ພາຍຫຼັງ ສະຫາຍ ສອນໄຊ ສີພັນດອນ ດໍາລົງຕໍາແໜ່ງ ນາຍົກລັດຖະມົນຕີ ແຫ່ງ ສປປ ລາວ. ຕີລາຄາສູງບັນດາໝາກຜົນອັນດີງາມທີ່ພັກ, ລັດ ແລະ ປະຊາຊົນລາວ ຍາດມາໄດ້ໃນໄລຍະທີ່ຜ່ານມາ ໂດຍສະເພາະ ຄວາມມີສະຖຽນລະພາບທາງດ້ານການເມືອງ, ສັງຄົມມີຄວາມເປັນລະບຽບຮຽບຮ້ອຍ, ໜັກແໜ້ນ, ເສດຖະ ກິດ ມີການຟື້ນຟູ ແລະ ຂະຫຍາຍຕົວຢ່າງຕໍ່ເນືຶ່ອງ.
ພ້ອມກັນນັ້ນ, ສະຫາຍ ສອນໄຊ ສີພັນດອນ ໄດ້ສະແດງຄວາມຂອບໃຈ ຕໍ່ການຕ້ອນຮັບຢ່າງອົບອຸ່ນຂອງລັດຖະບານ ແລະ ປະຊາຊົນ ຫວຽດນາມ ຕໍ່ຄະນະຜູ້ແທນຂັ້ນສູງລັດຖະບານລາວ ໃນຄັ້ງນີ້; ສະແດງຄວາມປິຕິຊົມຊື່ນທີ່ໄດ້ມາຢ້ຽມຢາມ ຫວຽດນາມ ຄັ້ງທຳອິດໃນຖານະຕຳແໜ່ງໃໝ່ຂອງຕົນ. ສອງນາຍົກກໍສະແດງຄວາມປິຕິຊົມຊື່ນຕໍ່ການພັດທະນາອັນດີງາມ, ຮອບດ້ານ, ເລິກເຊິ່ງ ແລະ ມີປະສິດທິຜົນຂອງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລາວ - ຫວຽດນາມ.
ກ່ຽວກັບທິດທາງການຮ່ວມມືໃນໄລຍະຕໍ່ໜ້າ, ສອງຝ່າຍ ໄດ້ເຫັນດີເປັນເອກະພາບເພີ່ມທະວີການແລກປ່ຽນພົບປະ ແລະ ການພົວພັນ ລະຫວ່າງ ການນໍາຂັ້ນສູງ, ລວມມີສັນຍາຮ່ວມມືຍຸດທະສາດ ລາວ - ຫວຽດນາມ ໄລຍະ 2021-2030, ສັນຍາຮ່ວມມືສອງຝ່າຍ ລາວ - ຫວຽດນາມ ໄລຍະ 2021-2025 ແລະ ຂໍ້ຕົກລົງກ່ຽວກັບແຜນການຮ່ວມມື ລາວ - ຫວຽດນາມ ປີ 2024.
ສອງຝ່າຍ ເພີ່ມທະວີການພົວພັນຮ່ວມມື ລະຫວ່າງ ສອງພື້ນຖານເສດຖະກິດ ລາວ - ຫວຽດນາມໂດຍສະເພາະ ແມ່ນລະບຽບລະບອບການ, ການເງິນ, ໂຄງລ່າງການຂົນສົ່ງ, ພະລັງງານ, ໂທລະຄົມ, ການທ່ອງທ່ຽວ...
ພ້ອມນີ້, ການນຳຫວຽດນາມ ຢືນຢັນຄວາມພ້ອມທີ່ຈະໜູນຊ່ວຍລາວ ປະຕິບັດໜ້າທີ່ຄວາມຮັບຜິດຊອບສາກົນ ໃນປີ 2024 ໄດ້ຮັບຜົນສໍາເລັດ, ໃນນັ້ນ ມີບົດບາດເປັນປະທານອາຊຽນ.
