 |
ໃນວັນທີ 30 ມິຖຸນາຜ່ານມານີ້, ເຈົ້າໜ້າທີ່ເຄືອຂ່າຍບັງຄັບໃຊ້ກົດໝາຍວ່າດ້ວຍສັດປ່າ ແລະ ກົດໝາຍວ່າດ້ວຍປ່າໄມ້ (LAO-WEN) ໄດ້ລົງເຄື່ອນໄຫວກວດກາຢູ່ສະຖານທີ່ ລັກລອບຄ້າຂາຍ ຊິ້ນສ່ວນ ແລະ ຜະລິດຕະພັນທີ່ຄ້າຍຄືສັດປ່າ ປະເພດຫວງຫ້າມ ຢູ່ບ້ານສັງຄະໂລກ ນະຄອນ-ຫຼວງພະບາງ ແຂວງຫຼວງພະບາງ, ຜ່ານການລົງກວດກາຕົວຈິງ, ເຈົ້າໜ້າທີ່ໄດ້ພົບເຫັນການລັກລອບຄ້າຂາຍ ຊິ້ນສ່ວນ ແລະ ຜະລິດຕະພັນທີ່ຄ້າຍຄືສັດປ່າ ປະເພດຫວງຫ້າມ ຢູ່ທີ່ ບ້ານສັງຄະໂລກ ນະຄອນ- ຫຼວງພະບາງ ແຂວງຫຼວງພະບາງ ຂອງກາງທີ່ກວດພົບ ແລະ ໄດ້ກັກຢຶດເບື້ອງຕົ້ນປະກອບມີ: ຊິ້ນສ່ວນ ແລະ ຜະລິດຕະພັນ ຄ້າຍຄືນໍແຮດຈໍານວນ 486 ຊິ້ນສ່ວນ, ນໍ້າໜັກ 11,770 ກິໂລ, ຄ້າຍຄືຜົງນໍແຮດ ຈໍານວນ 2 ຖົງ, ນໍ້າໜັກ 1,400 ກິໂລ, ຊິ້ນສ່ວນ ແລະ ຜະລິດຕະພັນຄ້າຍຄືງາຊ້າງ ຈຳນວນ 714 ອັນ ມີນໍ້າໜັກ 14,806 ກິໂລ, ຄ້າຍຄືຜົງໜັງຊ້າງ ຈໍານວນ 213 ກ໋ອງ ແລະ 1 ຖົງ, ນໍ້າໜັກ 17 ກິໂລ, ຊິ້ນສ່ວນຄ້າຍຄືເກັດລິ່ນ ຈຳນວນ 3 ແກັດ, ນໍ້າໜັກ 39,870 ກິໂລ, ຄ້າຍຄືຜົງເກັດລິ່ນ ຈໍານວນ 17 ຖົງ ແລະ 88 ກ໋ອງ, ນໍ້າໜັກ 2,91 ກິໂລ, ຄ້າຍຄືບີໝີ ຈໍານວນ 77 ອັນ, ນໍ້າໜັກ 10,148 ກິໂລ, ຊິ້ນສ່ວນຄ້າຍຄືດູກສັດປ່າ ຈໍານວນ 4 ຖົງ ແລະ 3 ອັນ, ນໍ້າໜັກ 10,912 ກິໂລ, ຄ້າຍຄືເຂົາສັດປ່າ ຈໍານວນ 17 ອັນ, ນໍ້າໜັກ 0,758 ກິໂລ, ຄ້າຍຄືແຂ້ວສັດປ່າ ຈໍານວນ 4 ແຂ້ວ, ນໍ້າໜັກ 0,152 ກິໂລ, ຢາສະໝຸນໄພ ສົງໄສມີສ່ວນປະສົມຂອງສັດປ່າ ຈໍານວນ 1,400 ຫຼອດ/ເມັດ, ເຄື່ອງຈັກແປຮູບ ຊິ້ນສ່ວນ ແລະ ຜະລິດຕະພັນຈາກສັດປ່າ ຈຳນວນ 10 ເຄື່ອງ, ຕໍ່ກັບຜູ້ຖືກຫາເປັນ ເພດຊາຍ, ສັນຊາດ ຈີນ; ເຈົ້າໜ້າທີ່ເຄືອຂ່າຍບັງຄັບໃຊ້ກົດໝາຍວ່າດ້ວຍສັດປ່າ ແລະ ກົດໝາຍວ່າດ້ວຍປ່າໄມ້ (Lao-WEN) ຈະດຳເນີນດຳເນີນຄະດີ ຕາມຂະບວນການຍຸຕິທຳຢ່າງເຂັ້ມງວດ.
 |
(ຂ່າວ-ພາບ: ສຳນານ)
ຄໍາເຫັນ