ຢາພື້ນເມືອງພູເຂົາຄວາຍ ກະທຽມດໍາດອງນໍ້າເຜິ້ງປິ່ນປົວພະຍາດໄຂມັນຫຸ້ມເສັ້ນເລືອດ-ຫົວໃຈ

ນາງ ວິໄລພອນ ຂັດຕິຍະລາດ ວິຊາການຕະຫຼາດຢາພື້ນເມືອງພູເຂົາຄວາຍ ແຂວງບໍລິຄໍາໄຊໄດ້ໃຫ້ສໍາພາດຕໍ່ນັກຂ່າວໜັງສືພິມປະຊາຊົນ ເມື່ອບໍ່ດົນຜ່ານມາວ່າ: ຕົນເອງຮູ້ສຶກດີໃຈໄດ້ນໍາເອົາຢາ ພື້ນເມືອງພູເຂົາຄວາຍ ມາວາງຂາຍໃນງານຄັ້ງນີ້ ເລີ່ມແຕ່ວັນທີ 26-30 ມັງກອນນີ້ ທີ່ ສວນເຈົ້າອະນຸວົງ ແຄມຂອງ ນະຄອນຫຼວວຽງຈັນ. ຕົນເອງແມ່ນເປັນຕົວແທນຂອງອາຈານ ຄໍາພັນ ໄຊຍະປັນຍາ ທີ່ຂາຍຢາດັ່ງກ່າວໃນທົ່ວປະເທດ ຊຶ່ງຢາພື້ນເມືອງພູເຂົາຄວາຍ ແມ່ນເລີ່ມເຮັດມາແຕ່ປີ 2007 ແລະ ໄດ້ໂອດັອບປີ 2015 ແລະ ໄດ້ 3 ດາວ 2024. ຫຼັງຈາກເຮັດຢາຂຶ້ນມາກໍໄດ້ຄໍານຶງເຖິງອົງການອາຫານ ແລະ ຢາ (ອຢ) ເປັນຫຼັກ ເນື່ອງຈາກເພິ່ນເປັນນັກວິໄຈຢາພື້ນເມືອງ ເພື່ອຕ້ອງຮັບຮູ້ເລື່ອງ ອຢ ມາກ່ອນ. ປັດຈຸບັນຢາພື້ນເມືອງເກືອບວ່າປິ່ນປົວພະຍາດທຸກຢ່າງ ແລະ ສາມາດເວົ້າໄດ້ວ່າເປັນແພດທາງເລືອກຂອງຢາພື້ນເມືອງລາວ ຊຶ່ງຢາທີ່ມີຊື່ສຽງຂອງຮ້ານ ເປັນຕົ້ນຢາດີກະເພາະ, ຢາທາຂີ້ເຜີ້ງ 108, ສໍາລັບວັດຖຸດິບແມ່ນນໍາມາຈາກສວນຢາຢູ່ບ້ານໂພນສະຫວັນ ເມືອງບໍລິຄໍາໄຊ ແຂວງບໍລິຄໍາໄຊ. ປັດຈຸບັນມີ 50 ຊະນິດຢາພື້ນເມືອງ ພົ້ນເດັ່ນເຊັ່ນ: ຢາດີກະເພາະລໍາໄສ້. ການເຂົ້າຮ່ວມງານໃນຄັ້ງນີ້, ແມ່ນເທື່ອທີ 3 ແລ້ວ, ຜະລິດຕະພັນທີ່ເອົາມາວາງຂາຍໃນປີນີ້ ແມ່ນບໍ່ຫຼາຍ ທີ່ຢາກນໍາສະເໜີຄື: ກະທຽມດໍາດອງນໍ້າເຜິ້ງ ທີ່ມີສັບພະຄຸນດີ, ປິ່ນປົວພະຍາດໄຂມັນຫຸ້ມເສັ້ນເລືອດ, ໄຂມັນຫຸ້ມຫົວໃຈ. ສະນັ້ນ, ຖ້າທ່ານໃດສົນຢາພື້ນເມືອງພູເຂົາຄວາຍ ສາມາດຫາຊື້ໄດ້ທີ່ງານເທດສະການອາ ຫານລາວ. ໃນນັ້ນ, ຍັງມີວາງຂາຍຢູ່ຮ້ານດີໝາກ, ກ໋ອກກ໋ອກໝາກທຸກສາຂາ ຫຼື ຊື້ໄດ້ຢູ່ບ້ານໂພນສະຫວັນ ເມືອງບໍລິຄໍາໄຊ ແຂວງບໍລິຄໍາໄຊ ເບີໂທ: 020 55572407.