ເນື່ອງໃນໂອກາດນີ້, ບັນດາກະຊວງ, ຂະແໜງການຂອງສອງປະເທດ ໄດ້ລົງນາມເອກະສານຮ່ວມມື 4 ສະບັບລວມມີ: 1. ອະນຸສັນຍາ ວ່າດ້ວຍການຮ່ວມມືຄຸ້ມຄອງ, ປ້ອງກັນຊາຍແດນ ລະຫວ່າງ ກະຊວງປ້ອງກັນປະເທດ ແຫ່ງ ສປປ ລາວ ແລະ ກະຊວງປ້ອງກັນປະເທດ ແຫ່ງ ສສ ຫວຽດນາມ, 2. ບົດບັນທຶກຊ່ວຍຈໍາການຮ່ວມມື ລະຫວ່າງ ຫ້ອງວ່າການສໍານັກງານນາຍົກລັດຖະມົນຕີລາວ ແລະ ຫ້ອງວ່າການລັດຖະບານ ຫວຽດນາມ ໄລຍະ 2024-2025, 3. ແຜນການຮ່ວມມືປະຈໍາປີ 2024 ລະຫວ່າງ ກະຊວງສຶກສາທິການ ແລະ ກິລາ ແຫ່ງ ສປປ ລາວ ແລະ ກະຊວງສຶກສາ ແລະ ກໍ່ສ້າງ ແຫ່ງ ສສ ຫວຽດນາມ ແລະ 4. ບົດບັນທຶກຄວາມເຂົ້າໃຈ ວ່າດ້ວຍການພັດທະນາ ແລະ ເຊື່ອມໂຍງພື້ນຖານໂຄງລ່າງການຄ້າຊາຍແດນ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ.
ໃນກອງປະຊຸມຮ່ວມມືການລົງທຶນ ລາວ - ຫວຽດນາມ, ນາຍົກລັດຖະມົນຕີລາວ ແລະ ນາຍົກລັດ ຖະມົນຕີ ຫວຽດນາມ ໄດ້ເປັນສັກຂີພິຍານພິທີມອບໃບຢັ້ງຢືນການລົງທຶນ ລະຫວ່າງ ບັນດາອົງການ, ນັກລົງທຶນ, ວິສາຫະກິດ ຂອງສອງປະເທດ ລາວ ແລະ ຫວຽດນາມ ໃນຂົງເຂດການເງິນ, ກະສິກຳ ແລະ ການຂຸດຄົ້ນແຮ່ທາດ.
ຕອນເຊົ້າວັນທີ 7 ມັງກອນ, ຢູ່ສຳນັກງານລັດຖະບານ ຫວຽດນາມ, ສະຫາຍ ສອນໄຊ ສີພັນດອນ ແລະ ສະຫາຍ ຟ້າມມິງຈິງ ໄດ້ເປັນປະທານຮ່ວມກອງປະຊຸມຄະນະກໍາມະການຮ່ວມມືທະວິພາຄີ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ ຄັ້ງທີ 46. ກອງປະຊຸມຄັ້ງນີ້, ໄດ້ສຸມໃສ່ແລກປ່ຽນ ແລະ ເຫັນດີເປັນເອກະພາບ ບັນດາເນື້ອໃນຕີລາຄາຕໍ່ຜົນສໍາເລັດ ຂອງການປະຕິບັດໃນຊຸມປີຜ່ານມາ, ພິເສດ ແມ່ນບັນດາບັນຫາທີ່ສອງຝ່າຍ ໄດ້ແກ້ໄຂຢ່າງຂາດຕົວ, ບັນດາຂໍ້ຄົງຄ້າງ, ວິທີແກ້ໄຂ ແລະ ທິດທາງໃໝ່ ໃນປີ 2024.
ໃນໄລຍະຢ້ຽມຢາມ ຫວຽດນາມ, ສະຫາຍ ນາງ ວັນດາລາ ສີພັນດອນ ພັນລະຍາ ຂອງສະຫາຍ ນາຍົກລັດຖະມົນຕີລາວ ແລະ ສະຫາຍ ນາງ ເລຖິບິກເຈີນ ພັນລະຍາຂອງ ສະຫາຍ ນາຍົກລັດຖະມົນຕີ ຫວຽດນາມ ໄດ້ໄປຢ້ຽມຢາມສະຖາບັນການສຶກສາ ແລະ ໝູ່ບ້ານຫັດຖະກຳທ້ອງຖິ່ນ ຢູ່ແຂວງຖາຍບິ່ງ, ບັນ ດາສະຖານທີ່ວັດທະນະທຳ ຢູ່ຮ່າໂນ້ຍ ອີກດ້ວຍ.
