ຂ່າວສານຊີອາໄອລາຍງານ, ໃນວັນທີ 23 ເມສາຜ່ານມາ ອົງການພະລັງງານສາກົນ ຫຼື IEA ປະກາດບົດລາຍງານຈ້ອງມອງເບິ່ງລົດພະລັງງານໄຟຟ້າທົ່ວໂລກ ປະຈຳປີ 2024 ໂດຍໃຫ້ຮູ້ວ່າ: ໃນເວລາ 10 ປີຕໍ່ໜ້າ, ຄວາມຕ້ອງການລົດພະລັງງານໄຟຟ້າຂອງທົ່ວໂລກຈະເພີ່ມຂຶ້ນຢ່າງຕໍ່ເນື່ອງ, ຄາດວ່າ: ປະລິມານການຈຳໜ່າຍໃນປີ 2024 ຈະບັນລຸເຖິງ 17 ລ້ານຄັນ, ກວມຫຼາຍກວ່າ 1/5 ຂອງຍອດປະລິມານການຈຳໜ່າຍລົດຍົນຂອງໂລກ. ຄວາມຕ້ອງການລົດພະລັງງານໄຟຟ້າເພີ່ມຂຶ້ນຢ່າງວ່ອງໄວຈະເຮັດໃຫ້ອຸດສາຫະກຳລົດຍົນທົ່ວໂລກໄດ້ຮັບການປັບປຸງຄືນໃໝ່ ແລະ ຫຼຸດການສິ້ນເປືອງນ້ຳມັນເຊື້ອໄຟໃນຂົງເຂດຄົມມະນາຄົມທາງບົກຢ່າງເດັ່ນຊັດ.
ບົດລາຍງານທີ່ມີຫົວຂໍ້ “ຈ້ອງມອງເບິ່ງລົດພະລັງງານໄຟຟ້າທົ່ວໂລກປີ 2024” ສະບັບນີ້ຄາດຄະເນວ່າ: ປີ 2024, ປະລິມານການຈຳໜ່າຍລົດພະລັງງານໄຟຟ້າຂອງຈີນຈະເພີ່ມຂຶ້ນ ປະມານ 10 ລ້ານຄັນ, ກວມປະມານ 45% ຂອງປະລິມານການຈຳໜ່າຍລົດຍົນຂອງຈີນ. ຢູ່ອາເມຣິກາ ແລະ ເອີຣົບ, ອັດຕາສ່ວນການຈຳໜ່າຍລົດພະລັງງານໄຟຟ້າຄາດວ່າຈະຢູ່ໃນລະດັບປະມານ 1/9 ແລະ 1/4 ຕາມລຳດັບ.
ຄໍາເຫັນ