ໂດຍ: ສີວັນ
ອອກສົ່ງຄະນະຜູ້ແທນຢູ່ສະໜາມບິນສາກົນໂນ້ຍບ່າຍ, ມີສະຫາຍ ຫງວຽນຈີ໋ຢຸງ ລັດຖະມົນຕີກະຊວງແຜນການ ແລະ ການລົງທຶນ, ສະຫາຍ ໂດ໊ຮຸ່ງຫວຽດ ຮອງລັດຖະມົນຕີກະຊວງການຕ່າງປະເທດ, ສະຫາຍ ຫງວຽນບ໋າຮຸ່ງ ເອກອັກຄະລັດຖະທູດ ວິສາມັນຜູ້ມີອໍານາດເຕັມແຫ່ງ ສສຫວຽດນາມ ປະຈໍາ ສປປລາວ ພ້ອມດ້ວຍຜູ້ຕາງໜ້າບັນດາກົມ ຂອງກະຊວງການຕ່າງປະເທດ, ທ່ານ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສປປ ລາວ ປະຈໍາ ສສ ຫວຽດນາມ ພ້ອມດ້ວຍບັນດາພະນັກງານ ສະຖານທູດລາວ ປະຈຳຫວຽດນາມ.
ໃນໄລຍະການຢ້ຽມຢາມ ຫວຽດນາມ, ສະຫາຍ ສອນໄຊ ສີພັນດອນ ໄດ້ໄປວາງພວງມາລາ ທີ່ ອະນຸສາວະລີ ນັກຮົບນິລະນາມ ແລະ ສຸສານ ປະທານ ໂຮ່ຈິມິນ ເພື່ອສະແດງຄວາມເຄົາລົບຕໍ່ນັກຮົບປະຕິວັດຜູ້ເສຍສະຫຼະຊີວິດເພື່ອປະເທດຊາດ ໃນປາງສົງຄາມ ແລະ ຕໍ່ຄຸນງາມຄວາມດີຂອງ ປະທານ ໂຮ່ຈິມິນ.
ສະຫາຍ ສອນໄຊ ສີພັນດອນ ໄດ້ເຂົ້າຢ້ຽມຂໍ່ານັບ ສະຫາຍ ຫວໍ ວັນ ເຖືອງ ປະທານປະເທດ ແລະ ສະຫາຍ ເວືອງ ດິ່ງ ເຫວ້ ປະທານສະພາແຫ່ງຊາດ ແຫ່ງ ສສ ຫວຽດນາມ. ພ້ອມນັ້ນ, ສອງ ນາຍົກລັດຖະມົນຕີ ກໍໄດ້ເຂົ້າຮ່ວມບັນດາກິດຈະການຕ່າງໆເຊັ່ນ: ພິທີຕ້ອນຮັບຢ່າງເປັນທາງການ, ກອງປະຊຸມພົບປະສອງຝ່າຍ, ເຂົ້າຮ່ວມເປັນສັກຂີພິຍານພິທີລົງນາມເອກະສານຮ່ວມມື ລະຫວ່າງ ສອງປະເທດ, ກອງປະຊຸມຮ່ວມມືການລົງທຶນລາວ - ຫວຽດນາມ ປີ 2024, ເປັນປະທານຮ່ວມກອງປະຊຸມຄະນະກໍາມະການຮ່ວມມືທະວິພາຄີ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ ຄັ້ງທີ 46, ພົບປະກັບນັກສຶກສາລາວ ແລະ ຫວຽດນາມ.
ໃນບັນດາການພົບປະຕ່າງໆ, ບັນດາສະຫາຍການນຳ ແຫ່ງ ສສ ຫວຽດນາມ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ການຢ້ຽມຢາມທາງການ ທີ່ ສສ ຫວຽດນາມ ໃນຄັ້ງນີ້ ຊຶ່ງເປັນຄັ້ງທໍາອິດ ພາຍຫຼັງ ສະຫາຍ ສອນໄຊ ສີພັນດອນ ດໍາລົງຕໍາແໜ່ງ ນາຍົກລັດຖະມົນຕີ ແຫ່ງ ສປປ ລາວ. ຕີລາຄາສູງບັນດາໝາກຜົນອັນດີງາມທີ່ພັກ, ລັດ ແລະ ປະຊາຊົນລາວ ຍາດມາໄດ້ໃນໄລຍະທີ່ຜ່ານມາ ໂດຍສະເພາະ ຄວາມມີສະຖຽນລະພາບທາງດ້ານການເມືອງ, ສັງຄົມມີຄວາມເປັນລະບຽບຮຽບຮ້ອຍ, ໜັກແໜ້ນ, ເສດຖະ ກິດ ມີການຟື້ນຟູ ແລະ ຂະຫຍາຍຕົວຢ່າງຕໍ່ເນືຶ່ອງ.
ພ້ອມກັນນັ້ນ, ສະຫາຍ ສອນໄຊ ສີພັນດອນ ໄດ້ສະແດງຄວາມຂອບໃຈ ຕໍ່ການຕ້ອນຮັບຢ່າງອົບອຸ່ນຂອງລັດຖະບານ ແລະ ປະຊາຊົນ ຫວຽດນາມ ຕໍ່ຄະນະຜູ້ແທນຂັ້ນສູງລັດຖະບານລາວ ໃນຄັ້ງນີ້; ສະແດງຄວາມປິຕິຊົມຊື່ນທີ່ໄດ້ມາຢ້ຽມຢາມ ຫວຽດນາມ ຄັ້ງທຳອິດໃນຖານະຕຳແໜ່ງໃໝ່ຂອງຕົນ. ສອງນາຍົກກໍສະແດງຄວາມປິຕິຊົມຊື່ນຕໍ່ການພັດທະນາອັນດີງາມ, ຮອບດ້ານ, ເລິກເຊິ່ງ ແລະ ມີປະສິດທິຜົນຂອງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລາວ - ຫວຽດນາມ.
ກ່ຽວກັບທິດທາງການຮ່ວມມືໃນໄລຍະຕໍ່ໜ້າ, ສອງຝ່າຍ ໄດ້ເຫັນດີເປັນເອກະພາບເພີ່ມທະວີການແລກປ່ຽນພົບປະ ແລະ ການພົວພັນ ລະຫວ່າງ ການນໍາຂັ້ນສູງ, ລວມມີສັນຍາຮ່ວມມືຍຸດທະສາດ ລາວ - ຫວຽດນາມ ໄລຍະ 2021-2030, ສັນຍາຮ່ວມມືສອງຝ່າຍ ລາວ - ຫວຽດນາມ ໄລຍະ 2021-2025 ແລະ ຂໍ້ຕົກລົງກ່ຽວກັບແຜນການຮ່ວມມື ລາວ - ຫວຽດນາມ ປີ 2024.
ສອງຝ່າຍ ເພີ່ມທະວີການພົວພັນຮ່ວມມື ລະຫວ່າງ ສອງພື້ນຖານເສດຖະກິດ ລາວ - ຫວຽດນາມໂດຍສະເພາະ ແມ່ນລະບຽບລະບອບການ, ການເງິນ, ໂຄງລ່າງການຂົນສົ່ງ, ພະລັງງານ, ໂທລະຄົມ, ການທ່ອງທ່ຽວ...
ພ້ອມນີ້, ການນຳຫວຽດນາມ ຢືນຢັນຄວາມພ້ອມທີ່ຈະໜູນຊ່ວຍລາວ ປະຕິບັດໜ້າທີ່ຄວາມຮັບຜິດຊອບສາກົນ ໃນປີ 2024 ໄດ້ຮັບຜົນສໍາເລັດ, ໃນນັ້ນ ມີບົດບາດເປັນປະທານອາຊຽນ.
ເນື່ອງໃນໂອກາດນີ້, ບັນດາກະຊວງ, ຂະແໜງການຂອງສອງປະເທດ ໄດ້ລົງນາມເອກະສານຮ່ວມມື 4 ສະບັບລວມມີ: 1. ອະນຸສັນຍາ ວ່າດ້ວຍການຮ່ວມມືຄຸ້ມຄອງ, ປ້ອງກັນຊາຍແດນ ລະຫວ່າງ ກະຊວງປ້ອງກັນປະເທດ ແຫ່ງ ສປປ ລາວ ແລະ ກະຊວງປ້ອງກັນປະເທດ ແຫ່ງ ສສ ຫວຽດນາມ, 2. ບົດບັນທຶກຊ່ວຍຈໍາການຮ່ວມມື ລະຫວ່າງ ຫ້ອງວ່າການສໍານັກງານນາຍົກລັດຖະມົນຕີລາວ ແລະ ຫ້ອງວ່າການລັດຖະບານ ຫວຽດນາມ ໄລຍະ 2024-2025, 3. ແຜນການຮ່ວມມືປະຈໍາປີ 2024 ລະຫວ່າງ ກະຊວງສຶກສາທິການ ແລະ ກິລາ ແຫ່ງ ສປປ ລາວ ແລະ ກະຊວງສຶກສາ ແລະ ກໍ່ສ້າງ ແຫ່ງ ສສ ຫວຽດນາມ ແລະ 4. ບົດບັນທຶກຄວາມເຂົ້າໃຈ ວ່າດ້ວຍການພັດທະນາ ແລະ ເຊື່ອມໂຍງພື້ນຖານໂຄງລ່າງການຄ້າຊາຍແດນ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ.
ໃນກອງປະຊຸມຮ່ວມມືການລົງທຶນ ລາວ - ຫວຽດນາມ, ນາຍົກລັດຖະມົນຕີລາວ ແລະ ນາຍົກລັດ ຖະມົນຕີ ຫວຽດນາມ ໄດ້ເປັນສັກຂີພິຍານພິທີມອບໃບຢັ້ງຢືນການລົງທຶນ ລະຫວ່າງ ບັນດາອົງການ, ນັກລົງທຶນ, ວິສາຫະກິດ ຂອງສອງປະເທດ ລາວ ແລະ ຫວຽດນາມ ໃນຂົງເຂດການເງິນ, ກະສິກຳ ແລະ ການຂຸດຄົ້ນແຮ່ທາດ.
ຕອນເຊົ້າວັນທີ 7 ມັງກອນ, ຢູ່ສຳນັກງານລັດຖະບານ ຫວຽດນາມ, ສະຫາຍ ສອນໄຊ ສີພັນດອນ ແລະ ສະຫາຍ ຟ້າມມິງຈິງ ໄດ້ເປັນປະທານຮ່ວມກອງປະຊຸມຄະນະກໍາມະການຮ່ວມມືທະວິພາຄີ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສສ ຫວຽດນາມ ຄັ້ງທີ 46. ກອງປະຊຸມຄັ້ງນີ້, ໄດ້ສຸມໃສ່ແລກປ່ຽນ ແລະ ເຫັນດີເປັນເອກະພາບ ບັນດາເນື້ອໃນຕີລາຄາຕໍ່ຜົນສໍາເລັດ ຂອງການປະຕິບັດໃນຊຸມປີຜ່ານມາ, ພິເສດ ແມ່ນບັນດາບັນຫາທີ່ສອງຝ່າຍ ໄດ້ແກ້ໄຂຢ່າງຂາດຕົວ, ບັນດາຂໍ້ຄົງຄ້າງ, ວິທີແກ້ໄຂ ແລະ ທິດທາງໃໝ່ ໃນປີ 2024.
ໃນໄລຍະຢ້ຽມຢາມ ຫວຽດນາມ, ສະຫາຍ ນາງ ວັນດາລາ ສີພັນດອນ ພັນລະຍາ ຂອງສະຫາຍ ນາຍົກລັດຖະມົນຕີລາວ ແລະ ສະຫາຍ ນາງ ເລຖິບິກເຈີນ ພັນລະຍາຂອງ ສະຫາຍ ນາຍົກລັດຖະມົນຕີ ຫວຽດນາມ ໄດ້ໄປຢ້ຽມຢາມສະຖາບັນການສຶກສາ ແລະ ໝູ່ບ້ານຫັດຖະກຳທ້ອງຖິ່ນ ຢູ່ແຂວງຖາຍບິ່ງ, ບັນ ດາສະຖານທີ່ວັດທະນະທຳ ຢູ່ຮ່າໂນ້ຍ ອີກດ້ວຍ.
ໂດຍ: ສີວັນ
ຄໍາເຫັນ